18/2/21

 18/2/21.    THU.    COOL

今日係放縱的一天，因為阿姐放假，我帶晒啲文件返去Scan，除咗緊急嘅，都係咁做自己嘢。午飯提早出去一齊打邊爐，試咗犇但真係唔多好服務，大家報復性消費都係咁話！朝早scan咗一朝文件，下午返去都係咁上下，因為要整幾個version，所以都要啲時間！放工返去又係亂糟糟咁，叫仲爺執好晒啲嘢，叫老公起身，就出去搵地方食飯，因為今日可以堂食呀嘛！然後喺長沙灣行吓買下野咁， 8:00左右我哋就搭巴士返屋企，老公就去返工。返到嚟做埋運動就沖涼，本來諗住早啲瞓，但朱古力掌門人幾好睇，咁就一齊睇吓啦，點知11點到Monita佢哋打嚟，叫我哋幫手print文件，因為佢哋間屋賣咗啦，經紀帶漏咗啲嘢。咁之後吹水吹左成個鐘，如果唔係仲仲要我講故事先瞓覺，應該都有排講。講到尾都係要快手啲賣樓，留喺度都唔知做咩，好多嘢都要賣咗層樓先至行拱北，咁不如快快脆脆！