17/1/25

 17/1/25     FRI     COLD

今日星期五本來都輕輕鬆鬆，但飯筒總係要令人火起，頭幾堂都係可以啦，PE堂仲可以打吓羽毛球幾好，我食完飯到個學生食飯，本應係我嘅自由時間，但就係飯筒阻住哂，你要我寫關於星期三佢英文堂發生咩事我去寫冇問題，你係咁捉住我講嘢冇幫助，我幾經辛苦擺脫到佢去大房，諗深一層先明點解佢要係咁捉住我講，因為佢要我寫到件事唔關佢事同佢冇關咁，正仆街！咁我都係照我方法寫啦，只係令我覺得好煩躁啫！放得學啦，唔洗接仲直接返屋企，食嘢休息睇電視，等仲仲踢完波返嚟食咗肉醬意粉就算，簡單啲！