28/6/23 WED WARM+
今日本來冇咩學生返學，因為啲包頭過年，應該可以好輕鬆，但要跟Bella就被困喺大房足足3堂，加埋小息同放飯，咩都做唔到好無聊！因為Bella想返屋，佢地又話唔比，要試，其實真係幾慘！最尾嗰堂都有學生跟吓時間過得快好多！放得即走去揍仲，5點幾又要揍仲去田徑，又可以hea吓！返嚟老公煮咗飯食，所以好早開飯食睇電視！
27/6/23 TUE WARM
今朝一見到要跟Bella都有啲唔想，但都冇所謂啦都係咁開工，返到去照開工啦，佢發顛實有架啦，大致上唔太爆都可以架啦，放break放飯又可以同Letty佢地吹吓水幾好！最尾嗰堂炒散但條女唔留課室，最終去咗音樂室幫個音樂老師set場，時間都快過！走得就去接仲，返去佢哋hea陣就要去踢波，我就做家務煮飯等等！
26/6/23 MON HOT
今朝正常起身整早餐返工返學啦，跟Dasiy都唔算太難，又有得做吓實驗幾好玩，準時放飯又有得同Letty佢地吹吓水，知道事頭架車最終冇得救！放學走人揍細佬，返去等老公返嚟就出去買餸，又個幾鐘先返，煮飯食睇電視沖涼休息！
25/6/23 SUN HOT
今日都冇出過街，所以都冇咩好寫，朝早8點幾醒咗，慢慢hea吓起身食早餐，試吓個蒸籠，可以一次過蒸哂啲腸粉！跟住就係hea，隔離屋真係應仲爺要求比佢過去一齊玩水池同彈床，等到中午後我見人地set好場，就煮咗個粉佢食先過去，我仲買咗盒雪條叫佢攞埋去，我就繼續食吓嘢，摺埋啲衫仲休息吓！老公接埋子元返嚟就煮飯食，明天又要返學！
24/6/23 SAT HOT
今朝6點幾去咗次廁所就再瞓番，估唔到自己瞓到11點幾先醒，我以為只係9點幾咋，咁都要起身煮早餐，然後出去買嘢，又B&M又中超，朂最後去埋IKEA先返去，好肚餓，買咗炸魚薯條，我仲整咗烏冬！之後老公帶埋仲爺去球場，我就做清潔，好攰！佢哋7點幾返嚟就煮飯啦，食完都係睇吓電視沖涼瞓覺！
23/6/23 FRI HOT
今日仲爺去Harwell zoo出trip，又要整漢堡做pack lunch，好忙！返到學校同事話叫跟Amira，另外有兩個同事就話佢哋唔啱比啲難搞嘅我，其實比咩人我都係咁跟架啦！冇咩事咁過咗，最尾嗰堂佢比訓導捉咗去，好在我問咗我可以走啫，閃人回家，同老公煲劇，煲到7點多去咗攞free的枱燈，買埋餸返去煮飯食完睇電視！
22/6/23 THU WARM
今日難得地都唔算辛苦，大姐二姐又唔喺到，可以放軟手腳！第一堂都冇開工， 做吓跑腿就過，第二堂跟Jazzy，佢都係一灌我行我素，所以都冇佢咁好氣，你唔搞事我唔理你咁又一日！放學準時走人接仲，返屋企抖咗陣又要開工，幫子元溫Geo，其實都唔算溫哂，但救到幾多得幾多！
