31/8/24

 31/8/24     SAT     WARM

真係嚟到暑假的尾聲啦, 星期一就要開工! 今朝都瞓唔到好晏, 可惜! 子元要去做gym, 我地又要一齊去, 本來諗住喺嗰到食埋早餐, 點知係冇架, 唯有等到子元做完gym一齊去Broadway先食, 只係叫咗杯咖啡就算! 去到食完雞就同仲仲睇吓副眼鏡有冇得搞, 子元就去剪頭髮, 之後仲要去買餸啦, 最終因為想食牛腩, 去埋中超同超市先返屋企, 本來諗住做家務, 但最終只係hea喺到! 食完飯睇咗套電影先沖涼!

30/8/24

 30/8/24     FRI     HOT

今朝瞓到10點先醒, 快手梳洗食埋個早餐就同仲爺出去做運動, 郁咗呢幾日覺得自己都好似好啲, 不過條腰都仲係痛! 做完運動打埋波返嚟換好衫, 等老公放工返嚟就去costco入少少貨食埋午餐, 買唔算耐, 但車程先耐, 回程周圍都塞, 幾經辛苦先返到嚟! 先雪好啲貨再切定啲肥牛今晚雞煲再打邊爐! 最好笑收到子元學校email話因為佢數學科差2分去到grade 8, 免費幫佢申請查卷, 希望真係搵到多兩分返嚟啦!

29/8/24

 29/8/24     THU     HOT

今朝醒咗唔係好瞓得番, 希望明天可以瞓晏啲! 下星期要開工啦陰公! 終於肯離開張床煮早餐食, 又要食完抖吓先出去做運動, 仲要去郵局寄埋嘢, 去超市買啲奶, 咁就返去做運動, 仲爺仲要打埋波, 不過今日球場有啲街童喺到搞搞震, 好難專心同要特別留心! 返去煮午餐, 簡單食香港買返嚟的撈麵咋, 然後都係睇電視摺吓衫咁, 老公返嚟就揍仲爺去踢波, 子元要去睇住佢, 因為我地要去賓仔聽talk, 其實都係講番入咗post-16啲嘢, 我地都遲咗, 唔算太多嘢講, 最終佢都會send番個PDF出嚟, 下星期開始都要練架啦! 買埋外賣返去食完就可以沖涼!

28/8/24

 28/8/24     WED     HOT

今朝好早醒咗又瞓番, 點知牙醫診所又打嚟, 地產鋪又打嚟, 想再瞓都瞓唔番! 唯有起身處理問題, 先係牙醫要改期, 跟住係地產鋪打嚟催barry交訂, 真係比佢地玩死, 原來佢地返咗大陸, 好在已經返緊去, 最終我打去同地產鋪講叫佢等到今日3點, 好在佢地都搞得切, 終於唔洗再幫佢地睇樓! 食埋早餐仲要帶仲爺出去做運動, 佢又好辛苦咁樣囉, 返嚟沖完涼又冇哂事, 出門口前煮咗粥, 可以各自幾時食都得, 食完我都係睇吓膠劇又食吓零食, 嘆埋呢幾日冇架啦又要開工, 晚飯等老公回來煮, 食完梗係要食埋雪糕先啦!

27/8/24

 27/8/24     TUE     WARM

今日老公要返工啦, 我醒咗就睇機睇到9點幾先起身換床單食早餐, 要預番時間同仲爺出去做運動同買餸, 搵機會同笨元講番琴日的youtube事件, 其實佢最主要唔想自己睇到, 咁得啦, 你唔好睇咪得囉, 頂你搞咁多嘢! 終於同仲仲出到去做運動買埋餸啦, 返嚟煮午飯食, 簡單食麵咋, 同細佬打咗陣機, 然後都係睇電視呀煮飯咁啦, 子元去咗做GYM, 仲仲去踢波, 開咗膠戰睇, 真係唔會停到! 睇完沖涼休息!

26/8/24

 26/8/24     MON     WARM

今日基本上係冇出街, 瞓到10點多先起身, 煮早餐然後hea啦, 時間都過得好快, 要沖咖啡就要出去買奶, 你話附近有間士多係幾咁緊要, bank holiday嘛! 然後明明睇緊電視架嘛, 又要迫人打機, 到四點幾我唔想打啦, 自己上咗房睇機摺衫, 然後肚餓啦要煮飯, 咁就開始要煮飯, 但都幾冇心機煮, 好似仲未回哂魂咩都唔想做咁! 食飯睇電視時睇到一part話個小朋友笑另一個個媽媽post佢啲露肉照, 子元就諗佢本身個you tube account有佢一路啲片, 最終佢係覺得細佬search嚟睇佢唔鍾意, 佢想private哂佢, 但其實呢個係我個account嚟架喎, 關咩事呢, 點解你要管我呢, 最終我堅係發脾氣架, 覺得委屈囉, 你班仆街男人咁撚鍾意管, 管好自己先啦, 自己都manage唔好自己, 管咩人地呀, 啲片個樣係佢就屬於佢, 咁佢自己都屬於佢自己架, 咁叫佢自己養自己囉, 做咩要住我間屋食我啲飯呀, 愈諗愈火!

24-25/8/24

 24-25/8/24     SAT SUN     RAIN 

呢兩日係西行之旅, 又係去Bristol! 本身諗住早啲出發去一轉Cardiff, 但出車開始一路都落雨, 去完Services後發現去到都要12點幾, 但約咗2點左右去到May屋企, 計落條數都唔行得好耐, 所以就決定唔去住, 直接去咗May到算! 去到吹咗陣水跟住就可以出去買嘢, 要買定今晚的菜, 去咗中超又買埋啲無謂嘢啦, 返到去快食個麵又要車啲仔去打波, 然後真係忙! 返番去又係時候開始BBQ, 其實係大人燒細路食囉, 出面又大風, 燒吓燒吓都開始食唔落, 啲細路打機的打機, 打牌的打牌, 我地就好似工人姐姐咁喺廚房吹水, 點幾鐘要走啦, 返酒店排隊沖涼, 我沖完出嚟三個瞓哂! 我都要瞓啦3點幾! 較咗鬧鐘10點, 起得身過番May到食早餐, 個廚房忙到一個點, 原來13人真係要好大個廚房先得! 食完研究最終去邊, 但因為車唔夠, 若果要同埋May一家就去唔到, 加上天氣唔合適去海邊, 你話唔落水都係咁話! 最終去咗玩跳彈床, 啲細路超開心啦, 我地都係要睇住佢地之餘又要去買埋今晚啲嘢, 因為都要返去煮, 玩到6點閂門佢地先肯走, 返到去又開枱, 我地大人要煮飯, 之後已經好攰都冇咩力吹水啦, 10點多要走人, 好在路面情況唔錯, 順利返到去12點幾啦!

23/8/24

 23/8/24     FRI     HOT

今日回復hea的日子, 朝早未天光醒過但瞓得番到差不多8點, 算係咁! 梳洗整早餐食完抖吓先再帶仲仲出去做運動, 只係簡單教佢田徑熱身動作, 但條友都係做到好唔協調咁, 真係有排教! 返屋企等老公返嚟就出去食嘢然後子元去練波, 我地就返去繼續打機, 新屎坑玩switch sports, 到咁上吓都要煮定晚餐, 試吓個人參雞, 老公就去揍番子元! 我又懷舊地睇番marvel, 然後係時候沖涼, 執行李準備明天又向西玩!

22/8/24

 22/8/24     THU     WIND

今日係子元GCSE放榜日子, 佢地學校分批攞, 佢10:30先攞, 我一早就醒咗, 食完早餐出發去學校, 等咗一輪終於到我地啦, 真係緊張咗好耐! 份成績都好有驚喜, 估佢唔到英文5, 英國文學竟然有6, 但數學得7, science得6-6, PE得5, 最嚇人係Drama得3, Citizenship得3, Geo都有4啦, 中文就梗係9啦! 簡單嚟講, William parkin 要求8科5佢就啱啱好啦! 不過science得6-6選唔到Phy, 唯有到時再轉科啦! 雖然唔係原校到讀, 但都要問清楚點做, 佢話到時email番嚟就得! 終於走得先去飲杯咖啡, 然後一開始外校生可以註冊就去, 因為要改科嘛, 本來話Econ得waiting list, 好在最終都有啫, 如果唔係就要讀Business! 搞掂哂就可以去慶祝啦, 其實冇咩只係去咗榮業食午餐, 食完都返屋企, 打吓機咁, 等到夠鐘仲爺要去踢波, 我地要去幫Barry睇樓, 今日嗰間舊啲但都要試架啦! 然後我就返屋企先, 摺好衫煮定飯, 咁就完成今日啦!

20-21/8/24

 20-21/8/24     TUE-WED     HOT-WARM

終於要返屋企啦, 真係英國個屋企, 不過夜晚機, 都仲有一日喺香港, 不過因為太攰, 都係唔去咁多地方啦! 起身其實唔係好遲, 但hea吓又唔記得出去食早餐, 本身明明諗住食大快活架嘛, 記得嗰時都差不多11點, 咁就算啦, 反正約咗1點去食上海嘢! 準時去到, 嫲嫲同大包都過埋嚟啦, 一餐仲仲食咗好多一餐, 之後當然係好唔捨得又要影埋咁啦, 都要返去架啦冇辦法! 返番麗寶都係休息吓都最後執埋啲行李, 跟住收捨埋間房, 本來都諗住阿媽幫手推啲行李去到青衣, 不過又怕落雨, 都心大心細係咪call的士, 但最終天氣又可以, 晴媽又過咗嚟幫手推行李, 咁就唔好麻煩阿媽啦! 6點幾出發, 未夠8點已經入到機場, 先check in寄行李, 食咗少少嘢再入安檢, 最後喺機場食埋嘢就開始行去閘口, 幫carol買埋煙等等, 換好睡衣就等夠鐘, 咁樣慢慢行吓睇吓幾個鐘都過得幾快! 終於上得機啦, 今次我地係premium econ, business之後都到我地, 入到去坐定定econ先入嚟, 位又闊啲長啲, 其實真係幾好feel, 同埋梗係要影吓啦, 起飛後好快有嘢食, 原來呢個級數個餐唔係用鍚紙碗, 感覺已經好唔同! 睇咗兩套戲已經瞓, 我都唔知自己瞓咗幾耐, 最終到英國時間3點幾先醒, 又再睇吓戲咁啦, 再等食早餐, 都算準時降落, 攞埋行李都係7點幾已經出到去, 老公都嚟咗接我地, 快啲返屋企沖涼散番啲行李, 好在子元幫手unpack啲行李, 12點幾已經可以出去食午餐, 去咗食早本嘢, 跟住子元就踢波, 我返屋企梗係做一轉清潔, 休息吓又要幫barry出去睇樓, 今次呢間好好呀, 所以都要佢地快啲覆email先得, 希望佢地醒目啦! 之後返去煮飯食完陪佢地打咗陣機我都要沖涼休息啦, 真係攰! 明天子元出GCSE Result啦, 我真係好緊張呀, 仲緊張過自己會考, 希望一切順利啦! 

19/8/24

 19/8/24     MON    RAIN

今日9 點要起身，約咗去荃灣剪髮，最終仲爺都剪埋，先去食個茶記，剪連染加埋細佬剪都係800，抵！去食個車仔麵先過葵芳，大包話過嚟買game比仲爺嘛，點都要等嘅，但一路等一路買，又喺一田買咗零食，再去logon買咗浴球，喺葵廣食嘢同買手機殼，終於等到大包比仲仲放血，我再去埋藥房買藥就回程，去咗荔枝角先，再買多條叉電線，返去要包埋啲雲吞煮晚餐，洗埋碗最後執行李，終於可以沖涼！

18/8/24

 18/8/24     SUN     HOT

今朝出咗去自己食早餐，因為婆婆買咗Mcgudor返嚟比仲仲食，咁我咪自己食，順手買埋美食博覽嘅飛，仲爺話要去美食展嘛，同埋婆婆一齊去，撘到會展站做鄉里影吓相，估唔到美食博覽咁多人，寸步難移下都行了幾個鐘，一路食一路買，邊食又邊影相，都幾好玩！但兩條友見到摩天輪又話要行過去坐，最終行到腳軟去到又因為人太多放棄，撘船轉巴士返去買埋包雲吞材料返去整，都好快手就整好，食完可以沖涼，仲要摺衫執吓嘢咁，過兩日就返家啦！

17/8/24

 17/8/24     SAT     HOT

今朝9點幾醒咗啦，梳洗完叫醒埋仲仲，話落去玩泳池玩佢梗係起身，去到個泳池原來都一般大，但都冇雨兩條梯，人少少咁都幾好影相拍片，玩到12點返上去沖涼執嘢，落柚樓食啲嘢就分道揚鑣，嫲嫲唔舒服大包就同佢返去先，因為仲仲想去官也街食豬扒包，咁就行去八吓，原來而家熱朝係食牛雜，但都係香港的先好食，食夠就回程，回程總算搵到條路點行，其實應該好近，可惡，去程行咗好多錯路！攞番行李回程了，撘車返去又兩三個鐘，我地都瞓咗一程，返阿媽到食飯，當然要買炒麵王啦，返嚟沖涼食飯休息！

16/8/24

 16/8/24     FRI     RAIN

今日一早起身，因為去澳門，去嫲嫲樓下茶記食早餐，然後巴士轉金巴過關，原來都要3個鐘先到酒店，check in 完去咗food court食嘢，因為要快啲去玩水上樂園，幾經辛苦買完飛入到去換衫，先玩雙人水泡滑梯，原來我好驚，驚到喊咁滯，所以都係負責看嘢，佢地就去玩，都有陪我玩吓漂流河，之後出咗室外，我就企咗好耐，因為佢地玩天梯玩咗4 條，等到我悶，然後到我玩兒童版滑水梯，對我嚟講好好多，最後浸埋溫泉就走，去食buffet可惜不太好食，有啲失望！返去仲仲浸浴玩浴球開箱，我等到11點先沖涼，之後仲仲又要落去行，返嚟聽住收音機用埋eye mask都瞓唔到，3點幾先瞓到！

15/8/24

 15/8/24     THU    HOT田RAIN

今朝又瞓到12點，真係要起身，同埋阿媽一齊去咗Aeon食韓燒，仲爺食得好開心！行咗轉12蚊店買咗嘢，跟住出旺角豐澤買咗水煲同風筒，再去朗豪坊買埋仲仲返學鞋，然後返屋企沖涼休息執行李，應該仲有三分一淨！差不多7點幾出門口，約咗OLR同學出嚟食飯吹水，真係吹到唔捨得走，可惜未夠10點都開始趕人走，所以去買埋松記就回家！

14/8/24

 14/8/24     WED     HOT

今日節目豐富！起身先同婆婆去飲茶，然後買埋飯團就出發入迪士尼，實行又嚟窮遊！約咗煊1點入場，今日冇太陽其實已經冇咁熱，但人多都係熱！入去先行禮品店涼吓睇埋巡遊就去玩蟻俠同Ironman，本來諗住玩Frozen ，但又壞要等，唯有食嘢先，玩吓其他嘢，主要係公主區！最終都係玩唔到Frozen同睇音樂劇，反而去玩轉迷離莊園同船仔就走，因為約咗康傑老師們喺荃灣晚飯，傾到9點幾先走，仲仲冧到老師們好開心，同蔣老師們一齊撘巴士返嚟，沖涼休息！

13/8/24

 13/8/24     TUE     HOT

今日要去攞番身份證，瞓醒出去都11點，食串燒賣算，原來繁忙時間真係好多人，攞完就撘巴士去奧海城，邊架巴士啱就上，太熱！去到先買飛睇戲，今次有現金就用現金先，再去food court，仲仲要食三餸飯，咁就一齊食，然後去咗行商場，飲番杯咖啡先，玩咗$20Namco掟彩虹，再喺無印買咗件背心，明天去迪士尼著！夠鐘買埋popcorn去睇戲，細佬要睇壞蛋掌門人，睇完差不多5點，都係時候返屋企， 又可以執吓嘢，將啲濕碎嘢塞埋入箱，食完飯沖埋涼休息！

12/8/24

 12/8/24     MON     RAIN HOT

今朝瞓醒去荃灣搵嫲嫲食午餐，我想食燒味飯就去聯發食，然後去荃灣廣場行，再去愉景新城，又去Namco 燒錢，食吓嘢再去咗sixty-eight 買咗幾百啦！跟住返嫲嫲屋企hea到7點幾就落樓下食嘢，但食咗間唔好食嘅日本便當，可惜！最後撘地鐵返去沖涼休息！

11/8/24

 11/8/24     SUN    VERY HOT

今日休息一天，琴晚又睇奧運到好夜，陪唔切阿媽出去買雞，咁就出去食個早餐，今日想食粥，食完返去休息，下午煮咗午餐一齊食，然後hea到黃昏，去阿嫲屋企，約咗阿妹一齊同我食生日飯，食埋蛋糕就走啦，我仲帶仲仲去松記食埋糖水先返去！

10/8/24

 10/8/24     SAT     VERY HOT

祝我牛一快樂！今日主要活動就係海洋公園之旅，10點幾出去食早餐，梗係食茶記！撘地鐵去到海洋公園站，先買飯團做午餐，再換好飛就入得場，先去冷氣地方抖抖，咁就買咗個斜揹袋，好懷舊架！跟住行海洋館，仲仲係咁影相，都睇得好高興，因為天氣太熱，可以留戶外時間唔多，睇埋亞洲動物天地就去埋兒童王國但轉哂樣，唯有玩轉木馬就走，食咗飯團填吓肚，就撘海洋列車上上面，都係去有冷氣的地方，睇企鵝睇海豹影吓相，去玩咗一次攤位遊戲，仲仲中咗隻LuLu豬，開心死佢！然後玩咗急流涼爽吓，都差不多啦，撘番覧車回程，換埋衫撘車走，夠皮了！返元州食咗便當，阿媽未餓，咁我地食完買外賣比佢，返嚟沖完涼舒服番啲，真係好攰啦今日！

9/8/24

 9/8/24    FRI     VERY HOT

今日約咗嫲嫲出去飲茶，同埋老板啦，飲完茶我最終去書局買咗幾本書，仲有8折平咗百幾！天氣太熱，去咗嫲嫲屋企避吓暑先，到兩點幾我想去按腳，仲爺又要跟我去，咁就按咗個幾鐘，兩個要5百幾蚊，跟住去咗熊貓酒店行，佢兩個細終於買到想要的模型，我又喺Aeon買到嘢，幾好！最後食埋泰國嘢，上嫲嫲到攞埋海味就撘的士返去，仲要執埋行李先沖涼，太多嘢一定要pack 咗先知仲淨幾多位！

8/8/24

 8/8/24     THU    VERY HOT

今日中午約咗嫲嫲飲茶，我地想去Donki，所以就去荃灣西，飲完茶就行donki勁買零食，我都覺得太過份！因為太多嘢一定要返屋先，行到返去都濕哂，沖個涼休息吓先，今晚約咗煊上佢屋企食飯，等到日落西山先出門口，約咗喺地鐵站等一齊行上去，返到去都食嘢先肚餓啦，邊食邊睇電視，傾吓偈咁都好輕鬆！到咁上吓煊煊竟然攞個蛋糕出嚟慶祝我生日，超級驚喜，我真係完全冇諗過有生日蛋糕，真係好有愛！10點幾點都要走啦，唔好阻人太晏！返去沖涼同老公傾吓電話，講吓仲仲的戰利品，喺煊到攞咗隻公仔走！

7/8/24

 7/8/24     WED     VERY HOT

今日又瞓到12點幾先起身，叫仲仲起身出去啦，佢話要唱K，咁就坐言起行，好在出門口前search吓，原來宇宙嗰間執咗，唯有出去旺角，原來早一日預約有半價，不過都冇辦法啦，照唱！兩個鐘唱咗300幾蚊，差不多4點先走，仲仲話唱到好攰！因為我好想食油渣麵，所以要行去太子，路過朗豪坊要過吓冷河，食咗個麥當勞行咗朗豪坊又再出去行，終於行到去太子，其實都幾熱，但又好好食！撘巴士返去要買埋餸，都買咗啲熟食就算，食完食埋雪條要沖涼，今日要早啲瞓啦，日日都咁夜！

6/8/24

 6/8/24     TUE     RAIN

今日冇出街啦，瞓到12點幾先起身，最終只係出去買外賣，不過落大雨要等到停雨先，細佬要食燒賣魚蛋腸粉，我就想食牛雜，外賣最好外自買，最後買埋餸今晚喺屋企食！返去都係睇奧運，打吓機，今日真係要休息吓！7點幾做埋work out就煮飯，阿媽成日話煮得多，但轉個頭我地就食哂，繼續睇奧運，沖埋涼，休息！

5/8/24

 5/8/24      MON     SUPER HOT

今日約咗兩場，冇得自然醒，仲仲又話要食麥當勞，咁10點幾一定要出到門口，食到11點幾撘巴士入去搵休食午餐，因為佢要返工，估唔到佢而家會教書，雖然係代課都係教呀！快食吹咗陣水佢都要開工，咁我地都走，因為撘巴士返嚟時見康傑有開門就去博吓，見到幾個老師咋，吹咗幾句佢地有班開都要走啦！下一站去咗Airside，原來真係好冇嘢行，最終過Mikiki掟彩虹，又買埋小食，然後再過海，約咗去家寶屋企見面食飯，一傾就11點，佢都好辛苦啲仔又難教，生活又大壓力！11點多走人，撘巴士返嚟都好快，但真係好熱，沖完涼都好熱，救命！我已經有啲掛住屋企！

4/8/24

 4/8/24     SUN     VERY HOT

今朝瞓到11點幾先醒，鬼叫琴晚睇奧運睇到3點幾咩！起身落去食完早餐幫阿媽買啲餸，返上嚟休息吓就出門口過去接仲仲，條友天光都唔瞓，結果2點多先起身！hea到4點幾5 點先肯走，直接過Barry到，點知上咗地鐵先發現佢冇攞電話，激死！好在佢地夜啲出去，可以車過嚟比番我地！喺Barry屋企，都係傾吓偈啦，佢地都真係要的起心肝快手啲先得，同埋佢地都要諗吓點教仔，佢個仔都唔易教！出去樓下食茶餐廳，最後陪我地等埋車先走！返去沖完涼睇奧運！

3/8/24

 3/8/24     SUN     VERY HOT

今朝10點幾都要起身，約咗博文爸交收番佢支酒，買埋早餐比仲爺，佢都瞓到11點幾，食腸粉燒賣，就繼續hea到點幾先出，約嫲嫲食tea，過到荃灣都係飲茶，食到飽飽！再去行吓街街，又買咗衫又買咗底褲，好在有買，今晚sleep over有spare！5點多上到去已經係咁玩，打機睇電視咩都齊！我地就吹水，Joe 要煮晚飯，食吓吹吓水咁，等兩隻細入咗房玩仲可以睇奧運，夾番巴士時間落去撘巴士，好快返到去，沖好涼自己慢慢睇奧運，仲仲喺梓行屋企應該玩得好開心！

2/8/24

 2/8/24     SAT     VERY HOT

今朝瞓到10點幾，叫埋細佬起身就出咗去食早餐，去咗食粥咋，但我感冒仲未清，仲係周身骨痛，最終返去食咗藥瞓咗覺出咗身汗好好多啦，阿媽煮咗啲飯我痴啲食咗，約咗晴媽帶仲爺上畫班，咁我就可以喺攞身份證前去食吓嘢行吓街，食咗我想食的涼粉，又食埋dinosaur，然後行埋西九龍中心，差不多時間就過去搞埋個身份證，然後過Aeon會合四隻嘩鬼食嗨再上程家吹水，吹到11點幾先走程生車我地返嚟，因為我唔記得攞鞋墊比敏瑩！

1/8/24

 1/8/24     THU     SUPER HOT

今日瞓到7點幾醒咗，中途醒過幾次，生保床係咁上吓，睇機睇到8點幾，起身食咗蛋，等仲爺起埋身就出去食早餐，去咗新華食，阿媽都一齊食，然後去解決電話卡嘅問題，終於可以換到張100G嘅卡，都係300蚊！返屋企抖吓先就，約咗嫲嫲2點去搵佢，上去坐吓等大包起身就出咗去飲茶，又食到飽飽，再去咗荃新天地夾公仔，再入咗青衣城，去咗uniqo大買特買，有嫲嫲金主喺到，好痴線買咗三千幾蚊，最後去食埋元氣壽司才返屋企，夠哂皮！