28/2/21

 28/2/21     SUN.    WARM

今日都有啲無聊，瞓到9點幾起身，整埋早餐兩位少爺食就要開始做功課，老公去完教會攞埋蛋糕回來，等仲爺做埋功課，就行出美孚食午餐！買啲嘢返去又呆啦，老公本來揍子元去踢波，點知剛sir記錯咗日子，應該係下星期呢，咁咪唯有回程！嫲嫲過咗嚟煮晚餐，我地都話出去食，但佢又話要自己煮，咁就由得佢啦！食完食埋蛋糕佢同大包就返去啦，我地收拾吓咁，因為明天有人嚟睇樓，好事，嚟上市又邁進左一大步！

27/2/21

27/2/21.    SAT.    WARM

今日都出咗去一日，朝早為咗要食君日，10點未夠就起身，食完早餐去買咗雞蛋就回家，收拾一吓又出發，先去太子訂蛋糕比嫲嫲明天生日飯，跟住去咗食豬油渣麵，好好味！然後撘地鐵過海怡，仲仲學音樂，我同老公就飲住嘢等佢！返到美孚老公去地產鋪放樓，我就返屋企放下行裝再出去會合，過咗愉景新城行，好耐冇去玩過食錢，晚餐簡單地食咗delifrency , 都抵食呀$300咋！食完玩完就撘巴士返去啦！

26/2/21

 26/2/21     FRI.    WARM

返埋今日又放假啦，朝早嗌晒佢哋起身，子元揍仲爺去婆婆到，我就返工啦！不過今日都冇咩做，專登留番啲嘢今日做，但都唔做得好耐，終於等到放飯，快手食完就去Mega box，因為想去IKEA買嘢，買完快手趕尾班車返去。下午都係無所事事，阿sir買咗餅我地又要派吓咁囉，放工即閃，返到去就有飯食，老公煮好飯佢就出去，約咗人食飯，咁我哋就光速咁食飯洗碗抹埋地，都係六點半咋！所以成晚溜溜長又打機睇吓電視等，做埋運動就沖涼都幾優哉游哉！

25/2/21

 25/2/21     THU     WARM

今日有好好善用1日假期, 早上揍住仲仲上堂, 佢真係成日借啲二唔上喺到睇機, 係要佢開住門先好啲! 食完早餐我就摺埋幾機衫啦, 其實之後都冇咩忙, 等仲爺1點落堂, 我就早啲整咗我個人參雞做午餐先, 等佢上完就煮個麵比佢食, 子元放學回來自己食飯, 我地2點就出咗門口, 先去荔天交收功課, 好在帶咗個背包, 唔係點夠裝! 同老師都冇機會講多幾句, 一來趕時間, 二來又有家長來, 唔好阻住人! 跟住就直接入沙田, 要整過個passport呢, 因為琴日試咗19年前做嗰啲真係scan唔到, 不過都好, 的起心肝整一個用10年, 可以捱到入籍! 去到超快就做起, 最緊要有錢, 老公放工過到嚟做都唔係遲我地好多咋, 搞掂哂下星期攞得, 而家只係可以集氣快啲賣到樓, 吸引力法則要比多啲念力落去先得! 行咗轉IKEA食少少嘢就出番去樂富, 子元踢到6點差不多啦! 食埋晚餐返屋企, 仲要收拾好仲爺啲物資, 早啲捉佢地瞓覺, 明天又要一早起身!

24/2/21

 24/2/21     TUE.    WARM

今日阿姐放假，進入完全自由狀態，返去食完早餐做咗一陣嘢，就邊打機邊睇自己嘢，時間都過得快，午飯有Ivy比咗個糯米飯我，所以整多個麵就得啦，跟住上德福買麵包明天食，再行咗陣街先返去，下午都係做自己嘢，過埋啲相落hard disk，又睇吓點提早續番個passport，希望順順利利啦！放工返屋企就有飯食，但食完好攰，我喺梳化瞓到佢地抺咗地都唔知，咁我就只係洗埋碗就得，然後要教仲爺做功課，然後才沖涼休息！

23/2/21

 23/2/21.    TUE.    WARM

今日遲咗啲出門口，就趕頭趕命啦，返到去食埋早餐都係做吓嘢啦，跟住手痕研究吓用apps申請BNO啲資料，先發現我手機係舊到download唔到個apps，見嚟都要準備換每新架啦，不過有錢先買啦，可以用老公嗰部搞！午飯後都係出去行吓買定明天早餐囉，下午回來整口罩咋，轉頭就放工。老公話過樂富會合，等子元踢完波就去食晚飯，試咗間好夢幻嘅餐廳，食物都自可以啦，以呢個價嚟講可以接受！回家後好忙亂，又運動又功課又脫牙咁，仲有啲唔知講咩嘅功課要處理，煩死！

22/2/21

 22/2/21     MON.    WARM

又要返工啦，今朝返去買7-11食，然後咪開工囉，專登留番啲嘢今曰做，廢事比人話冇嘢做，尤其啲人今日搬哂返嚟，反而好似好多新同事咁！因為冇帶飯，所以自己出咗去食food court，然後去埋買旪餐等等，下午返去都係冇停手，做到放工呢！返去又要教功課，仲爺今日好勁喎，又肯自己做又做得到，算係咁！冕飯後都係清潔使運動沖涼休息，今曰真係要早啲瞓！

21/2/21

 21/2/21.    SUN.    WARM

今日都過得好無聊，老公一早帶咗仲爺去教堂，所以我瞓到完全有知覺，唔係子元手2點幾入嚟我都唔知要起身，梳洗完即刻整午餐食，因為子元要去踢波，快手整咗五香肉丁炒意粉，等佢食完可以出發！然後我就喺屋企吽，睇住電視摺埋衫，老公揍咗仲爺回來後又出去踢埋一份，咁我就同仲爺睇埋要交的功課，就放佢睇機，老公佢地差不多7點先返到，咁近近地去咗Aeon食泰國嘢，行咗陣就回家，明天又要早起，要返學啦，仲爺又話頭痛咁！

20/2/21

 20/2/21     SAT.    WARM

本來諗住今朝去食君日，點知9點醒過後又瞓番，10點幾先醒，咁實趕唔切啦，唯有放棄去咗新華食算啦，買埋飯返嚟比子元食，因為佢又要吹大號！夠鐘老公又要揍仲爺去音樂，我就喺屋企做吓嘢，局子元溫吓書咁，我話同佢溫佢又話唔洗，咁希望佢真係識啦到時！hea到老公佢地返嚟，6點幾就出咗街，子元又話釘boot唔啱，仲爺啲褲又唔啱，都要買啲比侷架啦，喺food court食埋嘢都返屋企啦，反正啲鋪頭都早收！

19/2/21

 19/2/21.    FRI.    COOL

今個星期真係過得好慢，終於到星期五，預定啲嘢今日慢慢做，但都會抲下機咁，時間都係好慢，好難先等到放飯，邊睇Mirror Go邊食飯，然後上去德福行個圈，下午回來都係等時間過等放工，點知塞車喎，6點多先返到去，兩隻細路好嘈，等男人買完餸回來，我同Yoko就落去買嘢飲，等耳仔休息吓，買完時喺百佳仲撞到Barry呢！返上去就準備開枱呢，烚住等程生佢地嚟，都8點多先到呢，所以都食到11點幾，吹水嘛，打邊爐就最好，又食得耐又可以邊食邊吹！最後切埋蛋糕影吓相咁，差不多12點先散，我地仲要清潔呢！

18/2/21

 18/2/21.    THU.    COOL

今日係放縱的一天，因為阿姐放假，我帶晒啲文件返去Scan，除咗緊急嘅，都係咁做自己嘢。午飯提早出去一齊打邊爐，試咗犇但真係唔多好服務，大家報復性消費都係咁話！朝早scan咗一朝文件，下午返去都係咁上下，因為要整幾個version，所以都要啲時間！放工返去又係亂糟糟咁，叫仲爺執好晒啲嘢，叫老公起身，就出去搵地方食飯，因為今日可以堂食呀嘛！然後喺長沙灣行吓買下野咁， 8:00左右我哋就搭巴士返屋企，老公就去返工。返到嚟做埋運動就沖涼，本來諗住早啲瞓，但朱古力掌門人幾好睇，咁就一齊睇吓啦，點知11點到Monita佢哋打嚟，叫我哋幫手print文件，因為佢哋間屋賣咗啦，經紀帶漏咗啲嘢。咁之後吹水吹左成個鐘，如果唔係仲仲要我講故事先瞓覺，應該都有排講。講到尾都係要快手啲賣樓，留喺度都唔知做咩，好多嘢都要賣咗層樓先至行拱北，咁不如快快脆脆！

17/2/21

 17/2/21     WED.    WARM

今日都係要返工啦，返到去食個簡單早餐，又要扮工啦！今日真係冇咩做，所以係咁打機，時間過得好慢好慢，好辛苦先捱到食飯，食完飯上德福買麵包，又去超級市場睇吓啦，下午返去都係打機打機同打機，真係幾無聊，係plan吓聽日阿姐放假自由時間可以做啲咩。放工搭巴士返去，因為老公一起去教會同返工，所以好快有飯食，未到七點幾就出門口啦！咁我哋週末休息呀側門洗碗準備沖涼，我就執埋明天返去Scan嘅文件！

16/2/21

 16/2/21     TUE.    WARM

今日終於要返工啦，其實都唔算有咩做，所以都係扮工中，再睇吓英國嘢咁啦！早上都係收吓利是派吓利是，午飯出咗去食自己，經過一年抗疫，我已經完全接受到自己食飯！食完行吓咁冇買嘢，返去都係等收工！成日靠FF UK生活嚟支撐住！老公約咗人BBQ，然後直接返工，咁嫲嫲就過來睇住啲細同埋煮飯洗碗，我就努力教仲爺做埋啲功課，先可以好好hea吓！

15/2/21

 15/2/21     MON     WARM

最後一日假期啦, 真係唔捨得咁快返工呀! 今朝瞓到9點幾起身, 叫佢地好起身梳洗食早餐, 然後就要做功課, 子元就溫書, 仲爺真係好怕寫字, 但嗰堆專題又冇得唔做, 已經搬字過紙架啦都好慢, 差不多3點先出到門口, 約咗老公喺尖東等, 行吓個K11 但真係冇咩好行, 經星光大道行返番海運, 真係要找地方食嘢啦, 全日淨係食咗個麵咋! 於是去咗海運食咗餐貴韓國嘢, 但一餐當兩餐就算啦, 嚟緊又要慳食啦! 食完去咗行通利, 都係仲爺要求啦, 但行行吓又要去廁所, 真係比佢玩死, 明明話去小, 但我喺女廁出來唔見佢, 原來佢開大, 嚇死我囉, 好在廁所姐姐好好比我入去幫佢清理埋! 返去再睇多陣結他, 就撘巴士返去啦, 點知去到長沙灣道大塞車, 好在司機識找路, 叫做算快走得甩, 回來得個hea字, 到咁上吓先沖涼休息!

14/2/21

 14/2/21     SUN     WARM

今日真係一啲都唔覺得係情人節囉, 完全冇情人節feel, 可能老公又返咗工, 我10點先起身又忙住整早餐做功課等等, 老公問放工後去唔去吓街, 咁梗係去啦, 屈喺屋企都唔知做咩, 所以快啲趕佢地做吓嘢, 自己又要做仲爺的常識同數學專題, 老實講根本就唔會係學生自己做, 學校又唔會教, 擺明係家長做架啦, 為咩! 差不多3點出門口, 老公話去銅鑼灣行, 咁就直接喺嗰邊等, 先找地方食啲嘢先, 但條街啲食店執得就執, 好難先找到地方快食完先行街, 先去咗times行吓, 但都真係冇咩行, 連仲爺最想睇的音樂店都冇開, 行埋citysuper就轉場, 直接行過灣仔, 真係行到天黑呢, 想找地方買嘢回家食, 煮又好咩都好啦, 本來都買唔到, 但最終喺利東街嗰頭見到有間賣烤雞, 全英文其實有時都聽唔明, 但要溝通實溝通得到, 我又唔怕羞! 撘905返到去開飯, 食完就休息吓沖涼睇電視, 放埋明天又要返工啦, 真係唔多想呢!

13/2/21

 13/2/21     SAT.    WARM

今朝老公揍子元去踢波，我就係屋企揍住仲爺先，都係整吓早餐摺埋啲衫咁啦，老公明明話踢到11點卷，點知1點先走，所以等佢地回來，沖埋涼出門口入givens到。要撘車入去都幾轉折，差不多5點幾先入到去，準備好就開始燒嘢食，真係好耐冇燒過啦！邊食邊等邊吹水，連明記都浦頭呢，真係吹得好開心，難得一聚呢！差不多10點幾先開始散，仲要call車返去先係最難！

12/2/21

 12/2/21     FRI.    WARM+

今日係大年初一，不過老公要返工，所以朝早去阿嫲阿媽度拜年都係屋企兩隻豬仔過去！本來七點幾醒咗，不過去完個廁所又瞓番，好彩有校鬧鐘，九點幾起身快快手手唔想洗頭就出門口，過到去收下利是先啦，跟住就係咁食嘢傾吓計，等阿妹同佢男友嚟埋，影埋相就過阿嫲到。過到去都係準備開飯啦，阿叔打電話過嚟，咁就大家一齊視像左一輪先，食完飯都係傾陣計影響咗，點幾鐘就回程啦，幫媽媽度攞返啲嘢就返屋企，等老公放工返嚟，去荃灣買埋嘢食過去奶奶到！又係食，今日好似係咁食嘢！睇吓電視咁吹吓水咁，八點幾就搭巴士返屋企啦，年初一就係咁樣過咗！

11/2/21

 11/2/21     THU     COOL

今日年三十晚, 返半日食埋飯就放得工啦, 但阿姐又唔講唔通知, 搞到人人估估吓, 都唔知佢點做高層! 返去食個豐富早餐, 去咗買KFC食呢, 食完就要扮開工啦, 因為其實真係冇咩嘢做啦, 所以時間都好難過呢, 到12點幾又有人話1點走得, 但最終Ivy 問阿姐, 係要2點先放得囉, 咁咪蒸埋個飯慢慢食埋先彈閘囉! 返到去就開始做清潔, 由廚房開始, 兩位少爺淨係打機囉都冇咩理我, 洗完廚房洗廁所, 做完仲要摺埋啲衫, 都唔明點解咁多嘢做! 老公返嚟都係做自己嘢, 然後入咗房瞓, 6點幾仲爺叫餓就整番哂琴日啲餸, 主力都係食餸咋! 本來諗住飯去出去行吓, 但我又已經攰, 入埋啲利是都夜啦, 仲爺又唔肯瞓, 子元又掛住打機唔肯瞓咁想點呢, 想年三十就提早開年咁話!

10/2/21

 10/2/21     WED.     COOL

煮係如常咁返工啦，返去食埋早餐吹吓水，又要開工啦，都要做吓嘢，時間都過得快，午飯後冇咩做，上德福行個圈就返去，下午做做吓嘢，醒起要上去買清潔用品，阿姐又突然閃咗，咁梗係上去慢慢攞貨啦，然後執嘢準備放工，返到去都冇叫仲爺做功課啦，掛住打機等食團年飯，多嘢食到呢，我個雪櫃爆哂，其實唔係咁鍾意！最後清潔埋就沖涼休息！

9/2/21

 9/2/21      TUE.    WIND

今日都算忙碌，朝早返去食早餐，跟住就做吓嘢，上午要放貨，又口罩又利是又I Sino，港九新界一堆人上哂嚟，做死我地，阿姐就巴閉啦，VW一句話未買花就出咗去，淨低啲嘢比我地做！午飯後出去德福買咗件t shirt比仲爺過年著！下午打吓機做吓嘢，佢地開經理會，都好有一陣自由，最慘係慢啲，佢個上司一句話日開會入唔到就叫佢去take minutes，陰公！夠鐘又放得工啦，返到去教仲爺做功課，都唔算火，不過又要等笨元踢完波回來，嫲嫲就要等開飯，於是差不多8點都係開飯先，嫲嫲就可以早啲返屋企！我今日個肚皮唔係好舒服，可能之前食滯咗！

8/2/21

 8/2/21      MON.    COOL

今日又要返工啊，朝早有啲趕所以行得好急腳都軟埋。返去食埋早餐，差不多要開始做嘢，今日要入利是又要點數，基本上都冇乜時間做手頭上嘅工作，淨係利是都入咗一朝！午飯後上德福買咗啲餸，下午返回點來點埋數已經四點有幾多，真係唔想開新嘅工作。子元去踢波，所以下午仲爺去咗Barry屋企暫托！準時放工返到嚟，唔使煮飯住，因為子元去咗踢波，等佢差不多回程先開始煮，所以沒有八點幾先至食飯啦，之後已經出咗去同人地用蘿蔔糕交換辣椒醬，咁又出咗去兩個幾鐘，我就喺屋企係咁做家務，點解我要咁辛苦啊唔好咩都係我做晒！

7/2/21

 7/2/21     SUN.    WARM

今曰天氣咁好，梗係大掃除好啦！老公返早，冇咗cube cube佢要好早出門口，都要習慣吓啦！我就䀡到9點幾啦，梳洗完整早餐，又蒸蘿蔔糕又煮麵咁，佢地就出咗去打羽毛球，因為仲仲搵到哥哥有羽毛球拍，兩個喺屋企打，我為咗間屋嘅安全，叫佢哋出走廊玩算啦。食完早餐記叫子元教仲仲做埋作文，我就開始執屋啦！一執就執左幾個鐘，表面上好似冇乜嘢，其實掉咗兩袋雜物三袋衫，都算係幾成功！可能早餐食得飽，大家都唔覺肚餓，於是等老公放工，就叫佢去長沙灣會合，我哋就順手攞埋啲蘿蔔糕俾阿媽，然後同老公一齊食埋嘢，再出咗旺角行陣街，買咗風褸比子元，在買咗外賣返屋企食。叫子元去跑步先，條友成個鐘都未返，5K洗唔洗跑咁耐！清潔後摺埋啲衫都好夜啦，返多三日半就放年假啦，加油！

6/2/21

 6/2/21.    SAT.    WARM

今朝瞓到自然醒，子元已經去補習，我地就唔識點起身出門口，搭地鐵去君日倉早餐，跟住要去阿媽到攞嘢，又要去買料整蘿蔔糕，好忙！冇車又要買嘢，都係要習慣吓！返到去收拾吓，又係時候hea吓，等仲爺去咗學音樂，我就整番熱啲嘢同子元食，然後就整蘿蔔糕啦，一整就兩個鐘走唔甩，企到腳軟，所以仲爺返嚟都係同佢做咗兩份功課，作文要太多時間，明天再做，唔係連晚飯都唔使煮啦，搞到八點幾先開飯，食得來仲要執嘢等等，加上食到好飽先至都無所謂唔到沖涼休息啦！

5/2/21

 5/2/21     FRI     COOL

終於到星期五啦, 都係咁返工啦, 食個早餐就開工做吓嘢, 時間都過得快, 食完午飯出咗去行德福囉, 又唔洗買餸, 所以就去幫子元睇吓有冇風褸買! 叫老公今日去舉咗啲嫁妝, 算係有舊錢喺到可以做資產證明囉, 而家係要諗埋嗰十幾個申請費囉, 真係頭都大! 下午做吓嘢吹吓水咁終於放工啦, 撘巴士好快返到去, 有嫲嫲煮飯, 咁我就教仲爺做多幾份功課先啦, 食完飯做多陣可以休息吓, 摺埋啲衫等等!

4/2/20

 4/2/20     THU     COOL

又係如常返工的一天, 返去食吓早餐吹吓水, 跟住就開吓工啦, 總之阿姐喺到咪做嘢囉, 佢唔喺到咪做吓自己嘢囉, 午飯後上德福幫子元睇吓有冇風褸, 但原來都冇啱, 所以放棄咗冇買, 下午返去都係冇咩心機做嘢, 所以放慢嚟做! 放工撘42C返嫲嫲到食飯, 不過都係買外賣啫, 食完等啲工人員嚟整番大包個窗等等, 8點幾先返屋企, 今次要撘公共交通公具啦, 試咗撘巴士去轉西鐵, 咁都係40分鐘左右返到啫! 返到嚟又要睇電視又要捉仲爺做埋功課咁好忙, 11點幾先沖涼呢!

3/2/21

 3/2/21.    WED.    COOL

今日時間都算過得快，返去食早餐吹吓水，就已經差不多9點！全日都入job cert開門，收件咁都未停過，所以好充實！午飯後去德福買餸啦，下午返去都係做，今日都冇機會做自己嘢！放工搭巴士返屋企，老公揍咗佢哋入去林村練波，所以我可以自由時間下先跟住叫佢哋回程先至煮飯，順手做埋運動咁就唔使食完飯先做啦，因為食完飯好忙又要睇電視又要洗碗吸塵抹地。睇完太平紋身店先沖涼跟住捉咗我去瞓覺又多通知我時間啦！食飯時間老公又要上慕道班，真係好忙碌！

2/2/21

 2/2/21.    TUE.    WARM

今日先至星期二，幾時捱到星期六啊！返到去食完早餐就開工啦，邊做邊聽收音機咩都唔理啦！忙忙碌碌咁好快有一朝！食完午飯就上德福買餸買麵包，下午都係叫佢自己嘢啦，真係日日都差不多咁係咪叫做好悶呀！放工返到嚟都未停過手咁教功課真係好攰，好在老公自動自覺煮飯，咁等佢煮你就有得食，然後幫佢清潔，再趕佢哋去做埋啲嘢，壁紙願意提早做好啲功課，唔好等到要交嗰一刻先至來做。跟住我就同中耶穌影運動沖涼睇電視真係要休息吓啦，老公九點幾就出門口返工啦，而家冇車渣都要靠自己㗎啦！

1/2/21

1/2/21     MON.    WARM

又到星期一要返工啦，都係天未光就起身買埋早餐麵包返去食，月頭忙啲都好嘅時間過得快啲，不過都係為返工而返工咁真係好冇目標。因為冇帶返嚟所以一點幾就要早啲上德福food court食，食完去買埋餸因為老公話佢唔得閒買，返到公司咪繼續做嘢囉專登唔做咁快拖慢來做，等人地覺得我哋好得閒，其實只係做得快咋嘛，咁都唔得。放工搭巴士返去，去攞埋Tina攞過嚟的食物，因為我啱啱check完冇事但係都要煮多一晚醫院先走得，所以琴晚食飯啲嘢食唔到就分配俾我哋食囉。返到去先忙做嘢做功課，竟然去咗踢波，老公就準備晚餐，仲爺做功課真係好慢，我可唔可以打佢一身啦。咁整完返嚟開飯食完，老公就帶仲仲落去踩單車，然後佢就放工，仲爺就自己返上樓，沖完涼睇電視10點幾就捉佢去瞓，如果唔係佢今晚又唔肯瞓覺喎！