1/5/20

1/5/20     FRI     HOT

五一勞動節嘛, 放日假但冇咩勞動! 早上老公遲咗返到嚟我又早咗醒, 所以八點幾九點都瞓唔番, 起身梳洗完出去食早餐, 就準備今日最勞動的一項活動, 先搬張梳化落去垃圾站, 再開始砌張梳化代替品, 買咗張4尺床回來放喺廳, 其實都幾覺得變咗張床位的感覺, 但又真係多咗位儲物的, 不過要買埋塌塌米先叫做靚仔哂! 老公同笨元砌緊時我就同仲爺做功課, 下午都係處於做功課執嘢等狀態,我想好好睇埋兩集德魯納酒店都唔得! 晚飯出去食, 近得嚟又方便快捷就係去奧海城食food court啦, 飲埋個芝士奶蓋牛油果就回程, 沖好涼睇大結局, 雖然流流地但都睇埋啦!