31/12/23

 31/12/23     SUN     RAIN

2023年除夕, 冇咩大慶祝活動, 瞓到自然醒先, 跟住先煮早餐再上網買飛, 問咗佢地兩隻嘢都睇Wonka, 咁就可以買啦, 因為有免費呢! 買咗1點鐘, 咁慢慢食完早餐先出門口都仲得, 去到商場仲有時間行吓, 平平地幫佢買咗件外套, 因為之前黑色嗰件爛咗拉鏈! 差不多時間就要入場, 淨係買爆谷都搞好耐! 估唔到套Wonka咁好睇, 喜出望外! 睇完都3點幾, 商場好多人啦, 於是返出去先食嘢, 去咗食拉麵, 仲可以買埋納豆, 食完返屋企仲要摺衫, 又上吓網咁, 老公就煮晚餐, 今晚食斧頭扒, 但太快手都冇影相, 下次要買塊放牛扒嗰啲木板有啲儀式感! 開咗captain marvial 嚟睇就睇埋先沖涼, 仲爺又等到瞓咗, 唔洗倒數! 其實我都眼瞓啦, 瞓醒迎接2024啦! 

30/12/23

 30/12/23     SAT     RAIN

今日10點幾先醒, 子元都差不多出門口同啲朋友仔下一場, 去打羽毛球, 我地先起身食早餐然後出去Costco買嘢, 買吓買吓又買咗200鎊, 快啲買埋嘢食返屋企, 返到去超唔想郁, 只係乾埋啲衫之後就開始呆喺到打機, 都仲係好攰, 絕對係有啲jet let後遺症, 4點幾嗰啲時間已經好攰, 到8點幾真係要整晚餐食, 雖然只係食廚餘都要洗都要煮架, 子元先係衰, 食完就刷牙瞓, 完全冇等埋要執枱就入咗去瞓! 所以我要做埋先沖涼休息!

29/12/23

 29/12/23     FRI     COOL

今朝瞓到7點幾先醒都算係非常適應時差了, 慢慢再醒吓瞓吓8點幾起身, 本來諗住煮早餐, 但老公話出去食茶餐廳, 順手去買餸, 子元約咗人先出去玩完再返嚟食飯同sleep over, 搵著我地嚟搞, 食完先去GP攞藥, 因為我啲血壓藥得番兩星期, 原來要覆一次診先可以再攞藥, 但而家又book唔到喎, 好在藥房肯比住一盒我先, 下次再覆先再攞埋另一盒, 都算靈活! 跟住老公話去broadway買嘢, 順手問埋仲仲張電話卡, 點知佢check完話佢地有其他plan, 4個號碼無限數據都平過而家, 咁照轉啦, 反正都係咁用, 終於去買埋餸啦, 返屋企轉咗電話卡發現老公同子元嗰張號碼唔同, 仲未打得到, 但我嗰個又冇問題, 唯有去番門市問, 佢話會有機會24-48小時先用到, 但數據就會有, 真係比佢玩死! 咁返屋企就要快手摺埋啲衫, 老公就準備食物, 5點幾6個青年殺到嚟, 打機真係好嘈, 玩到差不多8點食飯, 食完飯就打牌, 唔打的就自己吹吓水笑吓咁, 炮哥10:45嚟接letty同幾個女仔去佢嗰到sleep over, 兩個男仔就喺我地到瞓, 有張梳化床佢地瞓吓啦, 等佢地沖完涼先到我沖呢, 所以12點幾1點先有得休息!

27-28/12/23

 27-2812/23     WED THU     COOL RAIN

最後一日喺香港啦，冇咩趕行程，都係hea吓咋，瞓醒去樓下食個早餐，寶興味道冇咩變呀，返上酒店執埋嘢，12點前chech out寄存埋行李就去同阿媽會合，一齊過美孚食上海嘢，約埋嫲嫲同大包，食完去咗荔枝角公園比仲仲玩，嫲嫲婆婆又可以見佢地耐啲，最後送嫲嫲撘巴士時仲仲又喊，佢真係好感情豐富！返阿媽到hea吓，差不多5點幾出發去機場，四隻嘩鬼一齊嚟送機，由阿媽樓下溫家開始，一齊幫手推行李，程家就喺荔枝角站，阿媽冇一齊跟去啦，仲仲摟完又喊，不過有朋友仔陪住又好啲！最終佢地送到去青衣站，吹水影相到7點半先上車，仲仲又傷心啦！去到機場開始排隊，等寄行李等過關，終於可以食嘢已經9點，食飽去閘口坐，終於要飛啦，坐咗15 個鐘呀，腰都直！落機到攞行李已經一個鐘，換番電話卡先知四隻嘩鬼們追蹤我地架機，由起飛到降落，清楚過我地！終於等齊行李攞車上貨返到屋企，開始unpack，洗衫乾衫吸塵抹地等，3點幾坐下我終於頂唔順瞓咗，老公都一早瞓咗 ，佢8點叫醒番我地然後煮晚飯，雪櫃有咩食咩，然後都休息了！

26/12/23

 26/12/23     TUE     WARM

今日主要朝早入元朗飲茶，同老公嗰邊啲親戚，仲仲同啲唐細佬妹玩得好開心，最後去三叔公屋企影吓相，佢哋繼續我地走先，老公約咗人，我同細佬喺美孚落車，由西鐵站遊樂場開始玩起，一路落去食埋麥當勞，行吓超市買埋羅拔臣啫喱，再返酒店執吓嘢休息吓，約咗Joyce媽媽佢攞嘢嚟幫手返英國寄，然後返阿媽到食飯執行李，話咁快明天又要返去！

25/12/23

 25/12/23     MON     COOL

今日朝早約咗Barry飲茶，本來要上大帽山，但轉咗佢去旺角，約10點我地10點幾先到，佢仲過份11點有多，間酒樓又12點有活動，結果只係快食，都好嘅冇咁多嘢講啦！食完我同仲仲就返酒店，老公同子元去做多次肌肉療程，等子元返嚟就去程家開party，老5點幾開始吹水，四隻嘩鬼各冇各玩，差不多12點先走人！

24/12/23

 24/12/23     SUN     COOL

今日係迪士尼之旅，仲爺期待已久，慢手慢腳入得去都11點，見到煊我都好開心咁衝埋去摟住佢呢，傾咗幾句影埋相就去玩，本來想一嚟就去frozen ，但煊話未開，於是玩咗未來世界一個game先再去，話哂新嘢梗要睇吓，最終玩咗坐船嗰個，有急速向下衝架，都真係會驚一驚！再周圍影吓相，就出咗去食corner Cafe，求奇叫啲嘢食都成千蚊！食完嘢就去反斗奇兵同過山車，主力老公陪仲仲玩，我喺到等！最後喺公主城堡玩哂佢想玩嘅嘢就睇無人機表演，再去埋迷離莊園終於走得，返得出荔枝角都8點，去咗食譚仔，失望！完全唔係以前嘅味道！

23/12/23

 23/12/23     SAT     COLD

今朝老公一早帶子元去大埔搵聰哥鬆肌，我嘈醒咗又抖一輪先瞓得番，等佢地搞掂就番嚟喺麗寶會合押4埋衫去洗就出深水涉食嘢，去黃色金買SD card，就撘171去海怡，瞓足全程！去到都係2 點，Joyce都未返到，咁就行商場先，淨係12蚊店都行咗一個鐘，仲爺又探埋音樂鋪，再去買吓麵包珍珠奶茶等，佢地就返到，放低嘢再去街市買餸，之後都係吹吓水打吓機就開爐，打咗個豐富邊爐，10點幾先走，又瞓足全程！

22/12/23

 22/12/23     FRI     COLD

今日瞓到10點幾，先去藥房等老公睇吓啲咳冇藥食，然後就去食早餐再去Joe到接番仲爺，都係搞一輪先肯走啦，直接返荔枝角，子元自己約咗朋友返完荔天出咗旺角食嘢，但冇諗過3點約咗蘇sir踢波，最後要鬧佢先肯早啲走，3：45先過到嚟，我就中途去咗食撒利亞！跟住返去睇佢哋踢波，到5點多要走人去做節，但大包又遲到，間嘢又迫人，好在好好食！最後去埋藥房就撘uber返去！

21/12/23

 21/12/23     THU     COLD

今日又係充實的一天，朝早自然醒去接埋兩個就去同嫲嫲食早餐，然後去攞眼鏡，食煎襄三寶後老公就約咗人，我地就自己去荃新天地玩，又夾公仔又買fiuger又行donki，買到唔洗錢咁！最後同大包老闆食埋晚飯，車咗我地返嫲嫲到等joe佢哋做完冬就可以接埋仲仲sleep over，咁我同子元就可以回程休息執嘢！

20/12/23

 20/12/23     WED     COLD

今日行程唔算密而且分頭行事，老公同咗子元去做gym，我揍仲仲去食麥記早餐，食完送咗佢返酒店先，我就去萬寧惠康等等入貨，都買咗好多，非常好！返酒店pack番啲嘢入筴，又差不多出深水埗同老公會合，食咗魚蛋海南雞飯同蛇羹，好飽！然後又再分頭行事，老公約咗人食飯，子元返去陪婆婆，我同仲仲去Mega box行，但其實都冇咩睇，行咗12蚊店同反斗城，撘shuttle返上德福行個圈，就同kiki食飯，個半鐘打邊爐真係唔夠，所以打完要走就去麥記坐到9點幾先散，吹水吹得幾開心！揍咗仲爺返去沖涼我就返酒店休息！

19/12/23

 19/12/23     TUE     COOL

今朝都瞓到9點幾先起身，要去瑞士咖啡室食早餐，仲要去同老強個agent簽文件！搞掂哂就出發去尖咀，撘6號好方便，先去搞掂仲仲電腦個window，跟住行吓donki，留番星期四先買，然後約咗古sir 食飯吹水，再行去海運，撘船過海因為konter練波，練完去凰城食晚飯吹水，都好食！10點幾散場啦撘171返去，因為太夜兩個沖埋涼先返婆婆到瞓！

18/12/23

 18/12/23     MON     COOL

今日老公生日，琴晚佢過咗12點先返到，仲一齊食合味道，但唔記得攞叉，要去7-11買個燒賣攞叉！食完瞓覺瞓到鬧鐘響，快手起身約咗阿媽飲茶，老公就去搵埋嫲嫲一齊過嚟，去添好運飲，真係好食！食完去咗新浦崗夾公仔，因為book咗去按腳，玩完夾公仔就行過去九龍城，太耐冇按過舒服到我瞓著咗，按完去茶餐廳食，食完就返青衣去康傑探老師，都傾咗成個鐘，影埋相就走啦！要入大埔食生日飯，好正嘅海鮮餐，太耐冇食海鮮了！切埋蛋糕要閃，已經夜啦！好在冇人車嫲嫲佢地返去，我地6撘巴士都好快！

17/12/23

 17/12/23     SUN     COOL

今日又要較鬧, 因為約咗Barry食早餐, 不過佢地都10點幾先嚟到, 去咗君日食, 但已經冇以前咁好味, 等佢地嚟食完吹咗一輪水, 落埋樓下球場比仲仲同栢樂玩陣, 我地咪繼續講移民啲嘢, 因為佢地都計劃出年申請, 都係要比啲方向呢家人, 成日都慢吞吞咁! 哥哥就自己去睇佢啲動漫嘢, 我地就去咗行新都會同葵廣, 老公去咗買電腦, 我去咗買底衫褲, 結果老公仲買埋手提電話比仲仲, 最緊要佢夠錢買就得啦, 我地今次都幾先洗未來錢! 最後去葵廣食埋車仔麵, 搞埋啲電子嘢, 老公就揍子元去konter睇剛sir比賽同練波, 我就同仲仲返酒店先, 可以休息吓, 去吓廁所先, 跟住返阿媽到食晚餐!

16/12/23

 16/12/23      SAT     COLD

難得今日竟然轉涼，到我要著番褸！11點約咗阿媽佢哋食冬至飯，我瞓到差不多10點，因為琴晚兩點幾都瞓唔著！食到飽飽到下一場去踢波，過到跑馬地同香港仔，佢地踢兩場我就跟兩場，到香港仔時突然好大風又落雨，好在子元冇褸比我著住先！踢完撘巴士返去換吓衫就過荃灣，約咗小點圈子晚飯，真係人丁單薄，不過都吹咗兩個鐘，撘得巴士返到都11點！

15/12/23

 15/12/23     FRI     HOT

今日6點幾就醒咗，吽到7點幾就起身出發，先去接咗佢兩個就出去，攞衫去洗再去新華食早餐，而家啲早餐都好貴，咁又百幾蚊！由於我攞漏咗佢兩個passport，要返酒店攞，咁就地鐵站集合，去荃灣冇兩樣嘢做，先去剪髮再去配眼鏡，再同嫲嫲飲茶，好忙！跟住要過灣仔攞passport，順利完成安心哂！返咗新世紀買咗新波鞋，仲爺買涼鞋，子元買figured，放血般！去掃吓街撘巴士返阿媽到放低嘢就過畫室探徐老師，再同joe佢地食飯，食咗3個幾鐘，吹咗一大輪呢！10點幾先返去，夠哂皮！

13-14/12/23

 13-14/12/23     WED     COLD

今日都係仲要返工返學，今晚先飛！不過返工返學都冇咩心機，好在跟個易搞，所以hea住就過咗，準時收工快手仆返屋企，大家差不多時間返到，快手沖涼執埋嘢，4點半出發到，去到機場先要泊車搞一輪，終於去到寄行，過海關檢查行李又搞一大輪，終於搞掂可以食嘢，行吓免稅店買啲嘢，準時上機起飛，食咗個晚餐要瞓，但其實唔係好瞓到，不過都叫可以架啦，留番落機先瞓！準時落機搞埋電話卡八達通可以去酒店，再去阿媽到放低嘢，跟住去食嘢，只係食咗粥同松記，好滿足，安置好佢地喺婆婆到可以返酒店休息了！

12/12/23

 12/12/23     TUE     COLD

今日諗住跟Daisy會好悶，都預備定哂嘢做吓，點知佢冇返喎，咁先幫手執咗大房先，然後分配咗跟year7條麻煩友，諗住懷柔政策，但最終都係唔work，對呢啲人唔洗太上心，佢又唔係+，我要好好享受！對我嚟講最緊要有飯開，準時收工，對啲冇得救嘅人，唔好理咁多！放學接咗仲仲買埋隻雞做晚餐，返去又要掉垃圾， 又要打去GP問子元支氣有得攞未，仲要洗衫煮飯等老公回來車我去攞子元支氣，點知唔係ugrent嗰支，都要攞住先返香港再買！晚飯後沖完涼再執吓嘢，網上chech in 埋出埋broading pass，仲要摺埋衫先瞓得！

11/12/23

 11/12/23     MON     COLD

又要返工啦，但老實講我已經勁holiday mood，返去睇咗要跟邊個，再提一提編更同事我返埋星期三，跟住就開工！唔知係咪瞓得唔好，全日都好眼瞓咁，所以都冇咩心機開工，總之冇事冇幹收得工就算！揍咗仲仲放學仲要預備晚餐食啲嘢出發去練波，老公喺中途回合再車我地，我梗係喺車休息，返去食飯，係花膠鴨腿湯飯，好邪惡！

10/12/23

 10/12/23    SUN     RAIN

今日仲爺要比賽，又落哂雨咁，好在我有帶遮，但企咁耐都好攰！之後仲要去natural natural買飯團，返去快食完就做清潔，因為老公接番子元返嚟就要再出去買嘢，手信攞返去都要啲嘢，買完回家開始真係到我執行李，我真係咩都要有list，寫得清楚！食完飯又到子元開始執，整吓呢樣嗰樣都夜，明天又要開工！

9/12/23

 9/12/23     SAT     COLD

今日又放低佢兩個出咗去central london, 今次知道點泊點行所以都好快去到, 問咗個袋賣哂可以走人, 跟住就去幫大包買護膏品, 又要再行半個鐘, 期間食咗啲嘢, 老公搵咗間台灣甜品, 有個空氣pancake好正, 係珍珠加cream, 仲有個咖啡甘中帶甜, 超正! 買完就去china town食埋嘢要回程了, 因為只可泊4個鐘, 行返去又要行起碼一個鐘, 真係幾攰吓! 最後去埋B&M買埋啲餅乾做手信, 喺B&Q買咗花灑個架就回程了, 返嚟早啲煮咗飯早啲食完休息吓!

8/12/23

 8/12/23     FRI     COLD

終於到星期五，今個星期過得好慢咁！今朝終於唔趕，早咗醒咪早啲起身，返到去順利開工，其實啲堂好悶時我都想出去行吓，所以我唔介意佢話要去廁所同比老師趕出課室，因為我都可以休息！琴日同個學生吹完水，佢今日其實合作咗啲架啦，我都冇咁大壓力，準時收工揍仲爺，返去食嘢睇社內相親，然後準備吓執行李，仲爺直接執埋都得，跟住就要摺衫準備開飯！然後咪沖涼休息！

7/12/23

 7/12/23     THU     RAIN

今朝又係趕頭趕命，究竟點先唔洗趕，好在喺路口撞見鄰居，就交仲爺比佢我直接返工！都係啱啱好趕得切咋！今日繼續落番地獄，佢照樣冇禮貌，我照樣愛理不理，等佢比人鬧好過，我真係冇咁好氣，抂到放飯我真係要休息吓！終於到最尾嗰堂，佢3點話要去廁所，咁梗係唔返課室，我支持呀，去完同我攞埋車先再返reception等，大家一齊準時收工！返屋企都係食嘢休息煲社內相親，然後8點未夠就食完飯，早啲休息！

6/12/23

 6/12/23     WED     COLD

以為今日冇咁凍，點知出到去先知凍，條路都結哂霜，凍死我！返去就開工，今日難得的天堂，就好好hea吓啦！上堂都係坐埋一邊，可以打機就打吓，冇就搵啲嘢做吓，再諗吓冇咩行李執，準時放工啦，接完仲爺返屋企，休息吓追吓劇，社內相親真係好好睇！食完飯佢哋又睇波，但老公睇咗半場食咗藥又要瞓先！

5/12/23

 5/12/23     TUE     RAIN

今朝好鬼趕, 都唔明點解成日都咁趕, 返到去學校又係唔知跟邊個, 好在搵到人問, 又要跟嗰個好冇禮貌的Y7, 好在最尾嗰堂個老師整治吓佢, 大快人心! 其實我都唔多想理佢, 但堂堂都坐埋一邊又真係好難搞, 所以先致局住理吓佢, 好在今日佢冇周圍行已經好比面! 幾經辛苦捱到最尾啦, 老師負責佢, 我準時就走人, 但都最尾一個去接仲仲呢, 不過就可以問埋老師明天種樹嗰到要點, 著咩衫等等! 回家後睇吓老公點, 食咗兩日藥好似好咗啲, 話哂要食抗生素, 都應該有啲用! 清理完垃圾就可以休息吓, 然後幫仲爺溫吓書, 然後寫番清楚返香港要買啲咩個list, 跟住又要煮飯啦, 都未睇得哂社內相親! 

4/12/23

 4/12/23     MON     COLD+

今日都算冇咁凍, 裝備唔洗去到最勁, 揍咗仲爺返去就返工, 有啲趕, 返到去諗住先再問我跟邊個, 點知AL1一個人都冇, 諗住睇吓email, 又係咩都冇, 咁可以點呢, 咁啱reception打嚟話Noor返咗, 咁我就自把自為今日就揍佢啦, 反正都冇蝕, 咁就再通知埋另一個同事, 等佢可以安排我食飯囉! 跟佢都輕鬆的, 到11點多見老公仲未出門口去睇醫生, 已經喺咁打比佢, 以為佢趕得切, 點知最終遲咗10分鐘佢話GP就唔比佢睇, 我話不如直接去醫院睇急症, 咁佢都聽我講直接去等, 都估有排等架啦, 估唔到都真係等足3個鐘, 但起碼有藥可以攞, 仲要唔洗錢, 希望食咗藥快啲好啦! 我就順利準時食飯放學揍仲爺, 再去埋超市買啲餸, 真係好凍好攰! 休息吓仲要摺埋啲衫, 差不多時間又要煮飯, 食完洗埋碗等仲爺沖完涼時我又要再摺衫, 忙唔完咁!

3/12/23

 3/12/23     SUN     RAIN

今朝仲爺突然又有波踢，見時間地點都配合到就去啦，老公仲係好唔舒服，所以接送完都休息，煮咗粥同炒麵做午餐，做埋清楚咁，我都好攰！仲仲又話要打機要陪佢打，打到要煮晚餐，又要煮又要洗，其實我都攰啦，老公病其實都令我瞓很唔好，希望明天睇完醫生食咗藥好啲，仲有10日要出發啦！

2/12/23

 2/12/23     SAT     COOL

今日仲仲一醒咗就跑上嚟話佢生日，佢真係好期待，都要起身出去做嘢，快食個早餐，去Broadway 買蛋糕氣球等等，仲冇要買水鞋比仲仲，學校下星期要去種樹喎！搵到M&S先有！最後去買埋日本嘢做晚餐，又凍又黑老公又未係好得哂，都係喺屋企食好啲！買完返去食完少少嘢就睇電視，到三點幾就出發去打保鈴球，真係打完就返去，先食蛋糕影相，再等我摺埋衫先開餐，呢間刺身好食好多！

1/12/23

 1/12/23     FRI     VERY COLD

今日又係好凍，老公仲係好病唯冇請假，我就煲咗粥大家熱熱地食咗先返學，今日都係悶住過，放空都放唔到咁多個鐘，條友又成日周圍走，我都廢事追，反正佢最終都會返課室，有堂悶到就死，終於比我諗到做咩，就係寫吓行李清單，寫得好詳細嗰隻，應該夠捱好一排！最尾PE堂局住行圈放風咁，好在我醒目攞埋耳機行可以聽三叔！放學要去幫仲爺買學校運動褲，又見老公個GPS冇郁，好怕佢唔知醒揍仲，但電話又冇人聽，唔理咁多啦去咗買褲先算，最終得知老公係遲咗，然後電話又打唔到又冇網絡，又整唔到咩，都照出咗broadway先，食嘢買嘢完就返去！老公又好攰 ，仲未好得哂，反正都食飽就唔住晚餐，但我自己都煮咗個麵！