21/10/24

 21/10/24     MON     COOL

今日又要返工啦, 捱埋今個星期就得啦! 返到去好在如常係跟嗰個學生, 唔係話好易但起碼冇咩嘢煩, 第一堂佢唔喺到但我就要去佢課室, 咁又冇咩做就睇埋本小說啦, 10點去接咗佢就開工, 冇咩特別, 放工又可以準時走, 仲想點! 然後就係接仲仲返去快手食嘢就出門口去球場, 都係撘巴士過去啦, 跟住老公車我地返嚟就摺衫煮飯, 都係冇咩停過架, 所以都攰! 

20/10/24

 20/10/24     SUN     RAIN

今日子元要比賽, 老公一早出去, 但都嘈醒咗我, hea到9點幾起身煮早餐, 仲要教仲仲做埋功課, 再出去教堂, 今日都要浦吓頭, 太耐冇嚟過啦, 叫神父簽完嘢都要出現吓! 同埋叫咗Janice佢地嚟感受吓, 睇吓佢地想幫個仔由請邊間學校, 其實我地嗰時真係冇參觀過, 有書就讀啦! 完咗返屋企食完午餐就出去買餸, 返嚟之諗住將雪櫃個插座放番上去點知原來冰櫃嗰個位就係差半吋, 頂...搞完一輪得個吉! 跟住都要煮飯啦, 諗起有得睇viu2025節目巡禮, 好好睇呢!

19/10/24

 19/10/24     SAT     WARM

今朝瞓到10點先知醒, 難得呀! 約咗Barry佢地去Costco, 所以食埋早餐就出發, 先去買咗咖啡, 再去Costco, 塞吓車咁都差不多1點先到, 佢地都大開眼界, 因為地方又大啲嘢又大份, 慢慢行吓行吓咁都咗個幾鐘, 叫佢地買埋保暖衣, 最終買埋午餐就走啦, 塞滿車呀要佢地抬住啲廁紙先夠擺! 返到屋企食埋嘢佢地就去踢波, 我就留喺屋企做家務, 7點幾諗住出門口whatsapps比老公, 先知原來佢地唔知點解仲踢緊, 結果等佢地踢完我先出門口, 但原來咁夜渣嗰條路咁黑都好難渣! 去到等咗一陣先見佢地, 問咗意大利餐廳仲有得食咁就入去啦, 都係各自叫意粉再叫Pizza share! 最好笑係其中一個工作人員原來係細佬同學個爸爸, 最後平咗20鎊比我地, 所以識人好過識字, 最後去埋食甜品先返去!

18/10/24

 18/10/24     FRI     COLD

今朝都係咁返工返學啦, 頭兩堂都OK照跟番平時個學生上堂, 又PE又英文咁其實都又攰又悶, 諗住第三堂做吓cover然後就係可以食番個輕鬆飯啦, 點知個agent話跟Emily跟唔掂, 咁竟然要轉人, 點解又係我呢, 最後我又行咗差不多個鐘啦, 放完飯都要再行呀, 好在1:30可以跟番我個學生, 咁真係可以休息啦, 去圖書館坐吓咁, 上埋最尾嗰堂收得工, 星期五係老公接仲仲架嘛, 點知返到屋企咩人都唔見喎, 咁咪睇吓GPS囉, 見到老公同子元應該去緊球場方向, 咁就問子元仲仲去咗邊, 好在過咗一陣聽到有人按門鐘, 原來老公喺教堂會合咗佢之後因為時間關係叫咗佢自己行返嚟, 我都冇咩好講啦! 食咗外賣就hea, 仲仲踢6-8, 所以晚飯又外賣麥當當就算! 我開咗walking dead嚟睇, 又停唔到啦!

17/10/24

 17/10/24     THU     WARM

今日終於跟番我平時跟開個學生, 不過唔知係人手唔夠定係咩, 我嗰個係Escort+都要做cover同埋放咗佢上堂我就放飯! 簡單嚟講今日都算輕鬆吓, 都叫做唔洗咁攰! 放得學就去接仲仲, 冇咩特別啦, 先食咗嘢先, 再叫佢要換衫去踢波, 我又忙住整今晚個鴨腿湯飯, 試咗一次就知點整啦, 跟住就可以摺埋啲衫同睇電視, 等佢地踢完波返嚟就可以食飯, 好好味呀! 

16/10/24

 16/10/24     THU     WARM

今日返到去又轉咗唔係跟我個學生, 是但啦, 比咩我我都係要咁做架啦, 況且又唔係難做, 炒吓散頂吓飯更, 自己啲時間仲好安排! 雖然今日放學唔洗急住揍仲仲, 但係我都想可以盡快離開, 我個離心比啲學生仲快! 唔洗趕住揍仲因為佢去同學屋企玩, 咁我就返屋企做吓自己嘢, 都係無聊打吓機睇吓電視, 等老公返嚟食啲嘢我地就去中超快手入貨, 因為咩麵都冇哂唔係辦法, 然後去買埋外賣今晚食, 再去接仲爺, 條友完全玩到唔捨得走啦, 但都要返去啦, 夜啦嘛! 返嚟食完嘢幫佢洗多轉衫先沖涼, 因為又要著PE衫嘛! 

15/10/24

 15/10/24     TUE     WARM

今日想返去做吓樣好慘都冇機會, 因為今日我炒散, 散到我都有啲悶, 咁算啦, 唔係可以點啫! 頂吓飯更只做year 12, 根本就係hea, 係最尾嗰堂要跟個year 7, 但我都搞掂咗佢, 都叫做有啲成功感, 返去接咗仲仲就返去煮嘢食, 因為今晚遲食飯, 所以就煮咗蝦意粉, 用埋無印個意粉醬超正! 仲仲去咗踢波, 我摺衫, 睇咗套新戲, 意思恐怖所以三級, 但真係幾正, 拍得好好! 食完飯沖涼休息啦!