31/5/25

 31/5/25     SAT     HOT

今日又熱番啦, 搞到要開哂啲門窗, 好在都唔係太多飛蟲啫! 食完早餐出咗去買餸, 又要中超又要西超, 重點係米又減價啦, 唔買唔得, 唯有下個月出糧儲番呢幾日洗多嗰啲! 今日來回都冇塞車, 難得! 買完返嚟都唔洗正經食咗午餐, 都係各自想食咩就食, 到4點幾要染頭髮, 今次染番紫色, 終於成功了, 唔知last到幾耐呢! 然後就係煮晚餐啦, 整口水雞同魚香茄子, 好正呀! 邊食邊睇波, 之後食埋仙草, 原來加鮮奶同cream最似松記!