30/9/23

 30/9/23     SAT     WARM

今朝我傻咗以為係閒日, 見到8點鐘, 以為遲到, 所以大叫, 老公比我嚇死, 話今日係星期六喎, 真係好白痴! 不過之後都hea到10點先起身! 食埋早餐都11點幾, 仲爺又話要幫佢tun結他, 最終我地差不多12點先出到門口, 先去買咖啡, 再去超市買埋今個星期餸, 今個星期應該唔洗再買餸, 返到去淨係執番啲餸入雪櫃都好攰, 仲要plan埋邊日食咩, 然後先可以煮嘢食, 老公就揍咗子元去做gym! 食完嘢做埋打掃, 我就繼續追我套BL劇- 我的牙想你, 得番4集兩個鐘就追哂, 真係好好好好睇, 又有劇情又有靚仔, 邊有得輸, 睇完嗰吓我係好唔捨得呀, 幾耐未諗過, 唔想開套新劇添呀, 真係好好笑! 我仲忍唔住喺口水個DM打咗個留言介紹佢地睇, 好痴線! 老公煮好飯就可以開飯, 之後睇財閥家的小兒子都好吸引, 減吓我對BL劇的不捨吧!