31/10/25

 31/10/25     FRI     RAIN

話咁快term break又完, 又要捱7個星期了! 今朝瞓醒要煮早餐等仲爺食咗可以學音樂, 條友又係到駁我嘴, 叫佢洗面刷牙佢就喺到彈結他, 激死! 片完佢好啲啦, 到我自己煮啦唔理佢咁多, 等佢學完又差不多要準備出去驗眼, 諗住要換都係20鎊, 點知都冇咩平框, 最終加埋薄鏡片等等都要60鎊! 子元因為Letty, Holly 佢地喺Ealing broadway, 最終除咗買佢啲嘢時先過番嚟! 終於買齊嘢, 仲要買到羊腩, 老公又買到牛頸脊打邊爐! 晚上落雨都唔知點去玩hallowoon, 最終老公切完牛頸脊就車我地去攞糖, 返嚟先打邊爐, 又打到10點多, 好在主力食牛, 比較簡單都唔洗洗咁多嘢!

30/10/25

 30/10/25     THU     COOL

今日只係出咗去行吓超市, 不過仲爺的拖延症真係勁咗, 叫親佢做嘢都係拖, 唔鬧都唔郁, 就連出門口都係咁! 去咗LIDL所謂日本節, 都買咗少少嘢啦, 起碼係有熱浪, 但呢個明明就喺香港出名啲! 跟住行咗iceland諗住買春卷但點知冇得賣, 可惡! 返屋企後又開始煮午餐, 又食粥又整米線比佢地食, 都OK啦, 食住就睇造星, 之後都係hea同睇電視, 又係享受埋假期, 仲爺啲功課下星期先要佢做啦, 睇吓佢係咪可以做到自律! 黃昏仲爺去練波, 咁我唯有煮哂啲飯啦, 仲有研究吓個乾衣機點解乾衫乾咁耐, 應該都係日子有功, 希望頂得住啦! 

29/10/25

 29/10/25     WED     RAIN

今朝瞓到9點先醒, 又睇吓機咁, 都10點幾先煮早餐, 所以食得嚟已經11點幾, 今日諗住去B&M, 不過要等巴士過去, 又要行一段咁加上落雨, 都幾麻煩! 但仲爺行得好開心囉, 我都買咗好多嘢, 係幾好的, 但回程時完全唔知幾時到巴士, 點知諗住行去撘另一架巴士時又有車但已經撘唔到, 唯有再等, 返到去快手整午餐, 係school lunch咁款yorkshire pudding配gravy, 仲有漢堡扒同意粉, 食完開始hea, 睇番兩集造星先, 跟住老公返嚟就一齊睇埋套舊劇大結局跟住先煮飯, 煮得嚟都9點先開飯! 所以又夜先沖涼休息!

28/10/25

 28/10/25     TUE     COOL

今日冇出過街啦, 起身食個豐富早餐就要摺番兩大機衫, 然後同阿媽傾完電話就煮午餐, 主要都係為咗食, 跟住仲爺就負責整哈囉喂裝飾, 不過都係要幫吓佢, 因為佢成日都多舊魚, 有時less is more! 然後終於整好咗啦, 都幾靚仔, 可以擺幾日咁啦! 到7點多子元都教完波返嚟就要煮飯, 食完都係繼續睇埋個舊劇, 明明睇過但都係咁吸引!

27/10/25

 27/10/25     MON     COOL

今日是term break 的星期一啦, 今朝都早就醒咗, 可能琴晚太早就瞓所以都係早醒! 9點幾就已經煮早餐食, 食完先做咗清潔先, 仲爺就做咗sparx先, 跟住一齊出咗去Lidl買今日啲餸, 同埋買啲喺呢到先會買的! 行返嚟後就煮午餐, 佢地話要食意粉, 但我想食粥, 各有各食, 然後都係hea吓摺埋啲衫咁, 到咁上吓就預備晚餐, 老公返嚟食完嘢就出去買餸, 都有啲塞車啦, 可能肚餓買多咗嘢, 細佬又一齊去買埋萬聖節嘢, 返嚟煮埋個飯, 睇吓電視就沖涼休息啦!

26/10/25

 26/10/25     SUN     RAIN

今朝都醒咗幾次, 真係好慘, 子元明明個電話6點係到響佢又話冇, 好在老公都聽到唔係陣間又我錯! 最終瞓到9點幾都醒啦, 琴晚我諗我早極都4點幾先瞓著! 所以今日其實都攰! 12點前要check out, 所以我地都出咗去食少少嘢做早餐, 佢地選咗食subway, 咁都OK啦, 食完先過去搵May佢地, 本來諗住去Cardiff飲茶, 但因為周圍都塞車, May又要送蛋糕比人, 所以喺番附近一齊食啲嘢就算啦, 冇辦法佢又忙, 希望下次到佢過嚟可以有時間吹多啲水! 3點多我地已經回程, 因為5點唔夠就天黑架啦, 所以都要早啲, 最終停埋services, 6點先返得到嚟, 食埋飯沖完涼, 未夠10點其實已經眼瞓啦!

25/10/25

 25/10/25     SAT     COLD

今日係過Bristol約咗May的日子，最終M4封路我地又遲出門口，塞到差不多2點先到，又要分頭行事買嘢， May又要整蛋糕，老公又要燒斧頭扒，差不多4點先去返佢地屋企，仲爺同阿B去咗打籃球，但條友跌咗落地變泥鴨，比佢激死！燒完嘢食老公又整咗生菜魚肉，成功咗！然後打邊爐打牌，咁就玩到2點多先走，已經賺咗轉冬令嗰一個鐘，不過返去仲要沖涼，都實在係太夜！

24/10/25

 24/10/25     FRI     COLD

今日凍咗好多呀, 不過仲爺佢地都好似唔係好覺凍咁, 勁! 如常咁返工啦, 雖然明知今日要跟嗰條麻煩友, 不過捱埋今日有term break啦, 大家都頂硬上咁啦, 不過飯筒冇返唔洗上佢嗰堂都好, 雖然反而要我去教嗰兩個學生, 但總好過見住飯桶! 另外我帶咗hallowin 堂返去派吓, 大家都開心呢! 終於收得工啦, 快閃! 先去睇吓有冇羊腩買, 係冇的, 咁就再去埋攞藥先返屋企啦, 然後都係食, 食完就hea, 終於找到套舊劇睇, 正! 咁就一路睇啦, 反正今晚又唔洗煮飯, 到10點幾要執行李啦, 明天過阿may到, 又玩兩日一夜!

23/10/25

 23/10/25     THU     RAIN

今朝唔算太大雨, 又可以試埋新個尾翼, 真係冇泥飛上嚟, 可以再up grade! 今日係hea日, 可以打吓機, 不過都係要做功課等等, 都幾攰! 等個學生點半閃人先可以放飯, 最尾嗰堂上history, 其實冇咩好做, 唯有坐吓聽吓書咁啦, 夠鐘就閃人啦, 返到去快啲搞掂又要出門口, 仲爺要去練波, 今日又唔塞車喎準時去到, 返到嚟都係摺埋啲衫準備晚餐, 今日都係老公煮, 因為整炸雞腿! 再開埋墨魚遊戲大結局嚟睇, 咁又睇到10點幾先沖涼, 到執書包先發現唔見仲爺本手冊, 又唔見嘢! 佢仲要唔見嘢到幾時呀! 真係好攰! 

22/10/25

 22/10/25     WED     WARM

今朝仲爺話要返去打羽毛球, 咁我又要早啲準備好啲嘢比佢返學, 然後我就慢慢咁自己出門口! 今日三隻小天使都係咁啦, 慢慢掌握點玩又好少少, 不過都係有啲煩, 收咗人工就要頂架啦! 捱到收工可以了, 返到去食咗嘢係咁打機, 仲爺學音樂, 然後就要parents evening, 但原來都係班主任講哂都冇咩特別, 要到11月尾嗰個先會講多啲關於學業嘢, 咁見完又可以hea, 今日老公煮飯, 我可以休息吓, 仲有好好食的豬皮, 正! 

21/10/25

 21/10/25     TUE     COOL

今日終於唔落雨, 返工時冇咁狼狽, 但又更出事的就係我琴日返嚟太濕唔記得叉電, 知道一定支持唔到回程, 所以帶埋叉電返去先, 再搵人救命! 好在有隔離房同事幫手, 佢個DT房叉電係可以! 之後就開工啦, 跟顛妹大致上都係咁上吓, 佢唔搞太多嘢, 我都唔理咁多, 一日容易又收工, 返到去倒埋垃圾, 本來要快手出門口, 但老公whatsapps話唔洗踢, 咁咪hea吓囉, 點知老公返到嚟佢睇錯咗, 好在仲爺只係除咗衫仲未淋濕, 咁就換衫行啦! 我就要煮飯啦, 咁又一日啦!

20/10/25

 20/10/25     MON     RAIN

今日落咗一日雨, 冇辦法之下我唯有真係用膠袋套住個袋, 又盡做防水措施, 但都係會濕囉, 真係好怕落雨天, 仲要落足一日, 人都冇咩mood, 好在今日基本上係炒散, 最鍾意係咁, 所以都算輕鬆, 放工早啲去上好裝備先走得, 因為又落大雨啦! 返到嚟又要處理一輪, 要整啲嘢食休息吓! 細佬去踢波, 我就摺埋啲衫再準備煮飯! 晚上冇停過咁放煙花, 但成日都係得聲冇影, 不過響足幾個鐘實在太誇張!

19/10/25

 19/10/25     SUN     RAIN

今朝起身食完早餐都10點幾11點, 子元出咗去帶比賽, 我地就要去買餸, 咁換好床單就叫仲爺幫手洗啦, 都係放去乾衣機, 再放啲被入去再洗, 點知我地買完餸返嚟就見到佢應該拖完地嚟, 總之就係冇跟程序去做, 放咗床單入乾衣機又冇開, 到啲被洗完又冇用吓個腦, 濕到仲漏緊水都攞出嚟, 真係比佢激死! 結果又要幫佢執手尾, 佢真係令人好燥! 因為佢要去踢波就出咗去, 我咪繼續係到執手尾囉, 午餐雪櫃有餸就整個麵配, 然後hea吓啦, 到6點幾7點仲爺話肚餓先煮飯!

18/10/25

 18/10/25     SAT     COOL

今日主要活動是仲爺去生日會, 本身就咁去生日會咪好囉, 又要之後去比賽, 結果係去唔到, 因為根本冇咁快完生日會, 所以我自己行完窮人四寶就去食埋麥記先行返去開生日會嗰到, 但其實原來係未走得, 唯有同其他媽媽吹吓水, 不過四個各有口音的真係難少少傾得好順! 最後仲要自己撘巴士返嚟, 因為老公同子元去咗Reading踢波, 所以返到嚟hea到咁上吓, 反正又未有嘢食, 就做咗清潔先啱, 做完佢地就返到, 仲買咗牛肉意粉, 咁就可以當埋晚餐食, 老公再煎埋雞翼就算!

17/10/25

 17/10/25     FRI     COOL

又到星期五啦, 今日跟三隻小天使, 但佢地近來都唔係好夾, 其實佢地學習進度都唔同, 我都覺得喺時候要分開, 唔好迫佢地一齊! 因為重點係搞著我, 叻妹成日都投訴呢樣嗰樣, 其實佢都要學吓睇人面色同真實世界係點! 所以今日都係過得慢慢地, 不過星期五都好啲, 可以放假啦, 捱埋下星期就term break! 返到嚟基本上都係hea, 係要幫手老公整埋個水喉咁啦, 今日佢買咗natural natural, 食飽咗所以晚飯又係各自食啲嘢配炒豬肉! 

16/10/25

 16/10/25     THU     COOL

今日派個輕鬆比我, 真係好, 有時係要發吓圍, 先可以有啲好嘢! 所以基本上今日係過得舒服架, 準時食飯準時收工, 返到去食啲嘢又要快手同細佬去踢波, 今日班車好多人, 迫鬼死! 返到去摺埋衫準備晚飯, 不過真係唔係好願郁, 但都要煮架, 老公返嚟幫手煮吓就食飯, 重點係晚飯有節目睇, 試當真有得睇墨魚遊戲, 超好睇吓但原來仲未完, 又要再等update! 

15/10/25

 15/10/25     WED     COLD

今日真係凍啦, 所以都係著番保暖衣穩陣啲! 今日都知道唔係易做, 頭兩堂本身都OK, 第一堂直情要做埋教嗰份, 因為係代課, 個學生唔可以留喺課室, 咪要帶佢去大房, 我覺得自己其實都教得唔錯, 都係睇埋咁多教法再去發揮啦! 之後都OK, 點知到小息時佢周圍走就梗架啦, 但係佢走到去new building嗰邊, 發作啦, 同我講咗句種族歧視的字眼, 老實我本身係對呢啲冇咩所謂, 但我同事又聽到你又咁串, 我仲唔煲大佢, 下一堂咁啱又係嗰個已經放棄的science老師, 咁我就有時間打email同阿姐報告, 不過佢都未有時間睇到, 所以放飯時見到佢就同佢講咗, 佢叫咗條友去講吓, 喜出望外阿姐竟然話最尾嗰堂唔洗我跟, 所以我留咗喺大房, 休息咗最尾嗰堂, 我諗佢地一來緊張啲種族歧視嘢, 二來係想踢呢條友走, 所以佢多啲料就可以早啲趕佢走掛! 最終我順利準時放學返到嚟都係食吓嘢, 睇吓電視, 晚飯有啲晏先煮, 因為摺完衫之後已經唔想郁啦!

14/10/25

 14/10/25     TUE     COLD

今日感覺上凍咗好多呀, 不過還可以支持到! 照樣今日都係閒閒地, 不過過幾日又係要還, 是但啦都係咁做! 不過最難係頂到點幾之後先有飯開, 因為我真係好餓! 最尾嗰堂基本上係冇人跟, 咁就喺大房"扮"工啦, 夠鐘就走人, 先要去幫仲爺攞con, 跟住返去倒垃圾, 然後又要趕住揍仲仲去踢波, 好在今日都唔算難等到車! 返到嚟就要睇吓煮咩晚餐, 話哂今日係結婚週年嘛, 冇牛扒冇出去食, 最終整咗梅菜扣肉, 完全冇關係, 不過就叫咗外賣甜品, 所以食到好飽呢, 咁就咗19年啦!

13/10/25

 13/10/25     MON     COOL

今日都係輕鬆的日子, 四堂有兩堂老師都冇返, 咁我就有兩堂可以打吓機, 因為跟year 12嘛, 另外嗰兩堂咪做堂課囉, 不過太hea有時都幾悶吓! 個學生提早放飯, 撞見3隻小天使, 有多個LSA跟住, 重點佢係Asia樣, 我肯定佢唔係BBC架啦, 不過等到放學先有機會問佢講廣東話定普通話, 由於趕時間, 所以都冇講啲咩, 來日方長, 有人講中文已經好好! 回程前去咗轉Waltrose, 買tiramisu 明天慶祝結婚周年嘛, 話咁快19年啦, 不過老公放工又去咗買, 咁今晚又食明晚又食啦! 

12/10/25

 25/10/25     SUN     WARM

今日又係得我一個冇出過街啦, hea到夠先起身, 肚餓啦要煮早餐食, 自己想食咩就煮, 然後都係睇吓電視, 不過係睇膠劇, 但當然係選過好睇先睇啦, 等仲爺踢完比賽返嚟沖完煮咗嘢食打埋比婆婆, 然後就要跟吓仲爺功課, 難得今日有心有力有時間, 比起香港時真係簡單好多架啦! 跟住就係咁睇電視同食吓嘢囉, 晚飯食咖哩豬扒, 另外整咗菜, 食完食埋雪條就沖涼休息啦!

11/10/25

 11/10/25     SAT     WARM

今日都係一般星期六做嘢, 起身食早餐, 然後食完就出去買餸, 返到嚟hea吓先, 想等佢地出咗去踢波先做清潔, 另外就係食埋午餐啦, 等佢地出咗去就做清潔啦, 然後都係繼續睇電視, 放假應該係咁, 再摺埋兩機衫, 等老公返嚟就煮晚餐, 食炸脾飯, 正! 最後食埋甜品, 不過今日我真係有啲飽, 下午外賣嗰時太多啦!

10/10/25

 10/10/25     FRI     WARM

終於又捱到星期五啦, 但仲要捱到兩個星期, 呢個term真係好攰, 8星期實在係太長啦! 今日又係跟煩友, 我都係盡量唔理佢就算, 然後做吓樣扮工咁啦, 但最難頂係飯桶嗰堂, 條友刷存在成日要點點點保護學生, 老實佢地成日亂咁吹水架啦, 邊理得咁多, 同FD梗係咁架啦, 關你叉事咩, 書又唔見你教過, 咁多年上佢堂我真係冇見過佢書囉, 佢呢啲就真"扮"工啦! 唔理咁多啦放飯睇吓節目好過, 午飯又要行餐死, 條友坐吓得咩! 頂埋堂science就閃人, 返嚟老公整咗個常餐, 炸醬意粉配腸蛋, 正! 跟住開咗套電影睇, DO姐啱啱今日介紹, 又真係幾好睇喎! 晚飯食牛腩米, 正!

9/10/25

 9/10/25     THU     COOL

今日終於又可以平靜吓, 返到去好好開工, 除咗有時要做堂課外其實都幾好, 仲可以係咁打吓機咁, 只係遲食飯囉, 食完都差不多2:15, 本身要去跟嗰個唔係好想有人跟的學生, 但我見到個老師就係好想入去, 馬上飄走, 去跟3隻小天使算, 因為我見佢地都係art堂, 又可以早閃, 有著數! 返到去又要快手食嘢再揍仲去踢波, 今次追兩個站真係追到, 勁快去到囉, 今日啲交通真奇怪! 返到嚟摺埋衫, 寫埋個email比阿姐, 跟住就要煮飯, 今晚係雞配菜, 一啲配西芹一啲配娃娃菜! 

8/10/25

 8/10/25     WED     WARM

今個星期過得咁慢, 今日先星期三, 本來跟三隻小天使就係好有風險, 走咗去呀, 失控呀等等, 今日就發生咗失控, 我只係去咗掉垃圾, 幾秒咋喎, 又話呢個攞咗嗰個支筆, 有時都唔知邊個打邊個係講真話定假話, 總之低B妹就失控咁要攞番支highlighter, 另外兩個又話冇攞到佢, 但我真係睇唔到佢地有冇收埋到, 個老師又廢, 淨係識得叫我帶哂佢地出去, 總之唔好阻住佢, 其實講到尾我覺得叻妹係有少少佢講哂, 因為佢地都係大話精, 肥妹又係鍾意講啲對自己有利的說話, 搞到低B妹都冇咩得搞, 因為佢係表達唔到自己架嘛! 佢阿媽都講得啱, 學校係應該安排一對一比佢個囡, 我都同意! 放學返到嚟可以食嘢休息啦, 今晚整肉骨茶係簡單啲, 食完睇哂膠戰先沖涼!

7/10/25

 7/10/25     TUE     WARM

今日雖然係跟Ellie, 但一齊都算正常, 算係咁架啦, 冇咩大事發生, 所以時間都過得好快, 吹吓水咁又放得工, 返到嚟要倒垃圾, 然後快手食嘢, 再揍仲爺去踢波, 今日早咗啲出門口, 終於正常時間有車, 不過都有啲塞車, 都幾辛苦! 返到嚟再要摺衫煮飯, 試咗個新嘢係三色椒讓肉同蝦, 都幾好食呀!

6/10/25

 6/10/25     MON     WARM

今日難得好簽, 可以hea足全日咁滯! 因係替更多, 好事! 頭兩堂sixth form, 完全自由活動咁, 小息後開始替飯更到自己放飯, 最尾嗰堂仲要做埋日文翻譯, 不過就可以準時收工, 買埋蝦先返去, 今晚做節嘛中秋呀! 不過返到去都係要食咗嘢先, 都係睇吓電視咁, 佢地出咗去練波, 我就7點多點都要開始煮飯啦, 因為唔係煮平時啲嘢有啲亂, 但真係好食呀個蒸雞! 總之樣樣佢地都好食啦! 洗埋碗都9點幾, 跟住先沖涼休息!

5/10/25

 5/10/25     SUN     COOL

今日主要係去winnie屋企開中秋party, 但仲爺中午要比賽, 所以我地差不多4點先去到, 子元就自己搞掂, 已經整咗羊腩煲比佢自己食! 中午就得番我喺屋企, 因為子元都去咗帶比賽! 去到Winnie家食咗個麥記先, 太餓! 跟住都係食同吹水啦, 咁樣就玩到10點先走, 4個細路玩到顛咗咁, 我地打打吓邊爐突然跳電, 應該係個插頭頂唔到兩個爐, 都幾嚇鬼! 食埋甜品係飽到頂唔住啦! 話10點走都係要催要趕先走到, 所以沖得涼嚟都已經11點幾架啦, 明天冇飯帶, 比較麻煩啦又要諗食咩! 

4/10/25

 4/10/25     SAT     WIND

今日啲風大到真係打風咁! 因為真係打風嘛, 佰主力都係北邊勁啲, 呢邊主力係大風, 只係琴晚大雨到痴線咁啫! 今朝起身食完早餐, 就要先出去買餸, 買得返嚟都已經咁上吓, 老公整午餐, 我就做清潔, 又要趕仲爺快啲做埋啲功課, 真係激鬼死, 明明之前做得幾好, 但今日又咁! 佢地食完又趕住出去比賽, 我就繼續做埋清潔然後就可以休息! 踢完返嚟又買咗炸魚薯條, 跟住我地就要再出去中超買嘢, 咁啱又會撞到Barry佢地一家! 買完就要去outlet買番仲爺對鞋啦, 跟住先去costco啦, 點知原來收7:30, 老公又唔睇清潔, 星期一至五先係收9點! 咁咪唯有返屋企煮嘢食囉, 諗唔到食咩啦, 我就煮粥算, 求奇食啲啦!

3/10/25

 3/10/25     FRI     RAIN

終於又捱咗一個星期, 呢個term真係好難捱, 仲有3個星期! 今日本來話要跟三隻小天使但又轉咗, 咁其實都唔係難嘢咁我就算啦, 不過頭兩堂要跟兩個學生, 行嚟行去係好攰的! 最得人驚喺第三堂, 竟然係校長代課, 連我都緊張埋, 早知佢之後嗰堂唔喺到我就食咗飯先啦! 跟住除咗放飯時嗰條友仔係到要躲喺非法地方係煩啲囉, 放工落雨, 返到去成個背都係泥, 諗極都唔明點解彈到上嚟, 都唔知可以點處理好! 食完嘢本身應該喺屋企hea, 但又想去買埋羊腩, 不過之前要車咗子元去教波, 又要同仲爺去攞番個結他等等, 所以買得返嚟已經6點幾, 最後睇埋套已經睇過一次的劇睇到10點幾先沖涼, 仲爺仲好笑, 喺床瞓咗又唔知又唔攞番啲電腦落嚟! 比佢激死!

2/10/25

 2/10/25     THU     COOL

今日明明應該係跟Y12, 但返到去睇到又跟琴日條仆街, 真係要調節吓, 但條仆街長期做啲小動作令人討厭, 推跌你啲嘢呀, 你叫佢唔應, 跟住又小你, 總之令到我放學時都唔太好mood, 我已經唱住歌返去叫做好番啲, 但返到去...細佬竟然話佢PE堂之後換衫冇咗一隻皮鞋, 我著火著到顛大叫, 然後走咗, kill人的眼神喺條街到行, 我估我應該好得人驚, 但去到學校都冇用, 佢唔比入去搵, 然後我喊住咁一路行返去, 有個女路人見到走嚟安慰我, 但其實只係嗰吓好啲, 返到去問完係點, 子元亦幫手send咗email去學校講, 但已經好遲出門口, 去到要追巴士條友又唔一齊追, 再追多個站應得但因為佢唔跑, 追唔到! 我又發顛, 因為本身個情緒一路未處理到, 最終我一路唔出聲黑面, 返到嚟又喊咁, 都用咗好多時間, 終於落到去煮飯, 食飯時睇住膠戰叫好啲, 放鬆咗啲, 但個問題一日未解決, 我望到佢都係會無名火起! 呢個先係重點!

1/10/25

 1/10/25     WED     COOL

今日都係跟個難頂的學生, 其實佢地自己發顛我係唔多理, 但當佢地對人地做啲唔好嘢時我就好炆, 又發咗一轉脾氣! 其他時間都係可以hea就hea吓啦, 出咁多力又冇獎! 點幾先放飯真係有啲餓, 捱到放學走得, 返到去食嘢先, 跟住都係休息吓啦, 仲爺話佢今日去band lunch club, 個負責老師原來係佢之前的結他老師, 世界真係細! 不過條友仔食飯前又激我, 叫佢check功課又hea我又唔出聲咁, 咁就同樣咁對佢, 唔理佢, 到我洗完碗先同佢解釋番應該要點呢, 因為真係好火!