31/5/20

31/5/20.   SUN.    HOT

子元佢地約咗今日12點又去子慧家玩， 所以瞓到10點幾梳洗好叫醒埋老公起身出去食個早餐， 接埋晴晴就送埋去子慧家，然後就可以回家同仲爺做功課溫習，做到3點可以自由了，邊睇造星邊砌puzzle，真係好消磨時間用，砌到7點去接子元都未砌好！又要諗食咩晚餐，就去咗食越南嘢啦， 咁啱程家又去咗呢頭，本來佢地食元朗冰室，但見我地喺呢間食佢地又嚟，雖然分枱坐但都傾到偈，最後去食埋松記先回家呢！

30/5/20

30/5/20.   SAT.    HOT

今日日間都係如常咁星期六活動， 老公揍子元去補習，我地去食早餐然後接番佢返去又係時候對功課做功課，仲爺出去學音樂時就同子元做番今個星期的學習進度，然後就係等今晚4個family聚會啦，佢地6點左右開始上嚟，吹吓水傾吓咁啦，老公就主力煮晚餐， 今晚全部都係肉，食到夠！只覺得全晚都好嘈，gloria帶咗紅酒上來，又飲埋支voldka係飲咗少少啫但都好正，到11點終於晴媽催佢地走啦，佢地走咗我仲要清潔埋先可以沖涼瞓覺，老公就10點多出咗門口返工！

29/5/20

29/5/20.    FRI.    HOT

倒數要返宏天，又開始唔捨得呢啲咁輕鬆的生活，買埋早餐返去食，報埋更真係開始hea，我諗都打咗個幾兩個鐘，有啲攰啦部機都要休息吓！午飯時都係睇劇食飯啦，下午人開始少啦，計番BRESL我係最後一個閃，期間都係睇吓劇打吓機，月尾係咁架啦 ，下星期就做死我！4點半準時閃，先係老公來接我，揍子元去球場， 再車我同仲仲返屋企，佢就出去啦，今晚佢約咗人食飯，所以我就攞咗公司飯返嚟當晚餐！先同仲爺做功課，7點幾都仲未見子元返就要開始搵仔！結果8幾先返到嚟，終於開得飯，洗埋碗都9點幾，做埋運動先沖涼，咁當然要趕咗仲爺去瞓先啦！

28/5/20

28/5/20.      TUE.    HOT

琴日放早咗，今日即刻覺得時間好難過，又冇咩好做喎，繼續為杯咖啡食麥記，做好基本嘢又吽啦，放飯睇劇聽收音機，聽完do姐又開始打機，真係好悶呀！放工入青衣，塞車塞到差不多半個鐘先離開到彩虹，返到食完飯又趕唔切車返去睇降魔的，仲爺係咁喺到問，真係煩到人起火，終於都係睇少咗一part啫！做埋運動沖涼休息！

27/5/20

27/5/20.  WED.    HOT

都係如常的星期三， 不過今日會攞兩個鐘CL會早啲返去，咁就可以接老公更，嫲嫲又唔洗出來！日頭都係一模一樣到一個點，日日如是到我都悶，不過可以聽住收音機過日子已經好好過！4點準時閃人返去，其實都係教功課煮飯啦， 今晚簡單啲食麵咋，不過 就好好食架，係麵豉湯呢！晚上都係好夜先瞓呢！

26/5/20

26/5/20.   TUE.    HOT

都係一個如常的星期二啦，買埋早餐返工，好好享受埋呢個幾星期就要返去受罪，諗起就唔想！今朝冇咩做就打機睇小說啦，然後放飯就開新戲睇， 之前睇咗幾集嘆息橋就冇睇，而家可以追番！下午都做咗陣嘢，跟住都係睇吓戲，tea time又出咗去食吓嘢咁，完全係放肆啦，真係要開始減肥啦，因為我真係肥咗好多！放工返去嫲嫲到食飯，又食到好飽又食雪糕咁，真係唔掂！睇埋降魔的先返屋企，老公車嘛唔洗趕巴士！

25/5/20

25/5/20.   MON.    RAIN

又要返工啦， 好好享受埋呢兩星期， 收到風6月8要返宏天啦，喺呢邊嘆慣咗自由慣咗，又要返過去困住真係唔多想！買埋早餐返去食，食完做吓嘢又做自己嘢啦，午飯後咪睇埋德魯納大結局囉，跟住又要做每個星期一的寫手冊工作，睇哂佢地兩位少爺今個星期要做啲咩都幾攰架，一寫又差不多一個鐘啦！聽住電台時間都算過得快，放工撘巴士返去時真係勁想瞓呢，不過今日不是入青衣唔可以瞓啦！返去做埋運動就開飯，然後都係做番日常清潔就沖涼睇電視！

24/5/20

24/5/20.    SUN.    HOT

今日瞓到8點幾9點就比仲爺嘈醒啦，不過梳洗好見到廁所真係好dirty所以又洗咗一大餐先叫老公起身，反正出去食早餐，咁老公又返中，不如就出去行吓，最多選擇行荃灣囉，又可以食埋嘢，行咗去如心廣場個大超市，買咗想買的麻油等等，都算係冇亂洗！回家後食啲嘢睇埋電視，4點多先開始溫書，笨元就係咁發現好多未做啦，仲爺又激到我嘔血啦，幾經辛苦終於搞掂哂啲嘢，可以休息一陣再煮飯，今晚都係好似上星期咁食牛肉烏冬，又係好好味呢！飯後清潔完沖涼休息咁啦，明天又要返工啦！

23/5/20

23/5/20     SAT     HOT

星期六嘛都係子元朝早要去補習,我地食個早餐就去接番佢, 返屋企就做埋未做的功課, 又係教到我嘔血咁啦, 真係令人好氣憤架, 做咗個幾鐘都已經飲咗幾杯水先掂! 差不多兩點過去學音樂, 順手食埋午餐, 老公帶我地去間新嘢食台灣嘢, 好好食喎不過都差不多80蚊一個人, 食完行一陣又係時候返去接仲仲, 然後過咗油塘大本營行, 笨元又要買波boot因為又唔啱著啦, 浸水架對腳有冇大得咁快呀! 跟住就周圍行睇吓, 去咗間食錢嘢玩, 都係用餘下的幣就算, 7點多去食food court最抵, 為起都唔洗200蚊喎! 食完就回程了, 老公佢地去踢波, 我就同仲爺返去沖涼休息!

22/5/20

22/5/20.   FRI.    WARM

又捱到星期五啦，又可以休息吓啦！買埋早餐就返去食啦，做好嘢咪可以做自己嘢囉，不過今日都仲有好多公事未做完，做到放飯又係時候邊食邊睇德魯納呢！下午都係做嘢呀，難得忙吓時間易過啲！放工撘巴士返青衣，又可以喺車瞓餐飽，返到去又有飯食啦，遇番時間撘巴士回家，就可以沖好涼睇電視啦！

21/5/20

21/5/20.   THU.    HOT

都係一個如常的上班日，買早餐返去食完就開工啦，其實今日都多嘢做架，所以時間過得好快呀，午飯時就睇德魯納，見仲有時間就落去買吓嘢飲開心吓！下午就勤力工作啦，做到眼都矇埋呢！放工撘42c返青衣，瞓㕦大半程車呢，返去食完飯見趕得切車，唔比佢地睇愛回家， 因為真係要回家了，返到去仲趕得切睇降魔的呢，沖好涼打吓機又係時間要睇電視！

20/5/20

20/5/20.   WED.    HOT RAIN

今日又係自由之日啦，因為又得番我一個，真係最好，若果真係可以逃走到咁就最好！買埋早餐返去食，做埋嘢就可以輕鬆吓，午飯時間都係邊食邊睇電視啦，德魯納就嚟大結局啦，新嗰套唔知好唔好睇！飯後做吓嘢又聽吓收音機咁啦，放工撘地鐵返去，老公話Joe佢地過嚟聚餐，咁就喺兩隻細好嘈的情況食晚餐，老公整咗牛扒同千層麵，還有洋蔥湯呢，好好味呀，睇埋降魔的老公先車Joe返去攞車又話去食糖水，但唔知點解我突然好肚痛但又去唔到，真係好尷尬呢，最終去到又等好耐都冇位，已經11點啦，不如都係各自外賣返去食啦！

19/5/20

19/5/20.   TUE.    HOT

早上都係如常咁返工，買早餐就返去食完做嘢，我真係好鍾意聽住收音機做嘢，其實反而仲專心囉！ 午飯前上網小童入埋簽先，又要續會喎，好在都搞得掂，用子元個名入簽實會前啲架！今日屋企冇水，所以子元佢地過咗嫲嫲到，但仲爺冇帶功課，變咗只可以做咗網上嗰啲先，三個都傻架執好哂都可以唔記得拎！下午邊做邊聽do姐，做好嘢就睇吓小說等收工！放工直接入青衣，撘42C真係好耐，足足成個鐘車程呢！返到去食得飯啦，邊食仲要邊做太平紳士，兩個多多投訴好煩！最終睇哂降魔的先撘巴士返去，快手沖好涼又睇延禧，好豐富的節目呀！

18/5/20

18/5/20.   MON.    RAIN

今日成日都落大雨，好在返放工時都唔算大雨啫！買咗早餐返去食，做咗基本嘢就可以自由啦，不過都係聽收音機咁咋，反正冇人管住就係好！午飯前睇咗德魯納啦，所以之後又要找其他嘢睇，又要寫子元仲仲的一星期功課，子元又打嚟話仲爺唔肯做，真係好煩！停課最大問題就係父母要返工， 請問點教功課呢，呢個先係停課的最大問題！放工回來最好就係咩都唔洗做就有得食，因為有好味雲吞食，所以要做番轉運動先可以！食完又唔洗洗唔洗吸塵抺地， Hea 住睇電視打機等等， 最悠的日子，找時間打暈仲爺沖埋涼咁又一日！

17/5/20

17/5/20.    SUN.    HOT**

星期日梗係瞓晏啲，但都係比老公同仲爺嘈醒，之後都瞓得唔好係咁發夢！起身後梳洗出去食早午餐， 老公返中，所以找地方行吓下午先返去閉關，咁近近地就去荃灣啦，估唔到又買到平嘢，子元升中都要買過個書包，都係買番之前個牌子，又做緊特價又有啱款，咁就買咗先啦！然後又睇到有snoopy的床單䘬被賣，咁我地嗰張都用咗十幾年，價錢啱款式啱就買埋啦！老公就車我地返去佢就返工，返去休息吓睇埋電視到3點幾就同仲爺做埋啲功課，做到6點左右就做完都算係咁！我又係時候煮晚飯，今晚整牛肉烏冬呢，兩個都好好反應呢！

16/5/20

16/5/20     SAT     HOT

今日都係平常的星期六咁啦, 子元一早補習, 我地就去食早餐, 然後去萬寧入貨, 返到屋企就清潔廚房櫃, 鞋櫃等等, 要執好耐架啦但係成日的唔起心肝, 因為執嘢就冇同仲爺睇功課, 都唔知佢冇做咩, 2點幾老公就揍仲仲去音樂, 我就煮午飯同子元食, 有咩煮咩就算, 整咗個肉丁意粉, 加多個牛油果粟米沙律, 都好正架! 之後就睇功課, 一睇又冇做呢樣冇做嗰樣, 成日都係咁, 好乞人憎! 仲爺都做漏好多, 等佢返嚟教佢做數真係火都嚟埋! 唔係約咗Joe佢地出去食飯, 仲爺實有排比人鬧! 入咗元朗食大排檔, 又去食榴槤甜品, 真係好正呢! 不過仲爺同梓行真係好嘈囉, 兩個又大聲又玩到顛, 好難搞!

15/5/20

15/5/20.   FRI.    HOT

今日係好free的星期五，冇咗二姐喺到睇住，完全可以自由安排時間，總之做齊嘢就得啦！返去買埋早餐食，做埋公事就可以閃過美羅寫樽，仲有人請食飯喎，寫完去咗食牛陣，真係飽飽嗰隻，然後仲有時間行街，因為唔洗準時返去嘛，最終買咗bread papa，返到去都係2點幾， 做吓嘢聽完do姐就睇埋德魯納，又差不多時間放工，諗住撘小巴快啲，但今日個司機唔知做咩行埋哂啲塞車路，搞到我差不多7點先返到，老公又約咗人出去食飯，我就熱番啲餸煮個烏冬食就算，但之後清潔時掛住睇電視做得好慢呢，好在之後都快快手搞掂坐定定睇劇呢！

14/5/20

14/5/20.   THU.   RAIN

今日老公返早， 阿媽過嚟揍佢地，不過都9點幾先過到嚟，好在兩個豬仔都慣咗獨留，冇咩問題！返到去做好基本嘢就做自己嘢吹吓水啦，因為大包佢地用綠表抽咗居屋，咁就要去揀樓啦，於是我上網幫佢地係咁睇資料，等佢地揀嗰時唔會亂嚟！咁就消磨了一朝，午飯時都係睇劇啦，下午啲時間都易過，差不多全自由，夠鐘又放工啦，老公話去mega box會合，因為選到樓要睇裝修啦嘛，然後食里壽司，去實惠再睇吓就回程，車咗嫲嫲佢地返去先，再返屋企， 接收埋程生幫我地訂的牛扒，老公又處理埋張㙮㙮米，終於似番張梳化床！返埋明天終於放假了！

13/5/20

13/5/20.   WED.    HOT

早上都係如常咁買早餐返工啦，然後就做咗陣嘢，再邊做事邊打機邊聽收音機，果然係multi-tasking呀！午飯後就睇番琴晚套德魯納啦，然後咪又開工囉，好在今日比人洗咗出去apm買嘢，雖則買唔到，有得行吓都好過坐足8個鐘！放工去咗撘紅van，真係幾快但等車耐啲，上咗車先發現原來炮哥喺後面，同一架車呢！去上海鋪食晚飯，同嫲嫲補慶番母親節，然後就返屋企啦，老公同子元去踢波，諗住返去沖涼休息，點知仲爺沖完涼，我入廚房發現谷番哂啲水上嚟，嗰吓我真係顛咗， 老公真係可以繼續去踢波唔理，聽完我電話叫我影相比佢睇喎， 有春用咩，我再買咗通渠佬倒咗成支都唔得， 除咗等我都唔知可以做咩，連涼都冇得沖！好明顯係佢伐日整木板時，照沖哂啲木落去啦，但佢又唔認喎，總之我就好嬲啦！

12/5/20

12/5/20     TUE     HOT

今日都係如常咁返工啦, 買咗大家樂返去食, 然後就做嘢啦, 都係嗰句聽住收音機做嘢時間特別易過, 吃飯時都係睇劇啦, 飯後邊睇邊做嘢, 到3點又轉番聽do姐, 下午做到個人好攰, 真係覺得戴咁耐口罩好辛苦! 放工撘地鐵呀, check咗地面又塞車嘛! 返到去笨元都踢完波返嚟啦, 趕佢地執好嘢又準備開飯, 然後邊睇電視邊洗碗清潔, 趕埋仲仲去瞓就可以沖涼休息了!

11/5/20

11/5/20     MON     HOT+

又到星期一啦, 都冇話想唔想返工的, 總之時間易過就得啦! 我未起身仲爺就起咗身, 真誇張, 有得瞓都唔瞓耐啲, 買埋早餐返去食, 跟住都係時候開工啦, 都做咗一朝嘢呀,不過聽住收音機做時間係易過啲喎! 午飯時梗係睇番德魯納啦, 就嚟大結局啦! 下午都係做公事, 係5點幾先開始做自己嘢, 睇咗陣小說等收工! 等得車返去又差不多開飯啦, 今日唔想做運動! 食完連碗又唔洗洗, 笨元琴日又應承咗我佢今日吸哂塵抺哂地, 我可以抖吓! 睇埋降魔的趕咗仲爺去瞓先沖涼, 呢排都瞓得唔太好, 好易就醒了!

10/5/20

10/5/20。   SUN。   HOT

今日係母親節，晚上阿媽佢地會來食飯，朝早8點幾醒吓又瞓吓咁，知道仲爺入過嚟又唔知搞咩！佢見我醒咗就即刻話有禮物，收到佢啲禮物真係好搞笑，係用萬字夾整的手鏈，還有幅畫，但係一隻跌了落地的snoopy，完全諗唔明佢想表達咩！不過都好多謝佢！起身梳洗去食早餐，然後去買餸，老公替子元買咗母親節禮物比我，係榴槤呀真係好搞笑！返去我就整好啲餸先，老公休息吓都要出門口返工，我就同佢地對功課溫習，一做就幾個鐘架啦！然後休息一陣又要開始煮飯等佢地嚟，大家都算欣賞咁都好！最係都係洗碗清潔沖涼睇電視咁啦， 明天又要返工啦！

9/5/20

9/5/20.   SAT.    HOT

又是一個如常的星期六，子元早上去補習，我地就去食早餐，然後就返屋企做功課， 老公就話要休息喎！到點幾叫大家郁身，仲爺要過海學音樂，反正老公要返工，車我地去地鐵行少啲！ 過到去食咗麥記先跟住去學嘢，我就去食咗午餐睇德魯納，夠鐘接番仲爺就撘巴士返去，佢條友仔瞓足全程，我就唔係瞓得太好，回來仲要煮飯清潔等等！沖完涼打暈埋仲爺終於可以邊摺衫邊睇電視，係笨元話要睇奇異博士，咁又可以開電腦嚟睇呢！

8/5/20

8/5/20。   FRI。   HOT

今日請假去玩， 真係好少有，因為有得去玩獨木舟嘛！7點幾已經比仲爺嘈醒， 不過都瞓到差不多9點先起身， 但老公已經出咗去做啲嘢先， 回來接我地， 執齊嘢就落樓，先去荔天交咗表先，大抽獎唔洗抽都要交表呢！然後就入西頁同Joe佢地會合，喺市中心食咗個早午餐先， 然後去停車場攞番啲行裝，就行去玩獨木舟的地方，比咗錢攞好工具，pack好啲嘢入膠袋就可以出發。廿年冇玩原來都係有啲難，本來諗住去橋咀島，但實在體力不繼，我同笨元一隻舟時都可以，在第一個島著陸後，轉咗同仲爺， 加上同另一個島的浪大好多，完全唔去水，結果老公同子元上岸後出番嚟救我，後來先知原來佢以前學過點救舟，好辛苦先上到岸，我真係需要休息同食嘢，有野外最佳糧食—罐頭腸仔，真係好懷念！食完影吓相，比佢地玩沙玩水，三隻友仔都比右整損腳！差不多4點開始要回程啦，老公有個好辦法，就係將兩隻舟連住，先撐了最深的一部份先，之後再拆開撐埋佢！咁就好順利返到去！洗好腳就行返去攞車，買埋個珍珠奶茶先返去， 沖好涼換好衫就出去同joe佢地喺悅來食泰國嘢，今日起可以8個人一枱啦嘛！真係食得好𣈱快，仲同yoko去葵廣買埋個榴槤奶先回家，真係要沖涼瞓覺啦，我手又軟腳又軟！

7/5/20

7/5/20.   THU.    HOT

返埋今日又可以放假，因為明天去玩獨木舟嘛！買早餐返去啦， 食完做陣嘢， 好快又閒啦， 唯有打吓機聽住收音機過吓日神， 等到放飯可以邊吃邊睇劇，然後夠鐘又開工， 都真係有嘢做吓， 但阻住我聽do姐囉！捱到放工返去啦，先做運動然後食飯， 期間落去交收， 琴日快手㩒咗個switch game紙皮嗰隻渣車game回來， 真係好正囉免費喎！食完飯都係打咗陣機， 吸塵後清潔埋就睇降魔的2.0，然後就沖個涼再教佢地執明天去玩獨木舟啲嘢，好耐冇玩過咁激的戶外嘢， 有嘢緊張！

6/5/20

6/5/20     WED     HOT

今日又係悠閒的一天, 真係要好好享受, 有人監管住的時候咪快手快腳做好嘢囉, 有機會閒嗰時就要用盡佢! 買個豐富早餐返去食完做埋嘢就開始聽住收音機打住機咁啦, 12點多冇咩好聽就轉睇劇, 食完飯繼續睇, 咁期間都有做吓嘢的! 3點多又再聽Do姐, 捱到放工, 今日終於可以撘巴士啦, 好快返到去做埋運動先食飯, 因為又開始腰痛, 肌肉又唔夠力support個身軀! 食完飯除咗拖地就hea, 沖埋涼趕埋仲爺去瞓覺又係自由時間啦!

5/5/20

5/5/20.    TUE.    HOT

今日都係如常咁返工啦， 朝早出門口前叫醒老公，本來諗住車阿媽去睇跌打， 但佢又話冇咩， 結果都係唔洗車佢去睇。返到公司口食埋早餐開住工聽住收音機咁， 時間易過啲！放飯前已經返咗job cert， 可以今日做好哂！食住飯睇住德魯納酒店啦， 下午摩打手做好哂嘢可以放工，今日又撘唔到巴士，因為觀塘牛頭角全部塞死哂！返到去又差不多開飯， 今日真係有用腦開工，所以都好攰！

4/5/20

4/5/20     MON     HOT

又要正常返工啦! 今日最後一日享受埋自由的日子! 買埋早餐返去食, 做好朝早要做的事就開始打機睇劇的時間呢, 午飯都係睇埋花姐Error遊, 之後先開始做佢地啲功課表, 星期一真係好攰, 望住嗰堆功課其實都幾攰, 我自問算跟得足架啦, 唔係都唔知會甩漏到點! 聽完收音機又睇花姐, 真係好好笑, 有個口罩遮住先睇唔到我個笑樣咋! 放工彈閘撘地鐵, 收到風巴士有機會塞車, 撘地鐵穩陣啲! 返到去都開得飯囉, 食完好滿足咁洗埋碗做清潔啦, 沖好涼睇新劇, 9點半趕仲爺去瞓我又自由時間啦. 高小應該6月返到學, 算係放生半個我啦!

3/5/20

3/5/20     SUN     HOT

今日我點都想去吓遠啲的地方! 本來想早啲出發, 但今個星期真係冇對過佢地啲功課, 都係唔放心, 所以起身後都係做好本份先, 但其實咁樣個身心真係好攰架, 因為原來兩星期都冇對答案, 淨係叫仲爺做改正都有排搞, 最終11點幾先做好哂, 叫老公諗去邊, 我話想戶外少少遠啲嘛, 其實有諗過行山, 但一來人多二來今日真係人多, 所以都係冇! 先去咗銅鑼灣試一間黃店, 開咗唔耐係食toast 架, 但真係好食又靚仔又飽肚, 唔錯! 食完老公話去數碼港, 有大個草地放吓電, 雖則都幾曨吓但放吓電都係好, 不過放到食咗張牛肉乾囉, 真係唔抵! 行到兩點幾回程, 去華富邨買埋卷蛋, 又食咗雪糕咁就真係回程, 返去沖個涼, 真係要揾啲嘢做, 於是整咗兩隻醬嚟撈青瓜, 唔知好唔好食呢! 晚飯又牛又豬又雞, 夠哂豐富啦! 4日假期又完咗, 又要返工!

2/5/20

2/5/20     SAT     HOT

假期第3日啦, 好似冇咩做過咁, 過得好無聊! 朝早子元補習, 咁我地就食早餐, 去銀行做啲嘢買埋餸就回家了, 都係無所事事咁, 子元就畫嚟畫去都未畫好幅畫, 所以老公又要教佢畫同上色, 我就搶吓i-pad打機咁囉! 落樓交收完玩具就返上去仲爺收拾, 出門口去學音樂了, 比佢去食埋麥當勞先去學嘢, 我就去食住午餐睇住德魯納過呢個鐘, 接番仲爺本來諗住撘巴士瞓番覺, 但仲爺又係都要撘地鐵, 搞到我想瞓都冇瞓! 返到去子元又話睇電影, 咁就睇到7點多才煮晚飯, 食完睇電視沖涼休息了!

1/5/20

1/5/20     FRI     HOT

五一勞動節嘛, 放日假但冇咩勞動! 早上老公遲咗返到嚟我又早咗醒, 所以八點幾九點都瞓唔番, 起身梳洗完出去食早餐, 就準備今日最勞動的一項活動, 先搬張梳化落去垃圾站, 再開始砌張梳化代替品, 買咗張4尺床回來放喺廳, 其實都幾覺得變咗張床位的感覺, 但又真係多咗位儲物的, 不過要買埋塌塌米先叫做靚仔哂! 老公同笨元砌緊時我就同仲爺做功課, 下午都係處於做功課執嘢等狀態,我想好好睇埋兩集德魯納酒店都唔得! 晚飯出去食, 近得嚟又方便快捷就係去奧海城食food court啦, 飲埋個芝士奶蓋牛油果就回程, 沖好涼睇大結局, 雖然流流地但都睇埋啦!