14/10/24

 14/10/24     MON     RAIN

今日係結婚18週年, 咁就18年啦, 好似真係好快咁! 我啲豬頭們都咁大囉! 不過今日冇咩慶祝, 咁又返工又落雨, 都冇咩地方好去, 最終只係叫咗外賣甜品就算慶祝, 我其實都覺得夠! 講番朝早, 又落住雨咁返工, 返到去發現我個學生唔喺到, 最終佢係冇返的, 咁被安排了跟失蹤女, 佢終於都返咗嚟, 咁跟完第一堂就去第二堂個agent到等佢做第二堂, 舒服地過咗一堂啦, 放break咪返番去大房準備食嘢去廁所同夾吓跟住做cover的人, 點知飯筒突然衝入嚟話點解冇人跟住失蹤女, 頂佢呀, 就係因為佢咁, 我由11點一路跟到佢1點, 足足兩個鐘呀, 佢係咁小我惡言相向咁, 我勁唔滿意囉, 點解係我去跟, 若果一個人就可以跟哂全日, 咁之前我地就唔洗每人頂一堂啦, 我覺得佢地都係想迫到個學生去到無藥可救就可以踢佢出校, 但就搞著我啦, 捱到1點可以食飯啦, 食完都擺唔切個飯盒, 點知企咗10分鐘, 突然飯筒同訓導主任嚟捉佢走, 原因我估係佢同啱啱嚟同佢吹完水個學生講咗佢cut手, 咁個學生報串, 所以佢地就嚟捉人, 最慘係我又要跟埋去, 好在企咗一陣訓導主任就叫我走, 嚇死我! 咁聽到佢話要suspense佢兩日, 唔知真係趕佢走定只係唔比佢返兩日, 反正我呢一刻係放監, 提早閃人, 本身約咗3點去仲仲學校, 因為要見班主任, 佢要target planning, 極速去超市買埋蛋返屋企放低先去學校, 啱啱好! 去到主要講佢上堂唔專心點搞, 跟住就係去接佢放學囉, 返屋企快手食啲嘢先出門口, 仲仲要去踢波嘛! 晚飯食完就食埋甜品, 沖涼休息! 

13/10/24

 13/10/24     SUN     COLD

今日最終決定在家休息, 唔帶Barry佢地去買嘢, 一嚟佢地又收船運, 二來我又唔係咁方便, 都係留喺屋企做好家務先, 跟住又唔記得打比阿媽! 午餐懶得煮叫外賣算, 跟住同仲爺打機, 不過都唔一齊打咗好耐, 最終佢煮咗game打路易吉洋樓, 睇佢打都幾好笑, 不過成日要搵攻略, 我就見差不多時間都要煮飯, 老公就走咗去瞓晏覺喎, 可惡! 

12/10/24

 12/10/24     SAT      WARM

今日約左Barry佢地要帶佢地行超市, 但因為時間關係, 10點幾去接佢地, 去唔到太多地方, 咁就先去咗超市, 去番平時我地去開的, 陪佢地一齊買又買多咗啦, 先返去擺低啲嘢, 跟住就再去Broadway, 食咗嘢先再快手買埋今晚邊爐嘢, 我又帶佢地行埋藥房等等, 跟住都要車佢地返去, 因為老公要帶子元仲仲去練波, 而我就要收拾吓間屋, 摺埋啲衫再預備邊爐! 7點幾佢地嚟到就可以食住吹吓水, 但佢地個仔都真係幾難搞, ADHD原來真身係咁, 佢都要諗住邊啲學校先係最適合, 到10點幾我有少少下逐客令咁, 因為仲爺話真係頂唔順佢個仔好嘈又係咁搞佢啲嘢! 等佢地走咗我先可以沖涼休息呢! 

11/10/24

 11/10/24     FRI     COLD

今日仲凍, 突然冬天咁快來臨! 今日都係輕鬆的一天, 星期五就應該係咁! 基本上今日係打咗一日機, 冇法啦, 太空閒啦! 飯更都算輕鬆, 最尾一堂打埋就收工, 唔洗揍仲爺住因為佢地去咗玩美式足球, 咁返到去老公叫咗外賣比我食, 食完諗住打吓機啦, 點知突然收到msg話仲仲佢地會早返, 結果要去接咗佢先, 因為佢返嚟煮嘢食先, 老公又揍子元去試腳, 時間上夾唔到食晚餐, 又食唔到個意粉醬, 等子元踢完波買麥當勞返嚟!

10/10/24

 10/10/24     THU     COLD

今日凍咗好多, 天氣報告話10度都唔夠, 所以都係著番多一件好啲! 返到去冇咩特別, 照跟更表做, 但其實最唔願做係今日, 因為個學生係最乞人憎, 有兩堂要做cover我係勁樂意架, 可以行行企企就最好! 撞到holly又吹咗陣水, 勁唔想入番課室, 走咗去同letty佢地傾咗陣, 都係要開工, 捱到最尾嗰堂ART, 佢地嗰本身已經唔多合作, 嗰個老師就過隔離叫咗二姐過嚟, 帶走咗幾件煩友, 我就梗係唔跟埋過去, 為咗要準時收工嘛, 接埋仲仲去超市買餸先返屋企, 食嘢先緊要啲, 仲仲去咗踢波我就預備晚餐料, 仲爺想食焗豬扒飯就有得食, 開心得佢呢! 

9/10/24

 9/10/24     WED     WARM

今日照樣返工返學啦, 冇咩特別都係咁做, 但都係有啲攰, 始終跟個低的真係好攰! 放工仲遲咗因為佢阿媽又遲到, 好在仲仲而家自己行出嚟我係輕鬆啲唔洗咁趕! 今日Barry好多嘢問, 都盡量答佢但因為真係太耐啦有啲都唔係好記得! 返到嚟梗係食吓嘢休息吓啦, 仲要摺埋衫, 跟住準備材料煮飯, 老公負責煮!

8/10/24

 8/10/24     TUE     RAIN

今朝返到去, 明明係跟開個學生, 但應該又唔夠人, 所以調咗我去做year 7, 不過都冇所謂, 都係咁做, 有時有啲變化都冇咁悶, 不過就唔好好似今日個天氣咁, 時晴時雨到一個點, 好在我有water proof唔係實死! 今日基本上都真係幾攰, 又要做埋飯更! 最breaking news係今日我睇緊FB, 見到喺地區group又post missing kid, 竟然就係我地成日要跟的遊蕩生, 今次唔知會發生成點啦! 終於捱到放學快啲走人去揍仲仲, 渣到去Lidl時竟然見到今日啱啱落機的Barry一家, 咁都撞到點都要一齊行, 先去接咗仲爺再上嚟坐吓, 因為佢地要借埋個煲去用, 搞笑! 結果我返到嚟好忙咁先要倒垃圾再同佢地吹水, 最後等老公返嚟揍仲仲去踢波時先順手車佢地返去! 我先有時間整餸, 今日都真係夠哂攰, 因為我仲要去返教堂, 體力透支!