7/7/23

 7/7/23     FRI     HOT

今日又變番熱，都啱嘅，夏天嘛！今日佢兩個唔洗返，咁我咪可以慢慢出門口，返去都係準備點名，我第一時間攞咗Letty嗰班嚟點，又可以同佢吹水，原來琴日佢同佢老豆炒大穫，3點幾先瞓，陰公！我聽完佢講又覺得炮哥有啲唔啱，但呢啲係人地家事，只可以開解吓佢，夠鐘又要各自走，返番大房其實冇咩好做，完全係搵嘢嚟做就算！放飯咪食自己，食完去搵Letty繼續吹水，繼續開解！到下午時段就唔多洗做，於是幫Anna砌埋個行程同有咩地方好食！最後未夠3點就放人，正！返去等老公整花園收埋尾，就出去Broadway 買嘢，估唔到仲爺又撞到學校老師，我又撞到學生同老師！返屋企就執吓行裝，明天短trip啦！