31/5/24

 31/5/24     FRI     WARM+

星期五啦，放多兩日就返工！瞓醒自己煮早餐，老公揍咗仲仲去比賽，摺埋衫等仲仲返嚟沖涼就出去食泰國嘢，朋友介紹，一般啦 ，都係日本嘢好食啲！食完去埋broadway，仲仲要訂埋con，又去買珍珠奶茶，再去超市買米，有平嘛要入貨，跟住就返屋企休息，好攰啦！老公煮晚飯，冇咖哩雞翼，正！最後睇慶餘年又睇到十點幾！

30/5/24

 30/5/24     THU     WARM

今日節目係睇戲，朝早瞓醒叫子元起身補習，我地食早餐之後就出去，因為1點有得做，過white city都好耐！去到都12點幾，但原來網上買飛係平1鎊架，最後都係網上買！未夠鐘入場就hea吓先，套九龍九龍城都2個幾鐘，都真係打得幾勁，都幾好睇！睇完行咗陣商場買咗蛋糕返屋企啦，但周圍都好塞，幾辛苦先返到去！晚飯食粟米肉粒飯，簡單好味，睇埋慶餘年就沖涼！

29/5/24

 29/5/24     WED     SUNNY

今日好天都係等老公整吓後園, 子元又要幫手, 條友借啲二又唔溫書住, 我有啲傷風都係休息吓先, 食完早餐就返房食藥, 開吓電腦睇吓嘢咁, 跟住又休息吓食吓嘢, 老公整到兩三點, 沖埋涼就出路口食啲嘢, 佢兩個返屋企, 我地就去咗IKEA行, 本來只係諗住睇吓梳化架咋, 跟住又買一堆嘢, 已經盡量忍手架啦, 仲有去埋龍鳳買咗少少嘢, 返到去就係老公煮飯我休息! 食完飯都10點幾先沖涼休息!

28/5/24

 28/5/24     TUE     RAIN

今日節目豐富，朝早食完早餐就要執齊嘢出去，首先剪頭髮，兩隻長毛都要剪吓，仲爺終於肯剪短，最終我比咗姜B個頭比髮型師睇，但剪咗出嚟都唔似，不過都幾好睇！下一站去勞頓，子元作客咁一齊去八吓，去咗所謂主場但因為冇開所以冇咩做到！跟住就去子元比賽嗰到，食啲嘢等開場，但我睇唔到下半場已經要去室內，太大風，入去打吓機好過！4點幾終於走得，直驅white city食新嘢，試咗中餐館，食過午飯但未食過小菜，試咗都唔錯！回家沖涼休息！

27/5/24

 27/5/24     MON     WARM

今日冇出過街，都好早醒咗，可惜瞓唔得耐！食完早餐繼續無所事事，hea到咁上吓叫老公幫我染咗髮先，都搞咗好耐，但我覺得都係唔夠金！之後老公就去整後園，我就摺咗衫，整咗啲嘢食！跟住繼續做蟲蟲，hea到晚飯，睇慶餘年到11點幾！

26/5/24

 26/5/24     SUN     RAIN

今朝都唔可以瞓咁晏，因為仲爺要比賽，快食埋早餐就出發，不過我去到都係打機多，間中睇吓咁啦，本來諗住之後附近行吓，但仲仲又冇帶鞋，我又覺得冇咩好行，就直接返屋企，接埋子元放補習，去食午餐再去超市攞埋米，然後返屋企！忽發其想去睇吓傢俬，又話嗰間好貴，諗住有正嘢，點知唔掂嘅，咁就走人，返去做埋家務就hea吓！7點多煮飯食睇慶餘年，沖涼瞓覺！

25/5/24

 25/5/24     SAT     SUNNY

今日都自節目豐富，起身食完早餐出去買埋餸，返嚟接咗佢地就去Broadway，先食午餐再去買嘢，都好多嘢要買，又要買鏡比仲仲戴con用，仲去試咗decathlon 件雨褸，不過冇新，不如上網買，最後買埋染髮嘢，仲有去阿周屋企唔可以兩手空空，買咗支花園燈賀吓佢！去到先幫手砌吓嘢，準備BBQ食物，今次老公負責燒，好食好多，同場仲冇兩個佢地受友嘅家庭，大家都係吹吓水食吓嘢咁，一直到差不多11點先走，都吹咗好多嘢，仲仲同啲小朋友玩得好開心，佢真係社牛，都唔怕同人吹水！

24/5/24

 24/5/24     FRI     WARM

今日終於係最後啦，可以放假啦！不過今日又要跟麻煩友，都難捱架！頭幾堂還好，我仲冇時間整卡比今日last day的year 11，可惜冇機會見到佢地，不過之後佢地都會返嚟，都仲有機會！頭兩堂輕鬆完，之後就要還，英文堂還好放咗半堂飯，之後Geo係代課除咗科主任出現時正常外，其他都係失控！PE堂仲煩，我已經唔想理佢，快啲收工啦！返到去我可以做蟲蟲，我真係休息！因為食咗tea，晚飯各自食個麵算，係咁睇慶餘年到11點多，真係要停！

23/5/24

 23/5/24     THU     WARM

今日終於唔落雨啦，照常返學，今日好好都係跟Sarah，完全係輕鬆開心冇壓力，只係放飯有啲趕，要趕返去接更，又可以繼續打機！上埋數學就走得，不過食完飯肚痛，已經疴咗轉勁，但上堂時都係要去多次，捱到返屋企都係疴，食咗一次藥好啲架啦，但都係唔敢食嘢，最終煲咗白粥比自己食，佢地就要分兩轉用餐，所以只係焗豬肉咋！食完沖涼先，咁就唔洗洗碗！

22/5/24

 22/5/24     WED     RAIN

今日落雨又落一日，好在都唔算大，還好啦！返到去如常開工，冇咩特別，真係好悶架！不過放break放飯可以同Letty佢地吹水係幾開心！然後就可以準時收工，仲仲有after school club，平時我會去超市，但今日唔去啦，落雨好濕！夠鐘仲要接番佢，返嚟就食啲嘢，今晚食肉骨茶，所以冇咩整！食完本來睇慶餘年，睇完一集咪算囉，第二集點都睇唔哂，老公又掛住搵佢地剪髮地方，我見好奇怪要比訂，所以都要search清楚先，破壞了專心睇嘅心情！

21/5/24

 21/5/24     TUE     RAIN

今朝明明冇咩雨，但之後落足一日！做嘢都係輕鬆囉，要上堂就上，有時間就hea吓！都冇咩特別，只係中午開始就落丌，落到放學返嚟濕哂仲要倒埋垃圾先，做好就可以食嘢休息，7點多煮飯，食飯時睇咗兩集慶餘年！

20/5/24

 20/5/24     MON     HOT

今日又要開工啦，今個星期真係算易過，返到去就開工，都係跟出跟入，又多咗個香港人學生，不過佢好交際花，第一日返就同人好熟咁，佢之前讀寄宿學校喎，我自己就唔係太溝通到，感覺麻麻地，唔識點形容！本來以為冇得喺英文堂放飯，點知都可以，太好啦，我堅憎上嗰堂！最尾上埋PE堂就放工！揍咗仲仲返去，老公今朝請咗病假，肚瀉喎！咁照樣返嚟食吓佢去踢波，我hea到咁上吓去煮飯，仲摺埋衫，食飯睇慶餘年，今晚有時間睇咗兩集！

19/5/24

 19/5/24     SUN     SUNNY

今日好天嘛，仲仲有比賽，琴日又做哂家務，咁就出去曬吓太陽！起身食早餐，子元去補習先，老公買埋咖啡返嚟就去接番子元返屋企，仲仲就去比賽，佢又踢龍門囉！玩到差不多3點，仲要買埋外賣返去食，要睇英超大結局嘛，最終都係曼城贏，7點多開始煮飯啦，開飯睇慶餘年啦，今日只可睇一集，明天要開工！

18/5/24

 18/5/24     SAT     SUNNY     

今日除咗出去買餸，就係喺屋企，瞓醒食完早餐就出去，買完返嚟摺埋衫老公就去整後院，我就做清潔，咁明天可以唔洗做！然後當然係攤吓睇電視，仲仲叫肚餓就整咗烏冬比佢食！睇電視到咁上吓要煮飯，開飯後開咗慶餘年睇，真係停唔到，睇咗三集一定要停，沖涼瞓覺！

17/5/24

 17/5/24     FRI     HOT

今日都算係奇怪工作mood，因為個agent冇到，頭兩堂我要一揍二，仲要做卷，真係夠哂我攰！到學生考哂試大家返哂嚟幫手就，解決埋放飯問題，我可以正常跟番一個！最後一堂PE就同Letty佢哋吹吓水，準時走人接埋仲仲返屋企食嘢，然後就係狂煲劇，雖然係翻睇但都好正！

16/5/24

 16/5/24     THU     RAIN

終於到星期四，今個星期真係好慢！今日終於輕鬆啲，只係跟DAISY，基本上都係可以自由自在，做吓飯更咁，不過又係會悶囉，但悶總好過辛苦！最尾嗰堂同holly 一班，可以吹吓水咁囉！準時收工揍仲，返嚟又係食嘢同hea，都有摺過衫，準備晚餐咁！晚飯時冇新劇睇，慶餘年終於出咗第二季，正！

15/5/24

 15/5/24     WED     HOT

今日真係好攰呀，而家先星期三，幾時捱到term break，考試開始咗啲更表亂到一個點，我第一堂又冇嘢做又冇地方去，最終去咗reception 等就算，又見到Jazzy吹水，佢今日做monitor呀所以出出入入成日撞到佢！第二堂終於叫做有嘢做吓，但跟住呢條女真係好煩，仲要冇飯筒堂，大家又成日喺大房，冇得hea時間難捱！最終準時收工，輕鬆哂！去超市買吓嘢又要接細佬，返到去我要休息了！到7點幾先煮飯呢，今晚有曼聯，佢啲波真係充滿娛樂性！

14/5/24

 14/5/24     TUE     WARM

今日過得好慢咁，朝早返學仲要落雨又濕哂，然後等極都未放學咁，又唔係特別忙，可能就係因為咁時間先難捱！個學生中午走得但接佢嗰個又未到，最終遲咗差不多一個鐘！我又陪等又餓呢！最尾嗰堂喺大房本來都冇咩，但大姐喺到就難捱！終於走得接仲仲返去倒垃圾睇電視摺衫，最終等仲仲返嚟先開飯，仲有波睇，熱刺都係救唔到阿仙奴！

13/5/24

 13/5/24     MON     WARM

今日因為要考GCSE啦, 所以要行新工作時間表, 其實都幾亂吓, 好在我頭3堂跟嗰條顛妹都唔算理我, 最好不過啦你唔好同我講嘢! 只係science堂要做實驗時辛苦啲, 因為要幫哂全班手, 真係冇辦法明啲學生點可以咁唔守規距! 下半場放完飯返嚟要跟第二個, 都係啲好煩的學生, 但我完全唔會妥協佢囉, 呢啲人又係比佢行前一步佢就唔識停, 一定要管住佢! 終於放得學, 揍住仲仲返嚟食咗少少嘢啦, 跟住仲仲去踢波, 我就只係hea吓又預備吓晚飯咁啦, 因為食飯時睇波, 所以洗完碗食埋啫哩我就去沖涼啦!

12/5/24

 12/5/24     SUN     HOT

今日冇出過去呀，反正都好忙碌，起身食早餐子元去補習，我繼續HEA吓先，然後要做清潔啦，跟住打電話比阿媽，雖然今日母親節，但其實冇咩慶祝需要咁，我一向冇咩儀式感！老公接咗子元順手買埋飯團先返，食完我做埋下半場家務，仲要摺衫，有3機未摺真係好攰！跟住仲要整啫喱，然後再將雞起骨，抖一陣又差不多煮飯，我煮啲老公煮啲，食飯時又睇膠戰，真係好好笑！

11/5/24

 11/5/24     SAT     HOT

今日瞓到10 點先知醒，食埋早餐就出去中超等等買餸，返嚟就要接埋仲仲去broadway，因為佢要買生日禮物去生日會，只係扭蛋嚟，買得嚟塞車去到都3點幾，主人家都未到，因為塞車，最終佢地去咗泳池玩我先閃，去咗對面食嘢，5點多過番去等，都有delay到6點幾先走，但我同老公只係坐出面等，冇咩興趣留喺入面！返得屋企開始hea，完全唔肚餓，所以8點幾老公先煎牛扒，好好味！睇膠戰睇到10點幾先沖涼！

10/5/24

 10/5/24     FRI     HOT

今日個人同天氣一樣都係咁熱，本來以為條友會正常少少，頭兩堂都冇咩，點知到佢英文堂，唔鍾意個老師就作對，但最終咪又係唔會鬥得過老師，最慘係阻住我自由時間嘛仆街！到佢放飯時我勁餓，但又冇得食住，仲要捱到點幾，嗰堂代課唔洗問又係唔合作，到我食完飯返嚟咪又係比人搬課室，到最尾PE堂都係冇好結果，因為year13今日last day，人地閂party關你咩事，話去飲水後又唔返大隊，叫佢走又唔行，最尾都係要我發火，佢大咗遲早比人打一穫，保護兒童保得幾耐！因為今日要揍仲，所以先要趕，返到去食嘢再休息，晚飯簡單到肉丸意粉就算！

9/5/24

 9/5/24     THU     HOT

今日真係好唔想返，都係因為嗰條煩友啦，可能因為身體反射，佢第一堂冇返都好地地，佢一返嚟嗰堂我就開始周身骨痛，作感冒咁又冇藥，真係好難捱，頂到佢地放飯，問咗同事有止痛藥，食咗慢慢好啲， 終於捱到放學，真係捱，佢有本事個個星期激嬲我！終於走甩咗，接埋仲爺返去要休息，食咗嘢先，摺衫睇電視等老公煮飯食！

8/5/24

 8/5/24     WED     HOT

今朝見天氣報告話好熱，咁咪著薄啲，點知未出太陽都係凍，好在返到去都好快暖，照常開工啦，冇咩特別，因為都係輕輕鬆鬆！有一堂同新嚟香港人一齊，可以輕輕認識吓！準時放工其實又唔趕但都想準時走，又唔洗幫子元去睇透明筆袋啦，就買埋餸返去！再接仲仲放after school club，回來食咗啲嘢要摺衫啦，跟住仲要煮飯，食完就沖涼，佢地睇波！

7/5/24

 7/5/24     TUE     HOT

今日要返工啦，但老公病咗，佢請咗假，我地就照常返工返學，今日都係輕鬆啦，本身都係易搞，所以都冇咩特別，有時間就打吓機，準時放工攘埋仲仲，返嚟要倒埋垃圾，但個人已經好攰仲要肚痛，睇嚟大家都腸胃炎，只係輕重有別！今晚最後一堂返教會，都係飲飲食食所以好快過！完場就返去食嘢洗碗沖涼瞓覺！

6/5/24

 5/6/24     MON     RAIN

今日係bank holiday ，但因為落雨，都冇咩可以做，起身就食埋早餐再出去買嘢，因為都要買吓餸，主要都係去咗BnM嗰頭，買埋咖啡去埋超市！全程都落雨囉，買完返嚟就整粥比哥哥食，佢琴晚又疴又嘔，好在佢自己搞掂，不過今日就溫唔到書咁！午餐大家各自想食咩就煮，晚飯時間睇吓波咁！

5/5/24

 5/5/24     SUN      COOL

今日都冇咩特別，琴日玩咗一日，今日都要休息！明明唔洗同仲仲去球場，但老公一出門口又襟鐘，冇帶銀包車匙，搞到我又醒埋，叫咗阿哥起身去補習，等仲仲踢完波返嚟，接埋子元就去食午餐，回家各冇各忙，做功課溫書做家務瞓覺！好好hea吓又一日！

4/5/24

 4/5/24     SAT     SUNNY

今日自然醒再去May到，冇錯又去Bristol，過得去都已經一點，因為啲細路要去打波，所以只係大人去食嘢再買BBQ 嘢，最失敗唔記得帶生蠔刀，最終買咗餐刀頂，跟住男人就去揍番啲細返嚟，女人就預備食物，吹吓水咁啦！終於透到爐，不過炮哥燒嘢食太急，一開始放太多嘢快燶，老公又忙於開生蠔，不過老公留咗塊肉眼自己慢慢燒，最後生蠔配牛扒，幾嘆！執咗嘢就開始玩遊戲，由於太難我睇咗先，第二鋪先一齊玩，都幾正！跟住大人吹水因為佢地玩橋牌，最後食埋蛋糕又1點先走！

3/5/24

 3/5/24     FRI     RAIN

今日落足一日雨，搞到我返學時濕哂，風褸可能太大雨都頂唔順！半日先乾得哂！今日跟Daisy其實冇咩，都係上堂睇吓書打吓機咁，夠鐘就去做cover，又係困喺大房時悶啲囉！一路都冇咩，到最尾PE堂排隊時，冇腦同事自己管唔掂顛妹，竟然將矛頭指向我，話唔見我同Daisy一齊，佢都痴痴地，佢又冇搞我個學生，咁我做咩會出面，係個顛妹追住另一個學生咋喎，Daisy好地地企喺到食花生，根本係佢自己冇料！佢之後仲要要求另一個同事幫佢攞番部電腦去大房，人地都No咗佢，佢仲死要人地攞，不知所謂！佢唔好玩嘢呀我實爆佢架！揍咗仲仲返嚟，食嘢休息摺衫食晚飯睇電視！

2/5/24

 2/5/24     THU     WARM

今日都係輕鬆的，返到去都係行行企企，因為今日係投票日，我仲好神心咁帶埋張名單返去查吓候選人係咩！不過冇時太多時間喺大房又會太悶囉！順順利利又放學啦，接埋仲仲返去，條友又甩咗隻牙，之前完全唔覺佢話過牙鬆！仲仲返去開廳燈就燒咗，等老公返嚟去買，仲去埋costco買嘢，晚餐食costco就算！返嚟諗住換燈，點知燒得太勁熔咗，唯有明天老公放工返嚟再處理！

1/5/24

 1/5/24     WED     WARM

今日返工都有啲趕，好在都唔太多嘢忙，總之都有啲嘢做吓咁，準時食飯，食完又可以行吓，好在個學生唔洗我陪佢吹水，最後嗰堂自修又可以吹水，開心收工起超市行完，接埋有after school club上嘅仲仲返屋企，仲要同子元預習埋個中文口試，冇咩幫到佢，盡吓力啦！跟住又去咗中超入貨，再返嚟煮飯包埋雲吞先開飯！