31/3/25

 31/3/25     MON     WARM 

今日除咗攰就係攰，今個星期時間表改哂，我跟咗三隻小天使，冇一隻冇返都好啲，但最難搞嗰庄仲係到！所以我都好攰，你要同人不停講嘢咁嘢真係好攰！終於捱到放工，返到屋企其實唔太肚餓但又想食啲嘢，不過食完又反胃又好攰咁，攤咗好幾個鐘到7點幾先好啲，可以起身煮飯，煮完食完都9點幾，等沖涼休息！

30/3/25

 30/3/25     SUN     WARM

琴晚好夜瞓，加埋轉咗夏令，10點幾先起身，食埋早餐出去買餸，不過之前酚買咖啡，又行埋B&M，返得屋企都差不多4點，老公即刻整煙肉蛋漢堡，好食！之後又係睇電視，但老公煮晚餐煮好耐，又唔整咗餸先走去整肉丁，搞到9點幾先開飯！

29/3/25

 29/3/25     SAT    WARM

今日起身後自己煮早餐，因為佢地出哂去練波，本來12 點應該去驗眼，但踢波又遲咗又塞吓車咁，去到又冇得驗，但原來要£30，咁唔驗住啦！去Jenet屋企攞買咗嘅嘢，吹完再去接哥哥，佢做完gym，去榮業食嘢，買咗餸整麻婆豆腐，返咗去就唔買餸住，做埋清潔就休息！

28/3/25

 28/3/25     FRI     COOL

終於到星期五啦，今日係輕鬆自在嘅，學生又易搞課堂又易搞，咪輕鬆等收工囉，仲可以隔空買嘢，朋友去咗韓超有平嘢執，我又可以買埋一份，正！放工去攞埋仲仲隱形眼鏡就返去，食麥當勞因為有micraft ，幾得意！佢地出哂去練波練跑，本身應該做吓家務但完全hea咗，算啦星期六日先再做！

27/3/25

 27/3/25     THU     COOL

今日都係咁開工，都有啲悶到唔知講咩咁，只係第一堂個學生未返諗住hea吓，點知佢9 點幾又返咗，都要返去上PE堂，今日除咗悶同眼瞓真係冇咩好講！揍咗仲仲放學就返去煮麵食，摺衫睇電視預備晚飯老公返嚟煮！

26/3/25

 26/3/25     WED     WARM

今日如常開工，冇咩特別！係多咗一更要去揍其中一個玩drama club，同埋最辛苦係飯桶堂，佢真係令人覺得無所適從！其餘還可以，準時收工去超市買埋嘢，返屋企放低再去揍仲仲，返嚟都忙忙地咁，摺完衫好快又要煮飯，食完咪沖涼休息！

25/3/25

 25/3/25     TUE     COOL

今日本來諗住hea住過, 點知返到去, Ellie又出事, 佢又鬧佢個LSA, 最終唔知點解要同我對調, 不過其實除咗都係會攰啲之外, 我又唔覺得好攞命, 只係唔知要上咩堂有啲失方寸, 好在冇飯桶的英文咁就算啦! 又唔洗上PE都OK的! 放工遇算可以準時啦, 唔可以提早囉! 接咗仲爺返去又要先倒垃圾, 跟住又要煮麵食, 再趕佢去做boots up class的功課, 跟住佢又要上音樂堂, 然後去踢波, 我就要準備定飯餸老公返嚟煮, 然後就已經要去教會, 完全冇時間囉! 查實今日有啲完全唔係好聽得到神父講咩, 但都捱完嗰個幾鐘, 今次終於要改聖名, 找到一個完全喜歡適合又有意思的就係Clara, 係中學時崇拜的師姐的英文名, 實在喜歡! 另外一樣好笑事係, 完咗教會抬番架車落樓時真係好重, 所以搬完都有個攰樣, 突然同班的一個媽媽佢講咗句: 好重呀? 我完全反應唔切, 佢係咪講緊廣東話呀! 原來佢喺香港做咗14年姐姐, 嘩! 我真係覺得好親切呀, 下次有機會真係要同佢吹吓水, 超正! 

24/3/25

 24/3/25     MON     COOL

今日又要返工啦, 朝早都係咁返到去開工啦, 我覺得冇咩特別, 亦都算係平平穩穩架啦, 自己時間放飯再去做埋cover, 返去上PE堂亦都算係幾好玩, 上埋英文放得工, 接咗仲爺返嚟煮個麵share食又出去踢波, 另外今日收仲仲上次學校度高磅重個資料, 條友仔over weight囉, 唔洗佢度我都知啦, 洗鬼佢講! 今日老公趕唔切中途接我地, 要自己行入去啦! 返到屋企hea到7點多先開始煮飯, 老公回來接力煮, 食完睇多陣電視先沖涼休息!

23/3/25

 23/3/25     SUN     WARM

今日主要節目係要去12 點嗰轉mass，因為有個環節關今年領洗的人事，類似神父祝神咁啦，所以要坐喺第一行，真係好尷尬咁，第一次領聖體，感覺有啲奇怪，因為從少見到呢件事發生，但自己未試過，經過咁多先試到，好特別！完成就帶哥哥去神父面前刷吓存在先走！返到屋企完全冇嘢做，浪費咗一個下午，無所事事又心情不佳！

22/3/25

 22/3/25     SAT     WARM

星期六都係要去買餸，子元又話要剪髮，咁又要去broadway，又買埋需要用品，仲仲又要order con，最後車咗佢地返去再出去買餸，返得屋企都4點多，食咗pizza填吓肚，本來想無所事事，但仲爺又係未做好功課，都係要陪住佢做！哥哥要練波，返得嚟都9點幾，食埋鴨腿湯飯都10 點幾，太夜啦，仲仲等唔切我落嚟瞓咗！

21/3/25

 21/3/25    FRI     WARM

今日心血來潮想著裙就著，都幾好睇呀，但真係少著啦，唔係好慣添！返去照常開工啦，跟番正常更表，但個學生都仲係怪怪地，所以都唔係咁易做，同埋真係好悶，有時機打得多都係唔掂！終於捱到放學，返去等食嘢，食完就算冇晚餐，一路做蟲蟲到沖涼休息！

20/3/25

 20/3/25     THU     WARM

今日返到去又被調了更，是但啦都係咁做，跟顛妹嚟講今日算輕鬆，只係有啲體力上透支，因為第4 堂時課室之亂，搞咗差不多半個鐘先settle，不過英文堂冇飯筒已經萬幸！放工又準時走人，輕輕鬆鬆接埋仲爺返去又可以hea到煮飯時間先郁，今日好暖呀，明天應該可以著少啲！

19/3/25

19/3/25     WED     COOL

今日被迫留在家中，揍住我隻病咗嘅仲BB，不過都要一早起身，又要打電話請假，咁都要起埋身！打機打到9點先落樓，見仲爺瞓緊就煮早餐先，之後又要餵藥又要探熱咁，原來都仲未退燒，都燒到39度幾，早餐都冇胃口食陰公！不過食完藥抖吓慢慢退燒，到下午已經好好多開始有胃口！全日冇咩做就只係開造星2狂睇，午餐煲咗粥同雞絲麵比子元食，佢又走咗返學校打排球，年青真好！7點多煮晚飯，食到幾快，不過到我開始唔食咁多，肥呀！

18/3/25

 18/3/25     TUE     COLD

今朝本來如常咁返工，仲仲係有啲咳但都冇咩，照開工都有啲攰，仲要冇咁早放飯但又睇住啲學生食，幾辛苦，捱到點幾都差不多，上PD時代課，咁個assistant嚟講番要上堂做咩，我見佢張證個姓係wong就肯定佢都係香港人，咪吹吓水，點知吹吹吓reception個同事嚟搵我，初頭我聽唔清楚關我事，原來仲爺學校打過比我聽唔到，打咗去reception 通知我，細佬發高燒要我馬上接走，咁我就酚先搵人睇住條顛妹，再搵我啲阿姐，幾經辛苦終於攞到premet走得，接番隻仲返去先處理好佢沖涼食藥瞓咗上床，我先去煮嘢食，已經3點多，餓死我啦！食完仲要倒埋垃圾先休息，摺埋衫，7點多煮飯，仲仲瞓咗一覺退咗燒，但仲係咳，明天我都要請日假揍店佢架啦！

17/3/25

 17/3/25     MON     COLD

今朝又要趕頭趕命，仲仲改咗今朝補課，佢又慢吞吞，都遲架啦！到我返工，見到今日個顛妹都知佢失控，盡人事啦冇咩可以做，叫極佢都係唔合作，是但啦我都冇佢咁好氣！放工準時走人，接埋仲仲就趕 下場踢波，又係慢吞吞，不過由佢啦，太快又夾唔到老公架車到！返嚟休息吓又煮飯，它公用壓力煲整雞煲勁快，但我唔想食太多，食咗菜打底先再食麵，夠飽又唔洗咁多肉！

16/3/25

 16/3/25     SUN     COOL

今日主要活動係去costco買嘢，食完早餐先出門口，都12點幾，點知去到先發現今日有賽事，封路封到顛，入到去都算，走先出事，根本出唔到停車場，最終返到屋企已經3點幾！想再出去補貨都趕唔切，算啦，hea埋個星期日就算，食埋飯沖涼休息！

15/3/25

 15/3/25     SAT     COLD

星期六都係hea到夠先起身，不過好早就醒咗，可惡！等老公驗咗車就出去買餸，時間關係3點要練波，去唔切costco，咁明天先去啦，返去食埋麥當勞佢就出去練波，我就做清潔同摺埋啲衫，再loop造星2，晚飯老公整咗咖啡豬飯，好好食！

14/3/25

 14/3/25     FRI     COLD

終於到星期五，今日終於可以輕鬆吓，仲打咗好一輪機，有個舒服星期五都係好事，準時放飯同收工！返到屋企食完嘢，佢地去哂教波練體能，我就做蟲蟲，襯佢地返嚟前沖咗涼，咁又一日繼續睇電視！

13/3/25

 13/3/25     THU     RAIN

今日本來諗住hea吓，點知轉咗我跟3隻小天使，都有辛苦位，又要上PE堂，真上嗰隻一齊要跑，真係好攰！最後都準時收工，接埋仲仲返去抖，食咗啲嘢就抖吓攤吓，係要摺衫同煮飯囉，仲仲練完返嚟食完都9點幾！

12/3/25

 12/3/25     WED     COLD

今日都係咁開工啦，最難捱喺飯桶堂，佢真係可以令人好大壓力！不過數有測驗，我可以打足一堂機算還咗，放學準時走，先去買埋今晚啲餸，葉生做司機車may過嚟睇陳仔演唱會，要搵地方收留佢，咁就食餐飯啦！吹水都開心架，不過食完炮哥催佢行，有啲未夠喉！9點幾佢地走我都沖涼啦！

11/3/25

 11/3/25     TUE     COLD

今日都係咁開工啦，冇咩特別！今日條女還算可以，冇咩發脾氣，我就要頂吓飯更咁，總之算係愉快心情收工！接完仲爺返去都唔比自己打機住，預備好哂啲餸先，今晚又要返教會，返得嚟食飯都9點！

10/3/25

 10/3/25     MON     WARM

今日又要開工啦，返去先知改咗第二個，不過都係難搞，最慘有飯桶堂，真係好難捱，之後仲突然要我揍Ellie去買飯，但又要揍埋Isara，但飯桶唔比Isara走同時又唔比我走，但Ellie已經跑咗去，權衡先送Isara返大房再搵Ellie，但都係搵唔到，盡咗力啦，阿姐叫我食飯先，咁唔理啦！準時放工接仲去踢波，返嚟煮飯食完沖涼休息！

9/3/25

 9/3/25     SUN     WARM 

今日好hea，瞓醒老公已經揍完仲爺練完波返嚟，食完早餐就出去買餸，仲執咗仲爺冇做好功課，條友一日掛住打機！買完餸返嚟就同阿媽講埋電話，開始打掃，然後食嘢再嘆電視，晚餐埋就沖涼瞓覺！

8/3/25

 8/3/25     SAT     WARM

今日主要活動係去西敏主教座堂參加領堅振儀式，揸車泊好再要行差不多一個鐘先到，所以食完早餐都差不多出發，剛好1點半去到，教堂真係好宏偉，當參觀都值得！由大家9土哂場到開始，到完成哂兩個幾鐘啦，合理！參觀埋影吓相就走，本身老公去食pancake但原來執咗，結果都係行返去泊車附近先食嘢，食完快手返去啦，掛住我啲bb，但原來佢地都唔掛住我嘅！返到嚟掛住追哂5 集祓魔，可惜有啲爛尾！晚餐老公炒意粉，但呢款粉唔好食！

7/3/25

 7/3/25     FRI     WARM

今日暖番好多，今日工作一般啦，個學生都係唔太正常，比平時難搞，但都叫做可以，我亦順利放飯同收工，返屋企就食同攤，照樣唔洗煮飯因為已經食飽，摺咗衫就睇電視沖涼，星期五一向都係hea過，仲仲比老公捉咗去操體能，子元就教波！

6/3/25

 6/3/25     THU     COOL

今日都唔算好過，因為個學生唔知做咩，總之唔係正常咁，但都叫做handle到架啦，另外今日world book day，啲老師真係好嘢，扮嗰角色真係好多完化，我自問真係冇興趣，仲有今日走火警，又唔知邊個亂㩒！放工接仲返去都係食嘢先，再等仲仲做埋功課，攤抖吓煮飯時發現個爐又bain咗，我又比佢界到手，咁子元就要出嚟幫手，先救咗我再煮，仲洗埋碗！

5/3/25

 5/3/25     WED     COOL

今日都真係好攰, 跟三隻小天使真係小啲力都唔得! 朝早搵佢地喺邊已經搞咗一輪, 原來去咗玩狗! 今日要上兩堂英文, 仲有PE堂, 夠哂攰, 最尾加多堂數, 有得放工我真係即時走人, 去超市買埋少少嘢就返屋企食嘢, 因為放學時撈咗個free bread返嚟, 快食補充吓, 又要去接補課的仲爺, 返嚟要整埋鴨腿, 因為今晚快食鴨腿湯飯, 然後再去教堂Ash Wednesday mass, 都係快閃, 我又冇得領聖體, 為免塞住出唔到停車場, 提早閃人! 返嚟就沖涼休息啦, 等仲爺可以早啲上床瞓!

4/3/25

 4/3/25     TUE     WARM

今日啲學生放早一個鐘，我地就要照常，可惡！不過唔洗上堂又唔洗跟Ellie就算啦，平靜地過咗準時放工，返屋企倒埋垃圾，就出去接仲，因為佢補課改咗放學後！返嚟食埋嘢就要填埋個表，仲爺升中除咗覆council仲要填埋學校嗰啲，又填咗一輪！夠鐘就煮埋飯，踢完返嚟食埋飯，沖涼休息！

3/3/25

 3/3/25     MON     COLD

今日又要返工啦, 朝早都幾凍, 但到中午又暖番, 真係好難搞! 個學生今日都好難搞, 食錯藥定冇食藥咁, 總之就唔合作啦, 查實我都唔係好想理佢架咋, 但都要交戲架, 不過我已經可以做到冇咩情緒, 我都覺得EQ高咗! 不過琴晚真係太夜瞓啦, 今日成日都好眼瞓, 所以都唔可以坐咁多喺到, 唔係我怕會瞓著! 放學梗係要醒目令自己準時, 既然個學生係早走, 你梗係要搵位攝, 收埋自己再喺適當時候先閃出嚟走人! 揍咗仲仲返去食啲嘢換衫就出去, 揍佢去跟波! 期間啲家長開始話收到派位email, 其實都坐定笠六, 但都係想快啲知道, 都要襟個掣, 最終都係返屋企直接開電腦, 順利入到架啦, 都要馬上confirm咗先! 等仲仲踢完波返嚟食完飯沖涼休息!

2/3/25

 2/3/25     SUN     COOL

今日老公揍仲仲去曼聯睇波，所以一早就出發，我同子元就喺屋企，我係家務日，先換床單，食埋早餐就做清潔，仲煮定個羅宋湯，做完家務可以食，今日清清地就係食呢個湯，3點幾4點做好嘢可以休息，又一齊隔空睇波，玩到十二碼，抵睇！食完嘢沖埋涼就等食宵夜，老公佢地買麥記返嚟食！

1/3/25

 1/3/25     SAT     COLD

今日都過得幾無聊，朝早9點幾10點先起身，煮早餐食完就出去買餸，返嚟老公揍佢地去練波，我就做蟲蟲，咩都冇做，諗住明天佢地上曼聯睇波我先做啦！結果又開番造星睇，又煮咗狗仔粉，老公就整咗碗仔翅，到7 點幾先煮飯，又食燒脾餓，簡單快捷！然後追埋兩集祓魔先沖涼！