6/2/23

 6/2/23     MON.    COLD

今日終於回復正常啦，不過子元病咗冇返學，又要同佢打返學校請假，預備拎晒啲藥同埋食物喺佢間房，等佢可以好好休息！我同細佬就快手快腳搞掂出門口返工返學， Bella今個星期改咗第二堂先返，第一堂變咗要去跟另一個麻煩學生，不過佢無返，咁就去咗佢課室就算啦！夠鐘就去接Bella，佢今日心情都幾好冇咩特別事，我都可以好好咁樣坐下休息吓，小息同放break就同張樂銚佢哋吹吓水！11點幾放飯有啲早，今日真係要去飯堂買嘢食啦，好在今日係炒麵，叫做入得口！冇事冇幹捱到放學即閃人，接咗細佬，佢又話要去公園玩，咁就俾佢玩咗10分鐘先返屋企，買埋餸返去又要做吓家務咁，今日唔使湊德可以休閒啲！我上咗房覆email，老公就煮晚餐，佢煮嘢食好食過我，最好梗係佢煮啦！食完飯睇電視睇到九點幾沖涼瞓覺！