26/2/23

 26/2/23     SUN.    COLD

都係平常星期日嘅操作啦，仲仲今日要比賽，9點幾要出門口，今日場比賽都算幾好睇，最終佢哋人四比一！比賽完之後都係11點多啲，又要諗去邊度食嘢，因為跟住就到阿哥補習！最終返咗Browadway，試咗Mandy講嗰間日本嘢，有啲似香港嘅遠貴，係有少少貴，不過都幾好食！間中食吓都可以嘅！湊咗阿哥去補習，我哋又去超市買吓嘢就返屋企，星期日嘅下午主要都係做清潔工作，老公就好眼瞓，去到咁上下又要出去湊番子元，做嘢就玩Lego睇波好輕鬆！今日曼聯贏咗杯賽，中野就喺度發癲！等老公返嚟就整晚餐，整咗啫啫雞煲，仲可以攞嚟打邊爐幾正！