31/8/25

 31/8/25     SUN     RAIN

今日係最後一日暑假啦, 但都玩盡佢, 過咗May屋企, 即係又過Bristol, 我地8點就起身, 11點多就過到去啦, 佢地都未起身, 冇法啦明天開工, 今日唔可以玩咁夜! 等埋炮哥到齊就一齊出去食嘢, 去咗食港式茶餐廳, 我食咗米線又幾好食喎, 然後就要分頭去買嘢啦, 因為落雨冇得BBQ, 唯有買料打邊爐啦, 等全部人返哂, 啲細路就開枱, 到3點幾就出去打波, 我地大人再打到5點幾, 我好叻呀食咗鋪十三么, 打完就要幫手set up打邊爐啦, 唔覺唔覺又玩到9點幾先肯走, 又睇番香港小姐選舉, 真係好好笑! 最後食埋西瓜真係要走啦, 明天大人們要開工, 今晚條路好順,12點未夠就返到屋企!

30/8/25

 30/8/25     SAT     WARM

今日瞓醒老公煮早餐, 我就做咗清潔先, 本來諗住叫子元做, 但佢原來要做GYM, 又話要溫書咁, 算啦反正等食早餐我都係可以快手做咗先, 食完早餐就出去買餸, 都要去多轉中超先得, 買完都2點多先返到去, 老公話蒸燒賣腸粉做午餐, 食完整埋個鮑汁雞腳, 睇埋波先開始染頭髮, 今朝個紫色有啲紅, 不過都好睇的! 晚飯簡單食腸餐蛋飯, 又睇吓電視先, 10點幾先休息, 明天要過May到, 玩埋明天就要返工啦!

29/8/25

 29/8/25     FRI     RAIN

話咁快又差不多放完暑假, 有工返係好事, 要咁諗先得! 朝早hea到10點幾先煮早餐, 今日好想食麵, 仲爺就食埋琴晚的焗豬, 子元就一早同啲朋友出咗去玩! 咁食完嘢我又繼續hea到12點幾一定要做埋work out同叫仲爺出去跑埋先! 返嚟不久子元佢地就返, 老公都放工返嚟, 班細路返嚟就開始打牌, 又玩咗幾個鐘, 5點先走哂, 有一齊玩吓都幾開心! 之後都係hea到7點多就煮飯食, 咁又一日啦!

28/8/25

 28/8/25     THU     RAIN

今日子元同啲朋友嚟玩, 雖然佢地下午先嚟, 但朝早食完早餐我都要開始準備個焗豬扒飯, 仲要摺埋啲衫, 做埋work out同仲爺跑埋步, 返嚟就繼續預備個飯, 又要煮又要炒, 其實都幾多功夫, 不過起碼我都慢慢做到! 之後佢地嚟到基本上我連位都冇得坐架啦, 不過都要處理埋餐晚飯我先可以返上房沖涼休息!

27/8/25

 27/8/25     WED     WARM wind rain

今朝要早起身, 仲仲有腳試, 要半個鐘車, 去到我都係坐, 不過都係出嚟行吓算, 等佢試完去咗附近先去轉廁所, 睇吓有咩食, 本來入咗間意大利餐廳, 但見得一條友喺到又講緊電話, 佢話廚房有嘢壞咗, 打去搵人整, 我望吓餐牌好似冇咩嘢啱食, 加埋個餐廳啱啱開有啲臭味未散, 所以放棄咗, 去隔離食雞算! 然後喺嗰個場行咗陣買埋明天焗豬扒飯啲料, 然後就返屋企, 仲爺去咗隔離街同學屋企玩, 咁我地就係咁煲劇, 6點幾煮飯, 開飯可以睇曼聯, 對啲低幾級的盃賽, 竟然先輸2-0, 追和咗但輸12碼, 真係夠哂drama! 

26/8/25

 26/8/25     TUE     WARM

今日又係喺屋企悶, 9點要起身, 因為仲爺10點要學音樂, 所以要快食早餐! 我之後就開始hea, 到11點幾先的起心肝清咗垃圾桶先, 真係要大洗因為大垃圾桶都有好多蟲蟲, 攞我命! hea到點幾都要煮午餐, 本來諗住煮粉, 但最終炒咗意粉, 下午就hea囉, 都要同仲爺出去跑步, 係咁睇電視, 到6點幾煮飯啦都餓啦! 食完都係打機睇電視, 10點多先沖涼休息!

25/8/25

 25/8/25     MON     WARM

今日Bank holiday老公都一齊放假, 但都冇咩特別嘢, 仲仲朝早去練波, 練完連埋正正返嚟, 佢地咁就玩咗半日, 都好唔洗嘈住陪佢! 我地就出咗去natural natural買嘢食, 又諗住去Broadway買番M&S個保溫袋, 但原來已經絕咗版, 唯有放棄再諗! 返到屋企都係hea, 今日真係咩都唔想郁, 晚飯有鴨腿飯食, 正! 食完睇埋波就沖涼休息! 

24/8/25

 24/8/25     SUN     WARM

今日要買埋仲仲返學啲嘢, 所以朝早食完早餐等到10點幾出去, 諗唔到食咩早餐所以叫咗麥記! 首先去IKEA買番隻wok 鏟, 仲有老公要個新飯盒! 然後就去costco泊完車就先去outlet買返學鞋, 子元就買短褲, 跟住返costco買埋蛋同Pancake, 再買埋熱狗就回程! 返嚟食完嘢hea到6點幾終於的起心肝做埋清潔! 洗埋個米就hea住等老公煮飯食! 然後又掛住睇電視睇到10點幾先沖涼休息!

23/8/25

 23/8/25     SAT     WARM

今朝食完早餐都11點幾, 跟住出去買餸啦, 不過先揍仲爺去練波, 然後去對面嗰間超市買, 不過唔熟架部真係唔掂, 好難買嘢, 點幾返番去球場等佢, 然後返屋企啦, 我肚餓但老公又處於都唔知煮定叫外賣，最終我煮咗麵，佢又煮咗嘢又叫外賣，食完要做嘢啦，整梳化！一整就五六個鐘，晚飯都係叫外賣，但總算修理好張梳化鞏以坐得舒服啲！沖完涼都夜啦，休息！

22/8/25

 22/8/25     FRI     WARM

今日終於可以出吓街啦! 朝早照樣瞓到9點幾, 發夢發到顛咗, 所以瞓得唔係幾好, 起身食完早餐督住仲爺做埋啲嘢出去跑埋就等老公回來可以出去剪頭髮, 要買埋仲爺開學啲嘢, 跟住就可以去買埋條西褲, 點知勁長龍, 咁老公就先去接咗子元先, 買完佢地又未嚟喎, 咁不如我地就咁行返去算, 都係大半個鐘啫, 行公園嗰邊都幾好行! 返到嚟可以hea吓, 等老公整晚餐, 炒米粉好好食, 9點幾就返上去沖涼再hea!

21/8/25

 21/8/25     THU     WARM

今日又係冇出過街, 連陪仲仲出去跑步都冇, 因為子元想打機, 咁快啲出去跑完, 我整埋午餐就算! 食完咪又打party囉, 都打到5點多, 老公返嚟, 我又繼續摺衫睇電視, 洗好米老公就煮飯, 整好雞煲, 正! 睇多陣電視就沖涼休息!

20/8/25

 20/8/25     WED     WARM

今日又係咁上吓, 只係準時番起身, 多啲時間用, 咁仲爺又合作, 快手做好啲嘢, 咁咪幾好囉唔洗我係到趕佢嘈佢先郁! 所以我有時間包雲吞, 不過得粟米就只可以包呢款, 始於冇九菜咁好味, 子元趕住去踢波食唔切, 咁就等佢踢完返嚟先食啦! 我地食完抖一陣就捉仲爺去跑啦, 然後就返嚟整咗個紅棗蘋果水飲, 仲爺話要打機就陪佢打咗陣mario party, 然後老公返嚟佢就要去踢波, 我就去煮飯, 今日煮得好好食呀! 睇多陣電視就沖涼啦!

19/8/25

 19/8/25     TUE     WARM

今日心情麻麻地, 都係仲爺做嘢慢, 食嘢又嫌, 令我唔高興, 正所謂嘢又唔做食又要選, 邊有咁架, 大帝呀! 叫佢跑步嗰時就又叫又喊又話真係冇力, 我真係嬲到想理佢! 之後佢見我嬲都知要say sorry同埋做番嘢唔係淨係睇機囉! 佢真係踢一踢都未必郁到一郁, 可惡! 晚飯整咗湯同蒸雞脾, 我就用嚟炒西芹, 仲好味! 飯後睇埋電視就沖涼!

18/8/25

 18/8/25     MON     WARM

今日除咗陪仲爺跑都係冇出街架啦, 琴晚瞓得唔好, 瞓吓醒吓咁, 所以9點幾先醒咗, 慢慢先食早餐再捉仲仲做功課, 管住佢做好好多! 午餐簡單食烏冬餃子, 仲爺最愛! 食完要去跑步啦, 返到嚟就整牛角包, 有得玩有得食! 晚飯簡單整薯仔雞翼, 正!

17/8/25

 17/8/25     SUN     WARM

今日冇出過街啦, 琴日都買哂餸嘢, 瞓醒食完早餐, 佢地就要睇波波, 因為有冼爸個仔睇, 不過佢係下半場好後先出場, 睇完繼續hea吓, 今日咁多英超睇, 個電視都好忙, 午餐買咗麥記, 睇完阿仙奴對曼聯就輪番我睇劇, 然後到老公煮晚餐, 食完睇到9點幾又係時候沖涼休息, 咁又一日, 仲有兩星期就放完暑假了, 都要面對現實架啦!

16/8/25

 16/8/25     SAT     WARM

今日主要都係出去買嘢, 都好一段日子冇入貨, 仲有就係去咗IKEA, 本身仲仲話想買垃圾桶, 又點會只係買呢樣, 主力都係買咗啲散件, 跟住就去中超, 都係買吓買吓又一堆, 應該可以頂到放完暑假, 買完屋企, 哥哥話約咗holly佢地去睇戲, 但我睇GPS見佢點解去咗central london, 即刻問佢啦, 先知佢google search時就咁打咗westfield又冇睇清潔係咪white city嗰個, 咁佢就傻咁跟咗去老遠嗰個, 好在佢都預早咗出門口, 撘得車趕返嚟睇戲, 不過真係好低能囉, 等佢返嚟問佢擺到明係自己七咗啦, 佢有時真係好衝動, 咁都錯得! 我地返到嚟老公整咗腸粉燒賣同碗仔翅, 仲有咖哩豬皮魚蛋, 但嗰時已經5點幾6點, 所以飽咗都食唔到晚餐, 睇劇睇到10點幾先沖涼休息!

15/8/25

 15/8/25     FRI     HOT

今日終於可以出吓街, 朝早快啲叫仲爺做好啲嘢, 就等老公放工返嚟, 先出去broadway食嘢, 然後行咗陣睇咗啲嘢, 都係仲仲開學要用的書包呀等等, 之後本來諗住去IKEA, 但望到條路好塞, 所以改咗不如買餸, 咁就買到5點幾先返嚟, 不過等到老公沖完涼先整埋肉醬意粉食晚餐, 再睇吓電視等等, 10點幾沖涼休息!

14/8/25

 14/8/25     THU     HOT

今日同樣係冇出過街啦, 除咗要陪仲爺去跑步囉, 起身食完早餐捉佢做咗功課先, 跟住做咗work out先煮午餐, 食完午餐可以休息一陣, 叫佢做埋下半場功課就出去, 跑緊時見到有兩個香港人, 其實想停低吹水, 但仲爺又一身汗咁廢事啦, 可惜! 返嚟就休息吓啦, 幾好! 老公返嚟沖完涼瞓咗, 所以我唯有煮哂餐飯, 跟住勁想睇套舊劇, 就係因為睇咗沈震軒個MV, 所以食飯時開咗嚟睇到9點幾先沖涼! 

13/8/25

 13/8/25     WED     HOT

今日又係冇出過門口啦, 不過今朝有嘢整吓, 就係玩麵包, 初頭個粉好濕, 好在最終都成形, 整到似檥的腸仔包, 好開心! 午飯真係煮咗飯, 因為真係諗唔到煮咩嘢啦, 簡單啲算! 之後開始hea, 都係睇電視, 老公返嚟揍仲去踢波, 我就預備定晚餐, 都係睇吓電視食飯沖涼咁啦!

12/8/25

 12/8/25     TUE     HOT

今日又係冇出過街, 朝早起身點阿哥去咗買通渠水先, 快啲搞掂個廁所唔好塞先, 仲要煮早餐食, 今日都算on time做嘢, 仲要倒埋垃圾, 跟手做埋work out就要煮午餐, 今日食意粉, 簡單啲, 食完我開始想只係hea, 仲爺又唔想跑步, 我都迫唔郁佢, 佢又同梓行call緊, 由得佢啦, 反正佢今日要出去同政政做gym, 我本身想試吓整雲吞皮, 但唔work, 反而用個水尾包料整個灌湯餃又OK! 整埋晚飯食完沖涼, 試咗用奶茶整白涼粉, 不過唔夠糖, 下次都係要落冰糖先得!

11/8/25

 11/8/25     MON     HOT

今日繼續宅在家, 瞓醒整早餐, 食完仲仲做功課, 我就做清潔, 順手打埋個立, 簡單食粥做午餐, 子元出去練波, 仲仲出去跑埋步, 可以休息了, 開復仇者系列繼續睇, 老公返嚟疴塞咗個廁所, 但鋪頭收哂冇得搞, 只可以明天再算! 晚飯簡單一窩熟, 食完繼續睇埋美隊先沖涼, 咁又十一點幾啦!

10/8/25

 10/8/25     SUN     HOT

今日係我44歲生日呀! 我真係開始覺得自己老啦, 冇得呃! 琴日出去慶祝完, 今日只係買蛋糕影吓相就算, 朝早老公好早起咗身落樓下, 我估佢應該有嘢整, 咁我就繼續瞓, 到9點幾先再醒, 佢話落去食早餐, 原來整咗類似灌湯餃但有啲失敗, 不過都食咗先啦, 然後就出去買餸啦, 仲要買埋支麵粉棒, 仲有蛋糕, 再順手去埋natural natural買飯團, 太餓啦! 回來快整咗狗仔粉, 超正! 之後老公繼續整燒賣皮但唔成功, 係咁架啦, 我嗰時都成日失敗! 咁我就hea吓咁啦, 唔想生日做清潔, 明天再做過! 到6點幾好餓啦, 但老公瞓咗佢話比多啲時間佢瞓多陣先煮, 餓到我都唔想郁! 食埋個咖哩飯就切蛋糕, 咁就過咗生日啦!

9/8/25

 9/8/25     SAT     WARM*

今日係計劃的出遊日, 自己生日自己諗去邊, 問chat得到答案就今日出發, 本來係諗住明天架, 但今日嗰個town先有嗰個market, 咁就今日去啦! 7點半就要起身, 因為話10點前停車場就好快full, 所以都係早啲到, 先行咗個market先, 其都係市集啦, 不過未食嘢, 咁見到啱的又睇吓食吓咁, 另外有兩間目標店鋪都係食, 最驚艷係個cookies上面再有個雪糕, 好夾好正, 個曲奇係軟身架, 正! 之後行去食一個顛覆對窩夫的體驗, 因為竟然可以配咸嘢食, 我地選咗炸雞, 另一個係火腿芝士啡菇仔, 出奇地好食! 咁樣就玩咗4個鐘, 要回程了, 因為要去costco買牛扒, 老公話今晚食扒喎, 呢樣佢就咁有主意呀, 諗做咩就諗唔到! 返到去4點多, 但今日又唔想做清潔住啦, 所以都係攤抖吓等食! 最終開咗復仇者嚟睇, 咁就睇到12點先沖涼!

8/8/25

 8/8/25     FRI     WARM

今日9點幾起身, 本來好地地食完早餐仲爺就去做嘢, 做到數學時, 又激到我, 我又發火, 子元出來再教, 我喺廳睇劇令自己平靜吓, 又再幫仲爺個飯袋加固吓, 跟住開始肚餓但又諗唔到煮咩食, 見老公應該差不多返到, 個心本身係諗住等佢返嚟再睇吓食啲咩, 但佢返到嚟我又無名火起, 跟住佢話我發脾氣, 然後我又走咗上房, 佢煮嘢食再揍哥哥去練波, 阿哥又嚟做和解, 其實我都唔知自己點解會咁, 我真係覺得我有啲情緒病! 最後老公揍完阿哥返嚟車我去攞藥, 我地就襯時間食咗嘢, 返嚟之後就到仲爺去試腳, 我喺屋企自己休息吓啦, 都冇咩好做! 

7/8/25

 7/8/25     THU     WARM

今日因為要去照子宮, 所以老公請咗假車我去, 佢又要去攞番jeep jeep, 好忙碌! 去照子宮都估到應該係有纖維瘤, 因為上網check過有呢啲狀況都係因為咁, 工作人員照到有, 叫我下星期四可以打去比GP約睇吓點處理! 照完就行去同老公會合, 佢同仲爺去咗超市買嘢清潔番架車, 要搞掂先可以遇番比人, 咁就去接番jeep jeep啦, 回家後等埋子元做完gym返嚟就去榮業食嘢買嘢, 今日仲爺冇咩做過功課, 只係做咗數, 但我就幫佢執咗間房, 實在係太亂太dirty, 執完可以預備開學用! 因為大執都執咗好耐, 所以老公煮飯, 食完繼續睇電視, 9點幾10點先沖涼休息!

6/8/25

 6/8/25     WED     WARM

今日算有出過街, 因為仲爺要跑步, 都搞到3點幾先跑到, 做功課做得好慢, 差不多1點先做完, 我又諗唔到煮咩食, 最終整咗pizza同餃子咋, 食完抖吓先做work out, 跟住就出去跑, 原來仲爺都跑到架喎, 反而係我唔夠氣, 腳係夠力架真係唔夠氣, 跑完返去真係要沖個涼先掂, 然後就攤咗喺到, 真係攰喎, 到咁上吓時間老公返, 大家又肚餓, 早啲煮飯食完睇電視休息!

5/8/25

 5/8/25     TUE     WARM

今日又係冇出過門口, 瞓到9點幾10點先知醒, 所以仲爺啲功課行程又拖慢哂, 我整早餐時佢仲喺到睇手機, 咪趕佢去做住英文先囉, 之後都叫做趕到進度啦, 午餐炒米粉咋, 食完最後教佢彈琴, 佢終於明學琴唔係咁易! 之後開始hea, 係咁睇片, 到咁上吓先煮飯, 差不多煮好聽到門鐘已為仲爺佢地返, 點知係政政妹妹, 因為仲爺同政政去咗學體能, Leo揍唔切我地幫佢揍咗先, 咁佢地就上住嚟屋企等啦! 晚飯完睇埋電視就沖涼休息!

4/8/25

 4/8/25     MON     WARM

今日又冇出過街, 不過都有做啲有益身心嘢, 就係起身就換咗床單先, 食完早餐hea吓, 諗住仲爺真係咁乖識做哂啲數, 點知又係出術抄答案, 條友完全唔洗用筆都計到邊有可能, 最終要佢全部做過, 不過佢有得食蒸水蛋嘛, 點咩菜都有得食, 算係咁啦! 之後都係要做埋啲功課先, 跟住就做work out然後再打吓機, 整定嘢等老公整焗豬扒飯, 仲爺又好開心囉, 開咗套舊的新劇嚟睇又幾好, 跟住就沖涼休息了!

3/8/25

 3/8/25     SUN     WARM

今日竟然瞓到12點幾先起身, 因為琴晚太夜啦, 我諗我差不多3點先瞓! 起身都係食咗嘢先, 叫老公整spice炒年糕, 但佢整得唔好囉, 可惜! 咁之後都冇咩食嘢啦, 因為琴日政政媽媽介紹咗套戀綜, 雖然係無線但都OK啦, 咁又睇咗一日啦, 中途子元又叫過打機, 老公就整吓個水喉, 我又摺咗衫咁啦, 完全無聊過! 晚飯食咗麻婆豆腐飯呀, 好正! 

2/8/25

 2/8/25     SAT     WARM

今日終於可以出街啦, 我地11點幾先食早餐, 所以出去買餸都已經12點幾1點, 不過今日都唔係好多嘢要買, 買完返去, 老公車仲爺去政政屋企玩, 我就開始清潔, 慢慢做都要個幾鐘, 跟住就可以食吓嘢, 簡單整餃子同烏冬, 然後就要出去, 去政政屋企食飯, 又可以吹吓水咁, 未夠6點去到, 佢地都已經玩咗3個鐘, 都仲要玩到12點先肯走, 我就真係有啲攰啦!

1/8/25

 1/8/25     FRI     WARM

已經3日冇出過門口, 我開始覺得好悶啦! 今日老公返半日, 所以朝早快啲做好work out先, 唔係又煩! 早餐唔洗食粉食麵, 所以淨係食牛油果雞蛋同腸仔, 又夠飽喎, 仲爺做佢要做的功課, 我就摺埋啲衫, 之後快啲佢做埋work out, 老公回來睇吓食咩, 叫咗買一送一的雞, 加個烏冬搞掂, 然後仲爺話要打機又打吓啦, 不過佢地5點都要出去踢波, 我就做吓蟲蟲先, 等子元回來佢話肚餓就早啲煮飯, 雞同瓜放埋一堆就得, 食食吓開到套周星星電影, 結果睇哂先去沖涼!