17/9/24

 17/9/24     TUE     HOT

今日又熱番, 中秋節都咁熱, 不過好似香港仲熱啲, 去到35度, 痴線! 朝早都係咁返工返學啦, 都冇咩特別, 有堂就上有飯就食, 跟呢個學生就最好, 你真係伴住佢上堂就係, 夠鐘就放學走人, 唔洗趕住接仲爺係好啲, 但我都唔想迫人咁放學, 所以都係準時走人好啲! 接完仲爺返去倒埋垃圾諗住可以休息, 跟住先醒起未買魚, 唯有再出去買, 返嚟食啲嘢都要準備今晚做節, 好多嘢煮, 要煲花膠雞湯, 又要整蝦整魚, 又要預備菜同鮑魚, 細佬去踢咁耐波就煮足咁耐, 期間仲要摺埋衫等等, 個人有啲燥底添! 終於食得飯都8點幾, 好似煮得太多咁好在都食得哂, 咁就過咗個中秋啦, 梗係有影吓相打吓卡咁啦, 仲要洗埋碗沖涼休息嘛!