12/7/23

 12/7/23     WED     WARM

今日學校運動會, 都係返去hea, 明明我喺更表見到我唔係跟Amira, 但返到去本身跟Amira嗰個同事就話改咗係我跟, 是但啦我都冇咩所謂, 返正都係跟住佢同埋去坐! 第一堂見有時間就溫咗陣書, 之後都冇咩心機溫, 佢又行嚟行去搞到我都唔可以坐定, 於是都係睇吓手機算, 學生兩點就放學, 我地就要吽到平時夠鐘先走得! 接咗仲爺返屋企係咁食嘢, 飽到晚飯淨係食餸都夠! 5點幾帶咗仲爺去田徑, 返嚟就開飯! 所以9點幾已經可以沖涼, 早啲休息!