11/8/26

 11/8/26     TUE     HOT

今朝9點半要覆診驗血, 所以8點都要起身啦, 自己食咗早餐先出門口, 兩隻豬仲瞓緊, 到我睇完返到嚟就已經10點多, 佢兩個都係未起身, 所以我就去埋超市買嘢先, 不過都多嘢, 行番嚟攞死我, 腳又痛肩膀又痛! 返去抖一抖, 又要同仲爺做數啦, 然後就到我做運動, 跟住就係食午餐, 簡單食pizza同沙律! 食完又係抖吓再做數, 今次轉咗強化佢弱項, 咁佢又做得好啲, 我就摺埋衫晾埋衫咁, 由於早食午餐我又餓啦, 所以老公返嚟佢煮麵時就叫佢煮埋我嗰份! 食完又要準備晚餐, 切好啲雞翼等老公煮, 我就可以hea啦! 食完飯睇吓電視就沖涼休息!