5/4/23

 5/4/23.    WED.    COOL

今日都冇出過門口，所以其實都冇咩好寫，朝早八點幾起身梳洗整早餐食，然之後就預備定午餐嘅粥同埋炒麵，呢啲都係比較相似嘅嘢，然之後就開電腦做吓嘢，醒起我啲按金仲未退返，就email去問吓，最終佢話我個戶口資料唔啱，佢哋就冇再理，呢啲係咩做法！我俾返銀行資料，佢希望聽日做得返啲錢俾我，窮嘅時候就會諗吓仲有咩人爭我錢！鄧子園踢完波返嚟就食午餐，然之後都係邊上網邊打機，跟住就再煮今晚嘅菜湯，因為我好想食西芹同蘿蔔，所以我自己另外煮起咗一個煲！晚飯時間佢哋睇曼聯，所以食完我就洗碗摺衫然後沖涼！