5/11/26

 5/11/26     THU     COLD

今日繼續要留喺大房, 繼續努力工作! 朝早返去嗰程車最辛苦, 因為真係開始凍啦! 返到去分配好人手, 整理吓文件, 咁又兩堂, 跟住就要lunch cover啦, 點知小息時同事拔錯咗我電腦個插頭, 重點係開番電腦之後上唔到網, 要馬上去搵IT嚟幫手, 我都唔理得佢搞唔搞得掂, 都要去飯更, 好在第一轉之後已搞掂, 我都要通知埋阿姐我未必趕得切KS3 lunch返嚟睇住, 通知咗佢先冇死! 咁搞掂埋第二轉就去番lunch club! 好在之後唔洗再做飯更, 否則就要捱到1:45先有飯開! 捱埋最尾嗰堂, 今日唔知點解特別眼瞓! 終於放得工返屋企做運動食埋嘢就要再準備晚飯, 因為仲爺要去踢波, 咁早食完飯我就hea啦, 睇吓電視先沖涼, 返埋明天又可以休息啦!