18/6/25

 18/6/25     WED     HOT

今日繼續係好熱, 又要跟3隻小天使, 又有PE堂, 仲要三隻小天使又嘈交, 加埋Ellie冇返, 本來跟嗰個同事就嚟咗一齊揍, 不過佢又好似冇咩跟過佢地咁, 唔係好知點做! 好在今日啲學生早放, 都好啲! 但跟住就煩啦, 我琴日明明睇咗email知我跟邊個, 咁今朝就冇再check email啦, 原來今朝又再send多次, 加咗話學生放咗學就返大房開個會先放飯, 咁都算啦, 再叫咗我入房話我又喺上堂時用電話, 頂, 咁都冇嘢做, 個個學生自己畫緊畫, 唔通走埋去幫佢畫咩, 加上我都協助完佢做哂嘢啦, 睇嚟我真係要搵啲嘢放喺個枱面做先得, 唔好收收埋埋, 要光明正大仲好! 之後係咁搵人呻, 真係好火! 終於放工時見到Letty, 佢又要呻, 考ART迫住喺個好熱的細房仲要有風扇但佢坐角落頭, 唔攝衫又比人話, 佢話我都畢咗業只係喺到考試咋! 返到屋企即係沖個身食啲嘢打吓機睇吓電視呻吓, 睇劇都係好事, 入咗戲唔洗煩!