10/8/25

 10/8/25     SUN     HOT

今日係我44歲生日呀! 我真係開始覺得自己老啦, 冇得呃! 琴日出去慶祝完, 今日只係買蛋糕影吓相就算, 朝早老公好早起咗身落樓下, 我估佢應該有嘢整, 咁我就繼續瞓, 到9點幾先再醒, 佢話落去食早餐, 原來整咗類似灌湯餃但有啲失敗, 不過都食咗先啦, 然後就出去買餸啦, 仲要買埋支麵粉棒, 仲有蛋糕, 再順手去埋natural natural買飯團, 太餓啦! 回來快整咗狗仔粉, 超正! 之後老公繼續整燒賣皮但唔成功, 係咁架啦, 我嗰時都成日失敗! 咁我就hea吓咁啦, 唔想生日做清潔, 明天再做過! 到6點幾好餓啦, 但老公瞓咗佢話比多啲時間佢瞓多陣先煮, 餓到我都唔想郁! 食埋個咖哩飯就切蛋糕, 咁就過咗生日啦!