2/5/20

2/5/20     SAT     HOT

假期第3日啦, 好似冇咩做過咁, 過得好無聊! 朝早子元補習, 咁我地就食早餐, 去銀行做啲嘢買埋餸就回家了, 都係無所事事咁, 子元就畫嚟畫去都未畫好幅畫, 所以老公又要教佢畫同上色, 我就搶吓i-pad打機咁囉! 落樓交收完玩具就返上去仲爺收拾, 出門口去學音樂了, 比佢去食埋麥當勞先去學嘢, 我就去食住午餐睇住德魯納過呢個鐘, 接番仲爺本來諗住撘巴士瞓番覺, 但仲爺又係都要撘地鐵, 搞到我想瞓都冇瞓! 返到去子元又話睇電影, 咁就睇到7點多才煮晚飯, 食完睇電視沖涼休息了!