30/11/25+ SUN COLD
今日都好忙咁呀! 因為今晚要同仲爺食生日飯, 所以預備都要買嘢, 另外又要去埋costco, 因為仲爺要踢波, 所以諗住11點開就去到, 咁都係遲咗半個鐘啦, 因為竟然有塞車, 係太多人去black friday, 所以我地都目標為本咁快手買完要買的就走啦, 順利趕得去踢波, 我就要休息吓先, 好辛苦! 到佢地踢完, 又要出去Ealing Broadway攞蛋糕, 訂細佬的con, 仲要買埋生日波波等等, 一個鐘搞掂真係好快, 因為5點都閂鋪, 唔快唔得! 返到嚟老公負責煮嘢食, 我就摺埋啲衫等等, 然後食牛扒餐, 真係好正, 我地仲買咗新碟, 因為之前嗰啲彎好難切! 今次配菜又有薯蓉, 蕃薯條, 粟米同意粉, 好似outback咁好正! 最後梗係要切埋蛋糕啦, 今年有腳架唔洗影得咁麻煩呢!
29/11/25 SAT COOL
今日都係如常的星期六, 買餸時買餸, 係要同仲爺去郵局寄埋信比聖誕老人囉, 買完餸返嚟又趕住換衫去踢波啦, 子元就喺我地未起身佢已經出咗門口去溫書, 今日去圖書館, 明天就去holly屋企, 真係好搞笑, 咁樣一齊溫好啲咩, 即刻諗番我中七嗰年都係咁出去美孚圖書館溫書, 呢啲日子真係夠哂青春! 咁佢地出哂去就係我做清潔的好時間, 慢慢開住啲戲嚟做都做到3點幾, 煮完嘢食佢地先買嘢食返嚟食, 不過都係fish & chips啫, 所以晚飯都唔係好食得落! 今晚有得睇模範的士, 又一次睇哂兩集, 好在佢一個case兩集完咁都唔洗咁吊引!
28/11/25 FRI WARM
今日係輕鬆返工日子, 因冇學生嘛, 返去都係hea吓, 邊有咁多嘢做, 仲要午餐有supporting staff party, 實在係太多嘢食, 太多我都唔知係咩的嘢食, 全程基本上都係同香港同事吹水, 食完嘢又要去"開工"啦, 不過我都有做嘢架, 我呢啲吹水同工作係冇相抵觸的! 3:15準時收工, 返到嚟都係食嘢, 然後攤咗喺到一日咩都冇做, 我都覺得自己有啲過份, 咁我見仲爺又自己做緊group project又係到自彈自唱咁都唔阻佢啦, 見佢地而家做project喺網上齊齊做真係好得意! 打機打到10點幾先沖涼, 所以都好夜先瞓!
27/11/25 THU COLD
今日係凍但都已經唔算太凍只係有啲大風, 返到去見更表要跟嗰個學生冇返, 咁我就返大房睇吓點, 最終跟另一個視力唔好的, 中間做咗兩轉cover, 點幾先開飯, 還可以啦, 因為可以hea到咁上吓先去上堂, 仲要係我最鍾意的數學堂, 以前都冇咁鍾意架, 嚟到呢到我啲數學真係進步咗好多, 冇比較冇傷害, 咁做到夠鐘又放工啦, 明天淨係supporting staff返, 即係返去hea啦, 好事! 仲要有lunch party真係難得! 返到屋企今日可以hea, 因為唔洗仲爺去練波, 今晚家長日要埋小朋友去, 咁是但啦, 夠鐘去到學校先知佢地個家長日係咁玩, 老師喺一個點, 你就跟番所謂book咗的時間去搵番佢地見, 然後到最尾15分鐘先通知話7點sharp cut, 咁我係見唔哂架, 同埋如果係唔洗跟足嗰個時間我就喺同一個見哂啲老師先啦, 行到我地死死吓! so far仲爺除咗係多啲嘢講大致都係一個好學生! 咁老師都趕收工我地都走啦, 返嚟等老公煮晚餐, 子元返咗學校溫書, 8點幾先返嚟食飯!
25/11/25 TUE COLD
今日都仲係好凍, 但我以為都可以所以著得唔夠厚, 明天都係要著番厚啲穩陣! 今日跟顛妹都遇咗未必咁易, 都係預期咁, 佢唔聽指令, 比仆街妹小佢又係到喊, 仲要係咁周圍同人講, 但淨係講佢比人小嗰part, 然後係咁發老脾, 我都發火呀, 因為佢真係好撚煩! 呢啲咁摡反社會人格又反得嚟冇腦最難頂! 放學返屋企啦唔理咁多, 今日要倒垃圾好忙呀! 老公話仲爺今日練波取消, 因為Southall嗰邊大火, 唔可以過去, 所以難得地星期二可以好閒, 跟住就諗吓可以點煮啲雞, 因為蒸得多都悶! 記得睇過用coconut water整湯好正, 所以就去士多買! 咁今晚又可以試新嘢, 晚飯時又係睇波, 所以洗埋碗9點幾就沖涼!
21/11/25 FRI COLD
今日都仲係好凍呀, 不過可能我著嗰件衫真係好暖, 所以到中午時直情有啲熱添! 今日跟3隻嘢都唔係易過架啦, 加埋一齊上堂嗰班都係啲麻煩人, 所以都係辛苦, 我都發咗幾轉脾氣, 我都知係冇咩意思但情緒係要爆就要爆, 因為佢地有時真係好冇禮貌同埋佢覺得我地唔係正式的老師佢會睇低你, 呢下係最仆街! 詳情唔想講啦, 總之就係攰啦, 返到嚟一見仲爺個房即刻無名火起, 我知佢急住去廁所但都唔洗咩都掉哂喺個地下就算, 我都試過急但都唔會囉, 都唔知點再教佢先識! 最後食完嘢我又衰又唔郁又唔睇佢有冇書要溫, 所以我都話我懶咗好多, 睇埋下星期見咗家長係點先啦, 可能都要的起心肝唔可以坐咗喺梳化就唔郁一晚! 手痕睇吓有咩睇時見到竟然出咗模範的士3, 梗係馬上睇啦, 都知應該冇咁快有Edan但都係想快啲睇到呢!
20/11/25 THU COLD
今日好凍呀都係, 只係冇琴日咁會落雪, 仲要有太陽添! 返到去先發現我個學生冇返, 咁今日就炒散, 我都幾鐘意咁, 係輕鬆好多可以控制自己時間! 不過就成日要出出入入咁, 都有啲攰呢, 第一堂跟3隻小天使science測驗, 跟住就去咗上Y8數學, 然後小息後又上數學, 但嗰個學生個身臭有啲難頂! 然後做飯更啦, 最後到自己放飯啦, 係最尾嗰堂去咗3隻小天使到, 佢地又係到鬧交, 好煩! 不過我都可以準時放學就算啦! 返到嚟又收到新消息話BNO變番5+1啦但又話要轉B2, 唉我都唔知可以點, 祈禱佢最終都係被推番啦, 但大量網上消息已經令人覺得好煩, 唯一係食飯時唔記得咗, 因為開咗套電影睇, 又睇埋造星咁, 所以10點幾先沖涼, 又好夜先休息啦!
19/11/25 WED SNOW
知道今日好凍架啦, 所以都叫佢地要啫夠衫先出門口, 老公呢最終都係要請假, 佢一感冒就返唔到工, 咁就休息一天啦反正咁凍都唔好出去! 我呢照常咁返工啦, 不過出門口時都有雨啦, 行到去就嚟到亞階老街時, 就開始落雪啦, 加上大風真係食到應, 話係雪不如話係雨雪, 未落到地就已經變番雨! 幾經辛苦返到去啦都好狼狽, 有water proof都濕架嘛, 攞齊嘢又要開工啦, 今日enrichment day 唔洗正式上堂, 對我嚟講跟條煩友係好事, 佢地點半又放學啦, 算係賺咗架啦, 食咗個長飯再去買埋條白蘿蔔今晚打邊爐, 最尾45分鐘要所謂training, 都係去坐吓咁啦, 夠鐘就放工返去, 食咗嘢再煮定個打邊爐湯底, 打打吓發覺冇買可樂, 因為老公病嘛佢冇諗住要飲, 但冇咗可樂總係差啲, 所以打打吓都係要去買番, 食完都係8點多, 所以洗埋碗就hea 到九點幾先沖涼休息啦!
17/11/25 MON COLD
今日開始真係凍咗好多呀, 不過兩隻豬仔都好似唔怕凍咁, 勁! 返到去照常咁工, 基本上都係長期stay喺sixth form嗰邊, 今日都係舒服架啦, 所以好好享受吓啦, 點幾放飯食, 食完最尾嗰堂基本係去坐, 其實都冇咩幫到手, 我自己都好眼瞓咁! 因為星期三諗住打邊爐, 不如今日買定料先, 因為星期三最凍, 到時可能冇得買! 老公公司因為停電, 提早放工, 所以喺肉檔同我會合去買牛, 買咗3KG都係37鎊咋! 返嚟食完嘢老公先解咗隻牛, 跟住就我要解隻鴨, 基本上食完嘢摺完衫等子元煮完嘢食就要煮, 食完睇多陣電視都9點幾10點先沖涼!
14/11/25 FRI RAIN
終於到星期五啦, 真係好需要放假, 好攰! 今日都落咗好多雨, 好在返放學都唔算好大雨, 只係放break時比較大, 好在有holly借咗把遮比我, 等我唔洗咁濕, 因為我跟住嗰件完全鍾意淋雨, 唔去課室等等, 總之就係麻煩啦, 又要寫sims咁就最唔鐘意! 總之唔搞太多事我就唔理咁多, 最尾嗰堂係cover所以又可以帶佢去大房, 好在有同事幫手教佢science, 我又可以自由吓! 放學返到去, 老公買咗丸龜, 但都係麻麻地好食! 之後都係繼續睇電視, 我最鍾意就係咁, 又睇完一套, 我就搵番我最鍾意的kill me heal me睇, 仲有要搞細佬的功課, 佢個電腦我真係用唔掂, 又搞咗一輪先print到!
7/11/25 FRI RAIN
今日本身諗住返到去跟三隻小天使, 好好過個星期五, 但返到去個同事話我知swap咗跟EMH, 都是但啦有得選擇咩, 但佢今日食錯藥咁完全失控咁, 加上第一堂自修堂大姐又冇返, 明明叫咗另一個顛妹留喺大房, 佢又唔肯搞咗好耐, 總之就煩啦! 基本上今日都係煩架啦, 英文堂又比人send走, 老實我係有啲攰啫, 但我冇太過影響情緒! 我目的只係收工, 返到去冇哂人, 因為佢地出哂去, 咁我就自由吓啦, 好在臨煮麵前睇到老公話買咗嘢食比我, 不過都一路食到好飽架啦, 仲爺就去咗朋友屋企玩, 大笨驗完眼就教波, 條友原來一隻眼有300度近視啦, 但另一隻就100都冇, 都要長期戴眼鏡架啦, 成日都唔肯戴! 我就係咁睇電視, 我最大娛樂嚟架嘛, Do姐又介紹咗新劇咪睇吓囉!
