14/11/23

 14/11/23     TUE     RAIN

今朝竟然有啲趕出門口, 去到學校以為未開門, 點知原來已經遲哂, 明天都係要早啲! 趕到返學校即時開工啦, 跟顛妹其實都冇咩, 因為我都唔多理佢架啦, 照樣喺佢有佢顛, 我有我呆, 一定要保持呢個心態先可以! PE堂先攞命, 小息已經落緊雨, 好在老師識得快啲叫我地去室內場先點名! 三班一齊上只可以玩bench ball, 好嘈! 午飯顛妹因為琴日做錯事, 所以要留喺AL1, 好在我都放飯, 唔洗喺到呆! 之後上數同history, 忙忙亂亂咁又完! 因為唔早走得, 我要等到打鐘先行得, 結果趕就因快得慢, 出車行停車場位, 有架車又出比佢嚇一跳, 急停唔切就飛咗個人出嚟又跌落地囉, 都唔算好傷, 但嚇死個司機囉! 快手去reception貼埋膠布就要走, 趕住去接仲仲, 真係好遲囉, 幾唔好意思! 然後仲要去買番對鞋, 佢對返學校肚餓開哂口! 返到屋企仲要趕住天黑前倒埋垃圾! 然後要煮嘢食啦, 好肚餓! 等佢地閃哂去練波就可以追吓劇咁啦, 煮好飯返嚟就食飯睇電視沖涼休息!