1/10/26

 1/10/26     THU     WARM

今日第一日返8點半, 總覺得奇奇怪怪咁, 周圍啲NPC唔同哂, 路上人的分佈又唔同哂, 適應中! 我知今日負責hub, 但一開始都未有人話我知要做咩, 我都係用番之前Anna教的去Run, 其實今日都好少人留喺hub, 我照做唔理, 係有個同事完全破壞咗今日, 本身佢話佢自身原因冇電話, 跟住佢又唔攞radio, 咁佢個學生未返, 佢就淨係喺課室等, 所以個學生返咗要佢去接都通知唔到佢, 咁啱有其他同事喺大房, 真係得一個人的話, 根本通知唔到佢, 呢個已經係一個問題! 之後就係佢成日要人地幫佢做嘢, 本身替佢飯更係1:00-1:30, 咁條女今日喺麻煩, 但你都要自己搞掂架, 最終佢都係帶咗條女喺大房, 咁都算啦, 我本身想搵Amy問佢cover搞成點, 條仆街截住我要我幫佢email咗出去通知register先, 我話我陣間會send, 佢又唔肯仲要企埋我身邊望住我個mon睇住我send 咗佢先肯放過我, 我叫佢行開啲佢都唔肯, 真係令我好不安囉! 跟住我同Amy講開時, 唔知佢係估到定真係聽到, 之後走埋嚟話我有咩做咩唔直接同佢講要同其他人講, 若果佢唔想幫我可以出聲, 仆佢個街呀, 我有講架但你唔聽仲迫我做, 咁係咪你問題呀! 佢話之後唔會搵我幫手架啦, 我心諗好呀! 但老實你做人點會咁做呀, 老奉咁仲要聲大夾惡! 然後返嚟同老公講佢又話我做咩唔爆嗰條友, 唉....講極佢都唔明, 我唔係話怕事, 而係有時做嘢唔係咁做, 佢話你就咗佢佢就食住上, 算啦...我一世都學唔識佢所講嗰啲所謂方法! 晚飯早食, 所以佢同仲爺出咗去踢波之後我就煲劇, 難得搵到舊劇煲又啱睇!