20/11/25

 20/11/25     THU     COLD

今日好凍呀都係, 只係冇琴日咁會落雪, 仲要有太陽添! 返到去先發現我個學生冇返, 咁今日就炒散, 我都幾鐘意咁, 係輕鬆好多可以控制自己時間! 不過就成日要出出入入咁, 都有啲攰呢, 第一堂跟3隻小天使science測驗, 跟住就去咗上Y8數學, 然後小息後又上數學, 但嗰個學生個身臭有啲難頂! 然後做飯更啦, 最後到自己放飯啦, 係最尾嗰堂去咗3隻小天使到, 佢地又係到鬧交, 好煩! 不過我都可以準時放學就算啦! 返到嚟又收到新消息話BNO變番5+1啦但又話要轉B2, 唉我都唔知可以點, 祈禱佢最終都係被推番啦, 但大量網上消息已經令人覺得好煩, 唯一係食飯時唔記得咗, 因為開咗套電影睇, 又睇埋造星咁, 所以10點幾先沖涼, 又好夜先休息啦!