4/2/20

 4/2/20     THU     COOL

又係如常返工的一天, 返去食吓早餐吹吓水, 跟住就開吓工啦, 總之阿姐喺到咪做嘢囉, 佢唔喺到咪做吓自己嘢囉, 午飯後上德福幫子元睇吓有冇風褸, 但原來都冇啱, 所以放棄咗冇買, 下午返去都係冇咩心機做嘢, 所以放慢嚟做! 放工撘42C返嫲嫲到食飯, 不過都係買外賣啫, 食完等啲工人員嚟整番大包個窗等等, 8點幾先返屋企, 今次要撘公共交通公具啦, 試咗撘巴士去轉西鐵, 咁都係40分鐘左右返到啫! 返到嚟又要睇電視又要捉仲爺做埋功課咁好忙, 11點幾先沖涼呢!