11/2/21

 11/2/21     THU     COOL

今日年三十晚, 返半日食埋飯就放得工啦, 但阿姐又唔講唔通知, 搞到人人估估吓, 都唔知佢點做高層! 返去食個豐富早餐, 去咗買KFC食呢, 食完就要扮開工啦, 因為其實真係冇咩嘢做啦, 所以時間都好難過呢, 到12點幾又有人話1點走得, 但最終Ivy 問阿姐, 係要2點先放得囉, 咁咪蒸埋個飯慢慢食埋先彈閘囉! 返到去就開始做清潔, 由廚房開始, 兩位少爺淨係打機囉都冇咩理我, 洗完廚房洗廁所, 做完仲要摺埋啲衫, 都唔明點解咁多嘢做! 老公返嚟都係做自己嘢, 然後入咗房瞓, 6點幾仲爺叫餓就整番哂琴日啲餸, 主力都係食餸咋! 本來諗住飯去出去行吓, 但我又已經攰, 入埋啲利是都夜啦, 仲爺又唔肯瞓, 子元又掛住打機唔肯瞓咁想點呢, 想年三十就提早開年咁話!