31/5/25

 31/5/25     SAT     HOT

今日又熱番啦, 搞到要開哂啲門窗, 好在都唔係太多飛蟲啫! 食完早餐出咗去買餸, 又要中超又要西超, 重點係米又減價啦, 唔買唔得, 唯有下個月出糧儲番呢幾日洗多嗰啲! 今日來回都冇塞車, 難得! 買完返嚟都唔洗正經食咗午餐, 都係各自想食咩就食, 到4點幾要染頭髮, 今次染番紫色, 終於成功了, 唔知last到幾耐呢! 然後就係煮晚餐啦, 整口水雞同魚香茄子, 好正呀! 邊食邊睇波, 之後食埋仙草, 原來加鮮奶同cream最似松記!

30/5/25

 30/5/25     FRI     WARM

今日老公朝早仲要返工, 仲爺就走咗上嚟痴住, 差不多十點先起身煮早餐, 食完都係無所事事打吓機, 又要仲仲作埋佢首歌, 但時間係, 老公返嚟我地就要出去, 首先食咗午餐先, 都係食炸雞啦, 跟住就要去剪頭髮, 仲爺又要驗眼, 我又要去買嘢, 5點前又要車子元去到球場教波, 所以都好趕, 不過返到屋企我又可以閒啦, 都要煮晚餐, 同埋幫仲爺手作歌, 佢啲free flow搞唔掂, 都係要用啲音樂知識幫吓佢手! 之後都係沖涼休息!

29/5/25

 29/5/25     THU     WARM

今朝都要早啲起身, 因為9:45要去抽血, 由於早起身所以朝早啲時間都好好用, 做好好多嘢都係12點幾, 係時候煲埋粥, 食食吓老公whatsapps嚟話仲仲要音樂, 我完全唔記得咗改咗今日, 好在只係食緊嘢, 快手入房上咗堂先, 我同哥哥繼續打機, 等佢上完堂我地一路打到5點幾要收機啦, 等老公返嚟食完嘢帶佢地去練跑, 我就抖多陣要準備晚飯, 食完飯洗埋碗去咗攞榴槤, 攞完返嚟即刻食, 好正呀!

28/5/25

 28/5/25     WED     WARM

今朝仲仲要去比賽, 但我唔想去啦, 所以瞓到夠先起身煮早餐, 食完都11點幾, 都係睇電視打機, 放假就應該咁做, 老公返嚟, 仲爺話好餓, 就整咗意粉比佢食, 我地就出咗costco買嘢, 買埋午餐, 但塞吓車咁食得嚟都變咗晚餐, 咁就唔洗煮啦! 佢地睇波, 我就處理埋啲肉先沖涼, 又可以hea吓啦!

27/5/25

 27/5/25     TUE     RAIN

今日諗住都瞓到8點多先醒, 點知子元個鬧鐘6:45就響, 我醒咗啦! 瞓得番但都係咁發夢, 可惡! 梳洗完執好嘢, 準時9點多過到去May屋企齊齊煮早餐, 計埋So sir煮11人呢, 個個都係肉丁餐蛋麵/米, 食完繼續吹吓水先, 差不多12點先出門口, 車蘇sir去火車站, 佢又返番去曼城啦! 我地就西行去卡迪夫, 都要一個鐘頭車呀, 加埋又大風大雨有啲可惜, 一出室外真係吹得郁呀! 所以只係去咗泊車商場最近的Cardiff Market 同城堡, 食咗泰國嘢, 味係幾好但食唔哂, 太Spicy, 同埋個青咖哩撈埋啲飯口感唔得! 食完再行咗去城堡, 因太大風雨只可以快影幾張相就閃, 返商場, 行咗玩具店, 最後早啲去May想試的土耳其餐廳食嘢, 味道其實幾好, 但真係只會試一次, 始於唔係我地杯茶! 食到7點多真係要走, 唔想太夜返到去!

26/5/25

 26/5/25     MON     RAIN

今日係Bristol之旅，11點出發，過去泊到車，飲杯咖啡接埋蘇sir車，就去食嘢再行個圈睇吓名勝就攞車去check in，然後去May屋企，都係打牌吹水打邊爐，咁又一日！不過今日有啲攰，係咁喺到講是非都幾正！

25/5/25

 25/5/25     SUN     COOL

今日我同子元都冇出過街, 老公同仲爺就一早出咗去, 因為今日又要上曼城睇波嘛, 仲約咗蘇sir食飯, 不過明天我地都約咗蘇sir去阿May嗰到玩! 我就hea到9點幾起身食早餐, 然後攤吓就要開始清潔同埋倒垃圾, 因為星期一二出咗去, 返嚟冇理由半夜三更倒嘛! 做好哂就煮午餐, 今日想食粥就自己煲, 子元話唔食, 慳番! 繼續都係睇電視啦, 本來諗住繼續睇雪中架, 但又係咁Lag機, 所以睇吓第二套啦, 咁就睇到九點幾先去沖涼, 仲以為已經大結局咗添, 仲欠兩集又要等!

24/5/25

 24/5/25     SAT     WARM

今日本身諗住仲爺中午去試腳前去costco買嘢, 但應該都唔夠時間, 所以去咗起市買餸就算, 佢地試完腳返嚟買咗麥當勞, 食完又攤喺到, 我都覺得自己似條蟲! 5點幾出門口, 佢地去練波, 我未去過就跟埋去行吓, 練完7點多, 返嚟煮飯食完都係沖涼休息啦!

23/5/25

 23/5/25     FRI     WARM

終於捱埋今日就放term break啦, 今個星期慢, 今日都過得好慢, 真係好攰! 其實都冇咩特別嘢講, 因為真係好悶! 琴日講開GCSE的CERT, 叫子元今日返brentside問, 真係即刻攞到, 咁安樂哂啦, 好在咁啱講開, 加上佢啲舊同學都係近來先攞到, 真係以為佢會寄咗去舊屋個地址! 放學直接返去唔洗揍仲仲, 食埋下午茶, 又可以做蟲蟲, 真係習慣咗咁hea的生活, 我以前究竟係點生活! 因為食得飽下午茶, 所以晚餐老公蒸咗啲雞肶, 可以手撕雞麵, 食完沖涼, 唔理洗唔洗碗啦!

22/5/25

 22/5/25     THU     WARM

終於到星期四啦, 今個星期真係過得好慢, 捱多日就放term break啦! 今日都係算輕鬆工作啦, 手板眼見, 同同事吹開水, 原來真係會有一張真的GCSE證書, 叫咗阿哥明天返Brentside問, 佢都問咗同學, 佢地都係呢排先收到, 希望明天返去搞掂攞埋啦! 放工如常揍咗仲仲返嚟就休息, 都係睇電視同食吓嘢, 子元補完牙返嚟! 早啲預備好晚餐材料, 老公返嚟先煮, 佢要揍仲仲去踢波, 我就摺衫睇電視! 

21/5/25

 21/5/25     WED     WARM

今日都算幾好, 因為朝早大部份相關學生都去咗trip, 咁我頭兩堂就好輕鬆咁仲可以打吓機過, 第三堂佢地返嚟就要開工啦, 不過個學生都冇咩嘢, 算係咁! 安安樂樂過咗日, 放工準時走人, 接埋仲仲, 佢話學校因為今日cultural day, 有學生唔同國旗, 估到連香港旗都有, 仲要有埋自畫像, 又畫得幾好, 所以我都忍唔住影咗相, 可以出吓post呢! 返屋企食完嘢, 都係摺衫睇電視準備晚餐, 因仲爺明天要田徑比賽, 所以老公唔佢去練跑了, 咁條友學完音樂就可以打機! 晚飯時睇埋曼聯對熱刺, 曼聯輸埋, 收工沖涼瞓覺!

20/5/25

 20/5/25     TUE     WARM

今日叫做好啲, 起碼冇頭痛, 所以跟邊個學生真係好重要! 今日都算好輕鬆架啦, 所以都冇咩好講, 只係有一嘢唔好彩, 行過L Block時比樓上唔知邊個學生淋水落嚟, 頂! 冇仇報, 又唔知同邊個講, 激死! 反而替飯更時仲辛苦! 準時放學返屋企啦, 跟住就要倒垃圾然後食嘢, 終於可以抖吓, 然後仲要摺衫, 咁梗係睇吓電視, 7點幾要煮飯, 食完都開始攰啦, 沖涼休息! 

19/5/25

 19/5/25     MON     WARM

今日都係咁開工啦, 跟顛妹都係冇好嘢, 我都唔係好想再提, 鬧又唔聽講又唔聽, 總之就要整啲屎比人, 真係好撚煩, 我到放學時真係堅頭痛, 只係想快啲離開! 接咗我隻仲仲返去快啲食嘢, 然後就要出去踢波, 今日車程好順利, 去到巴士站就有車, 又唔算塞車, 仲爺好enjoy車程痴鬼住哂! 老公車咗我返嚟就要摺衫同煮飯, 其實都真係好忙, 食完飯又要沖涼瞓覺, 唔覺已經10點幾! 

18/5/25

 18/5/25     SUN     WARM

今日主要都係出咗去, 因為子元去踢波, 咁就一齊出去, 其實最終都只係去球場, 都係冇去行到咩地方, 可惜! 起身食咗早餐12點幾就出去, 上去都係半個鐘, 老公話想去睇吓harry potter個外面, 但原來冇買飛係唔入得架, 只係可渣番車走! 想再搵吓有咩地方去但都係冇, 所以都係直接去球場, 睇吓又打吓機咁啦, 最終都WIN咗一球! 散場後就去咗食麥記, 然後揍咗佢地返去我地就要攞貨, 因為free咗塊white board同後園需要的磚頭, 不過搬完要清潔架車, 好在有嘢墊住! 晚餐又唔洗食因為太晏先食完麥記! 

17/5/25

 17/5/25     SAT     WARM

今朝7點幾醒完再瞓番, 結果10點幾先起身, 食完早餐就出去, 好忙碌好多嘢要買, 本來諗住先去IKEA, 然後先Costco同去outlet買鞋, 但原來今日有event, 結果咩都要快, 試過上次因為event塞咗好耐就驚! 快手買完就閃, 去Costco買埋熱狗就走, 仲要去埋超市, 中超西超一次過, 返得屋企已經3點幾, 落完貨食完嘢, 仲要執仲仲間房, 因為要重組咗佢個書櫃同垃圾角落, 但望住啲嘢真係完全無從入手, 最終都係要哥哥幫手, 佢真係好有方法, 終於又整齊咗啲! 跟住仲仲就比人捉咗去練跑, 我就做咗清潔先, 然後都總可以攤抖一陣, 老公返到嚟都已經8點幾9點, 仲要煮佢個新菜色, 所以食得嚟已經10點幾, 眼瞓啦!

16/5/25

 16/5/25     FRI     WARM

終於捱到星期五, 知道今日應該冇得輕鬆, 但都冇諗過要跟Ellie, 好攰, 亦都發咗脾氣喝佢, 條友真係要有人片吓佢, 都係嗰句啦, 佢呢啲人大咗都幾大穫, 根本唔可以喺社會生存到! 唔理佢咁多啦, 總之我就照常放飯, 放工就算! 去攞埋藥先返屋企, 食埋嘢就hea吓睇電視咁, 然後就要出去攞我free到返嚟的電子琴, 名牌子嚟架喎, free到我都覺得自己勁! 接埋子元教完波, 返嚟玩完一輪個琴就煮晚餐, 都係簡單食肉醬意粉, 再睇吓波先沖涼休息!

15/5/25

 15/5/25     THU     COOL

今日工作上叫做冇咁攰, 始終唔洗講咁多嘢係好事, 仲有間做吓自己嘢, 只係今日天氣有啲冷, 搞唔掂, 琴日仲熱到仆街, 今日又凍到仆街! 順利咁過完今日啦, 又要去揍我隻仲仲, 一齊去買埋餸先, 因為又食哂啲嘢啦, 返到去就煮嘢食, 食完都冇得睇視, 因為比仲爺霸住咗, 等佢去咗踢波我就可以邊睇邊摺衫啦, 然後都係煮飯咁啦, 食完老公話煮西米露, 梗係好架, 咁就沖好涼先食啦!

14/5/25

 14/5/25     WED     HOT

今日真係好攰, 揍住3隻小天使真係好攰, 我已經冇力好似揍幼稚園咁玩, 加上條腰仲係痛, 又要行嚟行去, 我都已經唔會跑, 但始終都要行要企, 加上精神上令你攰, 完全可以用捱到放工, 接咗仲仲返去食嘢, 然後又要摺衫啦, 總之都係攰, 睇電視都冇心機! 煮飯好攰好攰, 總之今日就係攰!

13/5/25

 13/5/25     TUE     HOT

今日都係好熱呀, 朝早照常咁返工返學啦, 跟顛妹都係攰架啦, 不過都係咁做架啦, 有時隻眼開隻眼閉就算! 另外今日一個重點係又要幫手考中文oral, 最好笑係放飯時我同個學生講今日要考喎佢先知, 真係好彩, 如果唔係都幾搞笑, 不過AL真係難好多, 蝕咗添啦遲咗少少放學! 揍完仲爺仲要倒垃圾, 真係好攰! 做好哂嘢可以食嘢, 休息睇電視, 夠鐘就煮飯, 食完都係沖涼休息!

12/5/25

 12/5/25     MON     HOT

今日以為跟個輕鬆有著數，點知原來要一個跟兩個，轉堂時押送一件，押送完又返去上堂，行到我腳軟！同埋新指令唔比個學生用公家廁所，所以佢冇得同啲朋友躲藏，我又冇得hea！終於完成了工作快速逃離接仲仲，返去一陣又要去練波，點知等極都冇巴士，即刻打比老公，好在冇塞車嚟到接我地！jeep jeep好慘，泊喺停車場都比貨車撞到，好在仲行得但要等對家搵人嚟整等等都係煩！晚飯後都係沖涼休息，今晚都係好熱！

11/5/25

 11/5/25      SUN     HOT

今朝老公出咗去踢波，出去前煮定哂肉丁同肉絲，我地可以自已食，拖到11點幾捉仲仲做埋數學，我就做清潔，條腰仲痛架但都要郁架，再搽膏囉！本身諗住打咗比阿媽先出去買餸，但又冇人聽，咁就照出去先啦，太晏又冇嘢買！但一路都唔見佢應機，可能冇睇電話就瞓咗！買完餸返嚟老公整午餐，係漢堡包，正！之後都係睇波打機睇電視等開飯，明天又要開工啦！

10/5/25

 10/5/25     SAT     WARM

今日只係做咗司機, 起身揍咗仲仲去參加生日會, 跟住就到子元去做gym, 然後我地去咗飲咖啡同買natural natural 做午餐, 接埋佢地兩個就回程, 今日條腰仲痛咗, 行唔到去買鞋住, 再算啦! 返去攤抖之餘都捉咗仲仲做兩份數, 盡人事啦, 考成點都係佢自己! 最後老公煮埋晚飯食就休息啦, 今日食咗鴨腿湯飯, 好味! 

9/5/25

 9/5/25     FRI     WARM

返埋今日終於放假, 明明今個星期返得4日工但都好似好攰咁, 10點幾就已經好眼瞓啦! 基本上今日都係照常開工, 同埋好悶咁囉, 可能因為條腰都係痛, 所以周身自在咁, 最尾PE堂仲要玩rounder我真係頂唔順, 07分就已經閃人, 快啲收工啦! 老公就考完UK life test, 我都好緊張佢考成點, 好在最終都PASS 到! 又過一關啦! 以為要揍仲仲, 老公去接又冇講我知, 好在可以check番GPS啫, 咁去教堂望完就走人, 一齊返到去, 有外賣嚟到食埋, 佢地又出去教波同練跑, 咁我就自由時間啦, 繼續狂睇電視, 都有摺衫的, 佢地返嚟老公只係煮咖哩豬皮魚蛋, 咁咪撈麵算囉, 食完就沖涼啦, 我真係好攰!

8/5/25

 8/5/25      THU     WARM+

今日都冇咩特別啦, 條腰繼續係痛, 但都要開工, 好在呢兩日跟嗰個學生都唔係太難, 只係要上PE堂, 我真係冇咩做到, 因為都彎唔到腰, 唯有企喺到用口叫佢做就算! 跟住本身都冇咩特別只係悶, 同埋人事部出咗電郵寫到明話唔比著波鞋, 其實就幾唔公平, 咁你不如叫PE老師都唔好著啦笨, 諗起都火, 諗呢啲嘢的人都係唔會睇到真實人地工作喺點就諗啲嘢出嚟, 所以話有時真係要啲高層落去做吓嘢佢地先知實質工作係點! 悶咗一日終於收得工, 返去要食嘢, 好餓呀! 然後都係要仲爺做練習啦, 下星期SATS啦, 努力埋嗰幾日佢啦, 之後再算! 不過同佢對答案時唔識唔明又係到散發啲負氣令人想中佢一穫! 到佢去咗踢波我就要摺衫, 好多要摺呀, 搞掂都差不多要煮飯啦, 食完想快啲沖涼, 因為都眼瞓, 但搞掂得嚟都夜啦!

7/5/25

 7/5/25     WED     COOL

今日除咗year 11其他都係返半日，本來都幾開心，但第二堂時突然條腰好痛，一起身一坐就痛，似扭親整到神經嗰種，除咗忍冇咩可以做，好彩係只在sport hall hea吓，老實悶到眼瞓架，最好笑係最尾條片，幾個老師拍咗個drama講番平時啲學生做的壞事，勁寫實囉，呢樣佩服！之後都係簽吓衫環節，出去企咗陣八吓就等收工，接仲爺時唔小心又比架車撞到腳，腰又痛腳又痛，快啲返去處理吓，點都係痛，唯有自己調節動作！最慘係今日約咗冼爸佢地嚟聚，好在出去食嘢都係坐，未至於太辛苦，本來諗住去酒吧睇埋波，但唔係冇位就係未夠18唔入得，簡單啲返我地屋企睇，都好，睇完快啲沖涼休息！

6/5/25

 6/5/25      TUE     COOL

今日又要開工啦, 不過都係輕鬆架, 一來個學生已經係輕鬆, 二來要去做中文考官嘛, 又可以走大半堂, 正! 同埋今日個新染金毛真係好eye catching! 同佢兩個考Oral真係好好笑, 係真係要唔望佢忍笑嗰隻, 有時想幫佢地又唔幫得咁, 所以都幾特別! 個老師問下星期有兩個學生要考AL中文要我幫手, 我冇所謂雖然冇錢收, 但可以離開一陣啲麻煩學生係開心! 放學接埋仲仲就返去, 食吓嘢, 仲仲學音樂時就到我睇電視, 煮好飯等佢踢完波返嚟食, 咁又一日啦!

5/5/25

 5/5/25     MON     WARM

今日都係冇出過街，勁！起身食早餐後就染髮，先要漂咗先，已經搞咗幾個鐘，跟住本身諗住染紫色，但隻紫色完全上唔到，結局我變咗金毛，是但啦都好睇！整完食咗pizza，7點幾就煮飯食，全日差不多都係睇慶餘年，睇咗好多集！明天又要返工啦！

4/5/25

 4/5/25     SUN     SUNNY

今日大家都冇出過街, 全家全日都喺屋企各有各, 起身先食咗早餐, 又食米粉又食燒賣同叉燒飽, 夠哂飽! 之後就係換床單, 仲有要迫仲爺做埋英文練習, 下星期考啦, 點都要盡一盡力! 再同阿媽傾埋電話, 跟住就同仲爺測埋spelling, 可以自由啦, 老公就溫uk life test, 到咁上吓肚餓就煮咗碗仔翅, 食完繼續摺埋啲衫, 6點幾7點去煮飯啦, 今日一穫過又雞又菜就算, 都好好食架! 食完排隊等沖涼瞓覺!

3/5/25

 3/5/25     SAT    WARM

今日出咗去4個地方買嘢， 真係好攰呀！所以真係唔可以一日去太多地方，朝早佢哋去練完波返嚟，我食埋早餐就出去，先去咗中超同超市，然後就係去outlet，仲仲要買跑鞋，佢真係好煩揀好耐！然後返去costco買埋嘢先回程，返得去食嘢已經3點幾4點，本來食完嘢就想仲仲快啲開功課出嚟做，但條友拖到我睇咗一集都未郁堅！堅燥底，唔想理佢，去做清潔先！佢知我發火先郁但我都收唔到，之後都係片咗佢一輪！清潔完休息吓，我煮一半老公煮一半，開飯食完就繼續睇電視沖涼休息！

2/5/25

 2/5/25     FRI     HOT

今日係Happy Friday，跟個學生又唔洗煩，基本上佢有佢happy我有我開心，打機都打到冇電，辛苦啲係history測驗條友用手機出貓我又要幫佢睇水，都幾係攰！但基本上都係過得輕鬆！放學就準時閃人返去做蟲蟲，食個沙嗲牛肉通先，佢地唔係屋企我可以狂煲劇，其實都係翻煲慶餘年，足矣！最後係食外賣，都好耐冇食川菜，勁正！

1/5/25

 1/5/25     THU     VERY HOT

今日真係好熱呀, 雖然未去到heat wave嗰啲, 但中午之後又有太陽, 仲要上PE堂, 真係攞命! 朝早就都係照常咁開工, 還算可以, 都係咁過, 只係有啲悶有啲攰! 最尾PE堂後快啲走, 接埋仲仲去就返去休息, 仲要同仲仲練SATs, 到佢去踢波我就可以睇電視, 仲要摺埋衫, 7點幾就要煮飯, 今晚應該真係煮得好好食, 搶哂!