7/6/23 WED WARM
今日好似都冇咩寫咁，都係咁返工返學，以為要跟Aisha都會攰啲，點知佢冇返咁點都有啲自由時間，放飯又可以放耐啲，自我安排收工，接咗仲爺返去就要去藥房買住支洗頭水比佢地用住先，放假再出去買！另外就係有人送錯件，等老公返嚟先攞番比人！晚飯又8點多先食，睇得電視嚟又好夜！
6/6/23 TUE COOL
又係輕鬆開工的一日，仲好勤力咁溫UK live test，終於可以完成chapter 3，進程幾好！朝早有啲趕啦，要揍埋仲爺返學先！同樣今日都係考試，所以可以成日有自由時間，算係好快過！放學就快閃揍仲仲，返去又係食，仲話減肥喎！不過食完都有做運動，佢地去哂踢波我仲可以慢慢煲劇，夠鐘先煮飯，伐今次整鹽焗雞腿簡單好味，等老公佢哋返嚟先一齊睇造星，又11點幾先休息！
5/6/23 MON COOL
今天又要開工啦，但好似未回魂咁，好在今日個客都輕鬆，求奇地就過咗！唔洗揍仲爺返學，因為佢聽日先開學，老公揍住佢！返到去自動開工啦，第一堂個學生未返但見係PE堂就搵Letty佢地吹吓水，11點半就放飯，喺staff room有個亞洲人樣，大家好似感應到係香港人咁，咪吹吓水囉！食完飯又要返去開工啦，都算快到放學，聽住三叔公園回家，雖然唔忙但都攰，hea到咁上吓要郁要煮飯啦，食飯時間都係睇電視啦！
4/6/23 SUN HOT
最後一日term break啦，明天又要開工！今日都係瞓到自然醒，簡單整咗多士食，因為子元都要出去補習，買飯團買咖啡，去埋超市入貨就返屋企，食埋嘢就要做清潔，清潔完可以煲劇啦，繼續睇九尾狐，一睇就睇到夜晚，睇到10點幾一定要去沖涼啦，明天要返學啦！
3/6/23 SAT HOT+
今朝都算瞓到自然醒，只係有啲早，睇吓機咁又過，跟住就去煮早餐，之後老公話去b&q買料，繼續整花園！去Broadway買齊嘢返去，食午餐睇足總盃，之後仲要摺吓衫咁，差不多時間就煮飯啦，食完掛住睇九尾狐又唔洗碗，搞到好晏先沖涼！
2/6/23 FRI HOT
今朝醒咗條腰好痛，都唔知係瞓覺姿勢問題定床褥問題，希望做番吓運動會好啲！食完早餐就hea，因為子元2點先去牛津比賽，其實12點多已經出門，諗住去茶餐廳食，點知塞車，plan b去到路途上services先買嘢食，估唔到星期五services多人咁多，幾辛苦先可以買到嘢食！場波唔多好睇，又輸又踢得差！踢完去附近大Tesco行，又要買啲嘢食吓，仲去買咗其他無謂嘢，7點幾返到去先煮飯，食得嚟又10點幾先沖涼休息！
1/6/23 THU COOL
今朝唔係因為老公係要我出去教堂問清楚點入教嗰啲嘢，我都唔會出去！求奇食完早餐整好嘢就出去，問完就返都冇咩買，然後就煮午餐，老公琴日整咗牛腩，所以煮麵去配就得！之後打機同打機，老公唔舒服早返休息，我地繼續打機，夠鐘先煮飯囉！
