31/10/26

 31/10/26     SAT     COLD

今日都7點幾8點先喺酒店醒, 算係咁! hea到9點多起身, 跟住就要準備去食早餐, 搵咗一間有沙哆牛又有五香肉丁的cafe, 價錢合理, 亦都好好食呀! 然後要同仲爺去番買襪, 條友帶漏咗襪呢! 跟住就可以去Niki屋企啦, 約咗康傑仲爺嗰屆, 咁三家人傾吓玩吓, 去咗食午餐再返去吹水吹到4點都要走啦, 因為Liz佢地又要返上曼城, 我地返去都要兩個幾鐘, 而家5點都黑齊, 都要早啲返, 起碼天黑前上咗M1就好啲, 不過到M25時都塞咗陣, 因為前面又有撞車, 只係塞咗陣都算好彩! 最終差不多7點先返到, 搬埋啲嘢上屋仲爺又掛住要玩halloween, 不過佢係諗住要喺門口嚇人, 可惜都夜唔係太多人, 陰公豬! 叫定外賣沖定涼等開餐, 實在係諗唔到煮咩, 呢兩日都好攰! 年紀大啦咁上上落落其實都攰!