30/1/25

 30/1/25     THU     COLD

今日真係輕鬆好多，除咗冇時真係聽唔明佢講咩，其實都冇咩，仲可以自己安排食飯，幾好！跟住又準時收工揍仲仲，返嚟掛住同仲仲買相，完全唔記得咗子元家長日miss咗PE嗰個，是但啦係廢話！跟住又要對番哂仲仲啲數，佢明天有排改正，呢排黃昏時分好唔想郁，又凍又攰咁，所以晚餐好懶只係再食滷水就算！

29/1/25

 29/1/25     WED     COLD

大年初一，恭喜發財，可惜冇假放，仲要揍三隻小天使，真係好攰，都唔想記佢地做咩，不過都有開心事，話哂初一啦，都有同學仔同老師講吓恭喜發財，都幾開心！終於放得學，先去Janet到攞馬蹄糕，再返去接仲，因為太肚餓去買咗牛角包食，返到去真係好攰，要攤抖休息，好在老公煮開年飯，正有豬手！

28/1/25

 28/1/25     TUE     RAIN

一個落住雨的年三十，都係要返工啦，仲爺唔洗補課，打亂哂我買餸計劃，唯有快手去買咗魚返屋企放低就去覆診，簡單啲嚟講都係冇咩，但都係血脂高，睇嚟真係要減食先得！同埋真係要做運動！返到去梗係hea到10點先開工，今日還算可以啦，又送埋蘿蔔糕比個中國人同事，又吹吓水咁囉，好在放學冇咩雨，返嚟倒埋垃圾就煮飯，團年飯真係好吃力！都煮得幾好！

27/1/25

 27/1/25     MON     RAIN

今日都係好攰啦, 星期一仲要跟個顛妹真係好攰! 返到去都係照常開工啦, 冇咩特別, 佢有佢顛我有我做番自己, 盡量令到自己好似做緊嘢咁啦, 最辛苦反而係PE堂, 大風到一個點仲要喺室外, 痴線! 好在我下半堂去咗放飯, 因為落大雨, 我唔知佢地點啦, 反正我唔洗淋雨就算! 最難捱係最尾英文堂, 因為係飯桶堂, 好在顛妹2:45走得, 我同佢都恨不得快啲走, 因為個飯桶又遲到又係咁鬧人, 又send哂啲學生走, 最終應該得番4個人喺課室, 我盡可能唔理啦, 夠鐘就走人! 接咗仲仲返去可以休息, 因為今日唔去踢波, 一來落雨二來佢腳未好得哂! 咁就到7點多先煮飯食啦!

26/1/25

 26/1/25     SUN     RAIN

今日都冇咩寫，主要都係喺屋企，佢地就要出去踢波，我就做家務，吸塵抹地換床單，仲寫埋揮春啦，佢地7點多先返到，馬上煮飯食，好肚餓！今日落足一日雨，希望明天唔好落啦，我要返工！

25/1/25

 25/1/25     SAT     COLD

今日都係普通的星期六，起身食早餐，老公煎蘿蔔糕，食完先帶埋仲爺去整咗支電子ukulele ，然後去買埋午餐，返嚟食完就出去買餸，返嚟跟吓功課佢地又要出去練波，我就可以邊摺衫睇埋套劇大結局，然後要開始預備晚飯，試新買的黑松露油整意粉，超正！

24/1/25

 24/1/25     FRI     WARM

今日都係無驚無險又到放工啦，好事嚟嘅，悶就梗架啦但總好過又要寫報告咁！放學唔洗揍仲，本來諗住返嚟就同仲爺出去整結他線，但實在太塞車，都係明天先算，去買麥當勞返嚟食，當埋晚餐，佢地踢完波返嚟都冇食嘢啦，仲飽緊！

23/1/25

 23/1/25     THU     RAIN

今日都係咁返工啦，本來以為要做appraisal ，但阿姐有會開，再約喎，都係簽個名啫！咁照開工囉，簡單嚟講都唔係難做，但有時啲老師都要醒目啲，合作吓，用吓個腦，對住個低能問佢上堂教到咩，點識答你！總之對我嚟講順利收工就得！接完仲仲就返去煎糕食，休息吓摺埋衫咁，整咗雞老公煮，我唔想郁！

22/1/25

 22/1/25     WED     COLD

今朝照樣返學返啦，今日個學生唔洗留喺水飯房，不過都唔好做架啦，不幸中之大幸係有幾堂都合作，有時發吓顛，同放學唔肯走咁囉，但我冇佢咁好氣，夠鐘我就走，冇早走架！先去超市買咗餸返屋企再揍仲仲放補課，返到去就好忙處理公務，都未得閒煮嘢食，原來唔餓得，個人就燥底，又大家齊齊返哂嚟個廚房好忙，最終時間唔早就煮罐頭湯飲，好番啲！又有一堆衫要摺，仲仲做練習又唔識要教，好在有子元幫吓手都好啲！

21/1/25

 21/1/25     TUE     COLD

今日困咗喺大房同水飯房一日，冇話好唔好，都係咁做，只係有時要扮吓工咁，喺水飯房時好啲，仲可以打吓機，返大房就難啲，我悶到油哂一幅畫！終於放得學，接咗仲仲返嚟再煮嘢食，今晚會遲開飯所以煮咗麵食，仲蒸埋蘿蔔糕，今晚要返教會所以整定餸先，夜晚出街真係好凍，好在好近！

20/1/25

 20/1/25     MON     COLD

今日又要開工啦，知道要跟3 angle有啲攰，但好在頭兩堂佢地要見語言治療師，我可以輕鬆吓，但到放飯時就玩嘢，有條妹瀨咗兩次尿，真係好得人驚，好在兩次都有同事幫到手，算輕鬆過關，終於捱到放學可以走，接咗仲爺返去食嘢啲嘢就要出門口去踢波，返嚟又要煮飯，都係整好咗老公煮，食完都九點幾，沖涼休息！

19/1/25

 19/1/25     SUN     COLD

簡單來說今日蒸糕都蒸咗半日，起身食完早餐都12點，開始預備材料蒸蘿蔔糕，唔覺唔覺整到4點幾先叫做蒸哂5公斤蘿蔔，攰啦！係時候休息睇劇，但都要摺衫！仲仲約咗同學上嚟玩，老公揍咗子元去踢波，晚餐去咗Barry屋企打邊爐，10點幾要回程明天返學啦！

18/1/25

 18/1/25     SAT     COLD

星期六悠閒的生活，幾好！朝早起身食完早餐就去買餸，預咗今日要洗多少少，過年買料蒸糕嘛，終於買咗個蒸爐，一次蒸幾個餸都得啦，工欲善其事，必先利其器！返嚟放低嘢老公又車佢兩個去試腳，又要練波，所以我自己喺屋企，先執好買番嚟嘅嘢再做清潔，食埋煲好咗嘅粥就休息，明天先整蘿蔔糕！睇住劇咁好享受，到6點幾要煮飯，點知佢地太餓買咗嘢食，勁在可以沖完涼再食！

17/1/25

 17/1/25     FRI     COLD

今日星期五本來都輕輕鬆鬆，但飯筒總係要令人火起，頭幾堂都係可以啦，PE堂仲可以打吓羽毛球幾好，我食完飯到個學生食飯，本應係我嘅自由時間，但就係飯筒阻住哂，你要我寫關於星期三佢英文堂發生咩事我去寫冇問題，你係咁捉住我講嘢冇幫助，我幾經辛苦擺脫到佢去大房，諗深一層先明點解佢要係咁捉住我講，因為佢要我寫到件事唔關佢事同佢冇關咁，正仆街！咁我都係照我方法寫啦，只係令我覺得好煩躁啫！放得學啦，唔洗接仲直接返屋企，食嘢休息睇電視，等仲仲踢完波返嚟食咗肉醬意粉就算，簡單啲！

16/1/25

 16/1/25     THU     COLD

今朝都係咁做嘢啦，雖然今日個學生係易搞好多架啦，但其實佢係好多嘢講，有時都煩架！咁啱揍個學生去完reception返課室撞見Letty，佢返學時扭親腳，第一堂就要行上3 樓都幾慘！之後PE堂又行點我局店講咗一堂嘢好攰！之後都係咁啦，同仲仲講咗會遲啲咁都唔洗咁急，返去就食嘢休息，黃昏有啲鼻水，都係食藥穩陣，咁老公就煮哂飯，好好！

15/1/25

 15/1/25     WED     COOL

今朝返去又轉咗跟顛妹，是但啦都係咁做但因為year11派mock成績，全部其他年級返10點，咁就要我地去陪吓佢地分享吓，我有咩做啫咪又係同Letty佢地吹吓水，阿姐仲要我地每人跟一班，我梗係第一時間上letty課室吹水，夠鐘先去課室，今日佢都係顛冇咩好講，好在飯筒堂放飯，舒服哂！但個低b同事係咁走埋嚟吹水，我身體語言已經非常清楚唔想理佢佢都唔停！好在顛妹早走，我先可以休息一陣，放學去買埋餸，才接仲仲，然後都係休息睇電視煮飯咁啦！

14/1/24

 14/1/25     TUE     COLD

今朝仲爺8點要補課，所以我都要早起身，揍咗佢返去我又未夠鐘返工，咁就返屋企倒咗垃圾先，放學唔洗趕！今朝學校嚴陣以待咁啦，ofstard嚟查廠嘛，偽造兩日假嘅好為咩，是但啦盡量配合，今日我跟顛妹，我都盡量唔理太多，總之跟程序做就算！放學係遲架啦，不過同仲仲講咗我會遲佢都知架啦！放學返嚟唔洗倒垃圾幾好，朝早有力做咗佢！老公返嚟揍仲仲去踢波，我就準備材料煮飯，食得嚟洗埋碗都10點！

13/1/25

 13/1/25     MON     COLD

今日又要開工了，因為有新更表，都要習慣吓同抄番低，其實都係咁做架啦，佢地繼續激你，你又繼續唔理佢地咁囉，日子都要過，本身最後一堂係飯筒，好在佢忙於處理明天打大佬啲嘢，交咗比個同事跟，咁大家咪困獸鬥到夠鐘就放學！快啲返嚟食啲嘢又要出去，撘巴士去球場啦，返嚟又要煮飯啦，話咁快又一日啦！

12/1/25

 12/1/25     SUN     COLD

今日都係冇出過街，反正都冇地方要去就喺屋企hea吓算，起身煮早餐食完打咗比阿媽，就開始無所事事，老公等睇波，最終阿仙奴輸咗，我就悶到玩十三張，6點幾開始煮飯食完，沖涼休息明天又開工！

11/1/25

 11/1/25     SAT     VERY COLD

今日好簡單，冇出過街，起身整早餐食完，諗住搞掂仲仲做功課就清潔，但因為仲未有google classroom ，就咁放咗上dojo，但用電腦又開唔到，搞咗好耐，最終都做到，咁我就可以做清潔！然後開始hea，午餐食塊pizza就算，晚餐就食豬手米線，咁又一日了！

10/1/25

 10/1/25     FRI     COLD

今日照常返工，頭幾堂都冇咩，都係咁做嘢，放break時吹水，放飯時自我放足鐘唔洗趕，諗住仲有一堂半應該都冇咩，點知都係出吓事咁，其實有時都唔明啲細路點構造，正常上堂唔得嘅咩，最尾嗰堂我盡量入定狀態，只係想快啲放學！好忙又要攞藥又買餸先返去，好凍呀！食咗嘢摺咗衫，收捨吓又要解剖埋隻鴨再煮定晚餐，簡單食意粉，茶點太飽其實都唔太餓！

9/1/25

 9/1/25     THU     COLD 

今日都唔算難過，雖然唔係跟最簡單嗰個，但還好啦，都係咁做，同埋佢唔想再有人跟住，想做好啲等阿姐可以放佢自由！基本上還是可以準時放飯，放工亦快走！接咗仲仲返嚟，真係好凍，咁吹風法係辛苦，快啲暖番！同仲仲補完習就睇劇，個學生介紹咗一套我睇真係好正，我已經睇咗三集！

8/1/25

 8/1/25     WED     COLD

今日都仲係好凍，不過已經雪都冇粒，好彩今日都係乖學生，所以可以話輕鬆又一天，準時又收工，可以抄吓歌詞，同Letty佢地吹吓水，打吓機咁，真係要好好享受吓！揍咗仲仲返嚟就倒埋垃圾食吓嘢，同仲爺做吓學習，摺埋衫仲要煮飯，食完咪沖涼休息，不過心情好咗！

7/1/25

 7/1/25     TUE     COLD  SNOW

今朝照常咁返學返工啦，估唔一出門口就落雪，想轉裝都冇機會，揍咗仲仲入學校之後更大雪，但我都冇得停低影吓相，唯有同啲雪做朋友啦，努力喺咁嘅環境下返工，返到去就濕哂，只可以靠體溫烘乾佢！好彩第一日開個好頭跟個易嘅，輕鬆咗一日準時放飯收工揍仔！返嚟都係休息同煮飯，老公接送兩位大爺踢波，食完沖涼休息！

6/1/25

 6/1/25     MON     COLD

今日終於要開工了，不過好在細佬未洗返學，咁我時間其實係好控啲， 加上太耐冇渣車要啲時間上番手！好在唔係好大雨，返去都係hea，都唔知道做咩，係10點9冇兩個鐘要training，悶死！完咗快手衝去叮飯，食完繼續hea，夠鐘就返屋企，得仲仲一個喺屋企嘛，返嚟食個麵就要出門口，仲仲去練波，返嚟好攰hea到7點先預備煮飯，等老公返嚟落穫，我摺埋衫開飯食完都9點幾，要早啲趕仲仲去瞓！

5/1/25

 5/1/25     SUN     RAIN

今朝瞓到9點幾, hea吓要起身梳洗, 因為12點酒店就check out, 要預番時間, 最正係過去阿may嗰到再一齊煮早餐食, 我地帶咗餐肉同五香肉丁做手信架, 食完12點幾1點都要出去中超睇吓有冇咸蛋買, 但最終都係冇, 咁車番佢地返去我地都要走啦, 預番兩個鐘時間天黑前要返到屋企啦, 去入埋油買埋嘢飲起程都已經遲咗啲, 不過而家慢慢遲咗少少先天黑已經好好, 返到嚟收拾好行李煮少少嘢食休息吓, 7點幾先開始煮飯, 明天基本上都回復正常, 只係仲爺未洗返學, 咁佢唯有自己喺屋企, 大個仔應該可以架啦! 

4/1/25

 4/1/25     SAT     VERY COLD SNOW

今日係Bristol之旅, 不過都係瞓到自然醒先, 然後收拾埋啲嘢食埋早餐先出發, 所以都已經12點先出到門口, 今次好叻冇停Services一口氣過到去May屋企, 先出去食咗意大利嘢先, 跟住我地就去check in咗酒店先, 再返去佢地屋企, 都係開始吹吓水打吓牌咁, 跟住就係食住羊腩煲等落雪, 但其實都係落冰粒嗰隻雪多啲, 唔夠軟, 不過佢地都夠哂玩, 食食吓又走出去玩, 最好笑係啲嘢飲唔洗放雪櫃, 就咁放出出面就得! 然後都係繼續打牌咁啦, 今日夾埋打咗8圈呀, 玩到兩點幾先走, 好在走嗰時已經冇雨雪, 咁都安全啲, 返到酒店排隊沖涼, 仲仲又要浸浴玩浴球, 所以差不多4點幾先瞓, 等緊時順手打比阿媽, 否則又冇咩時間啱打比佢! 

3/1/25

 3/1/25     FRI     COLD

今日起身食完早餐收番聖誕樹，做埋清潔，老公放工返嚟就出去買餸，佢又話今晚想打邊爐，結果要去埋天天買料，咁就差不多乾糖，要捱到出糧！好在1月唔洗交council tax，希望儲到錢！買完返嚟都天黑，咁返正都係，早啲開始打邊爐食少餐！所以明明打咗好耐，洗完碗都係8點幾，沖完涼執6寶行裝明天去探親！

2/1/25

 2/1/25     THU     VERY COLD

今日繼續留咗喺屋企, 琴晚瞓唔著嘛, 所以8點幾先醒, 老公已經返咗工啦, 咁睇吓機咁hea到10點幾先起身煮早餐, 食完先倒垃圾, 然後都係無無聊咁睇吓電視, 本身諗過天氣幾好帶仲仲去打籃球, 但實在太凍啦, 負度數咁都係留喺屋企最好, 子元就要交數跑步, 同埋去搞吓張銀行卡, 我就煲咗粥做午餐, 假期咁快又完咁, 又要捱6個星期了! 

1/1/25

 1/1/25     WED     COLD

連續兩日冇出街啦，我地真係好深閏，昨晚喺屋企都可以倒數睇煙花，洗鬼迫，睇完都hea到點幾先瞓，冇法啦我地睇夠人地未放夠！所以今朝10點幾先醒，快啲起身煮早餐，因為11點半要睇叱吒，一睇就4個鐘，今年如願姜濤攞哂我最喜愛，全程最好笑係阿正嗰part！睇完要預備吓煮飯料，不過老公蒸咗燒賣，咁就晏啲先食！明天老公要返工，我地繼續宅在家！