4/4/23

 4/4/23.    TUE.    COLD

今日好似好忙碌咁，因為預算同哥哥去銀行整張銀行卡，點知起身出門口都10點幾，難得我扚起心肝終於安裝咗個銀行Apps，點知過咗錢落去都係用唔到，完全唔知點解，去咗銀行問咗佢，喺櫃員機解開咗個pins都係用唔到，然後整完張卡係登記咗，但係因為要簽文件，但已經過咗11:30相關時間，結果要搵日再嚟過！咁咪唯有後日再嚟囉，諗住行過去southall Park睇吓個funfair，點知原來兩點鐘先至開，咁唯有擇日再嚟，跟住就行返屋企整午餐食！食完午餐我就要摺衫，細佬要做功課，等老公返嚟就去咗Costco入貨，又買到傻咗，但重點係買唔到雞蛋，喺嗰度食埋晚餐就返屋企，放低晒啲貨就去funfair，陪細佬玩咗碰碰車同攤位遊戲，咩都冇攞走就返屋企，返到去同你啲肉女分裝先至可以沖涼瞓覺！