28/10/24

 28/10/24     MON     RAIN

term break開始，目的都係hea吓算，不過都要維持番仲爺學習態度，照舊中英數加跑步啦，佢想做好哂就可以打機，所以食完早餐就開工，跑埋返嚟食完午餐就比佢打機，都係捉埋我陪佢打switch，咁打咗一輪我都要摺衫休息吓，因為老公回來又要煮飯，而家好早天黑，又要習慣番冬眠啦！

27/10/24

 27/10/24     SUN     WARM

今日主要節目係去MK探朋友，不過朝早食完早餐，先幫吓子元考慮的成人足球隊，跟住先出發，先去食吓嘢，試咗介紹的餐，都幾好食嘅，跟住先去朋友屋企，都主要食嘢吹水打邊爐，好早開始打嘛，所以都好早食完，跟住就玩吓牌，啤牌可以千變萬化，玩到11點都要走，老公明天要返工，子元又要去做社會服務！

26/10/24

 26/10/24     SAT     WARM

星期六嘛梗係瞓到自然醒, 10點多起身換埋床單, 老公煮早餐, 食完就出Broadway買番返工對鞋先, 仲有其他嘢啦, 再買埋餸就返屋企, 簡單食餃子咋, 然後佢地又出咗去球場啦, 我就睇電視到4點幾先開始做清潔, 係咁行上行落都好攰, 做到6點幾可以休息啦, 等老公返嚟先煮晚餐, 今晚食意粉, 都好味的! 

25/10/24

 25/10/24     FRI     WARM

返埋今日就放term break啦, 本來今日都好地地, 朝早出門口仲仲又搵唔到件風褸, 應該琴日漏咗喺球場啦, 都冇法...放學先算! 要風褸係因為今日佢地有netball比賽, 要嚟我學校打呢, 都幾期待, 諗住可以去睇吓佢, 但其實都唔係好方便, 不過最終都睇咗一陣, 亦都有過去同佢打招呼! 本來今日只係要做cover, 應該輕輕鬆, 但嗰啲高級少少的又喺到大石X死蟹, 要我跟條EP行咗大半個鐘! 係好唔like, 但又可以點呢, 佢根本唔比你選擇! 放學一收得工就走人, 好在唔洗揍仲仲, 因為突然落大雨, 返到去濕哂! 食完tea就開始hea, 因為仲仲會去練波, 會買麥當勞返嚟食, 咁就好好休息吓!

24/10/24

 24/10/24     THU     WARM

今日返工諗住都有排辛苦, 點知有驚喜喎, 今日啱啱改咗跟Emily的做法, agent cover我地同事各3堂, 佢自己再頂兩堂, 我仲更加好彩, 因為第一堂開始冇幾耐佢就比個主任帶咗入房, 坐咗半個鐘有多先走, 都算係咁, 但佢走嗰時都真係走得幾快, 我試過追但當然追唔到, 好在第二堂有人接更啦, 咁我梗係去番我個學生到, 雖然佢唔算易搞, 但都仲控制到! 自我控制食飯時間, 但一日總係過得好耐, 幾辛苦先捱到放學咁, 快啲接咗仲仲返屋企食啲嘢, 又要揍佢去踢波, 今次夠近可以踩車, 去到又要等佢踢完, 由於cafe啲薯條太香, 老公又未食嘢, 咁就食咗兩個餐, 晚餐可以食少啲! 

23/10/24

 23/10/24     WED     COOL

今日都係照常返工, 返到去提吓阿姐我今日係要早走, 所以要佢安排番有人頂呀! 跟住咪照開工囉, 其實啲堂都唔難上, 只係冇得hea一定要揍住條妹啫! 夠鐘諗住交收咗就走人, 但因為啲人未到接手, 我唔走得住, 好在遇鬆咗時間啫, 唔係點有得等呀! 去到都等咗一陣接咗仲爺返屋企就hea, 忙咗兩日我唔郁架啦, 不過都有同佢對埋啲數等佢做改正! 7點幾先開始煮飯, 反正大家都有食tea唔洗咁早食飯, 食完都係洗碗沖涼咁啦!

22/10/24

 22/10/24    TUE    COLD

今日都係如常返工返學, 唔算有咩特別事, 冇特別先係好事, 係放飯冇人嚟頂搞到我上堂時個肚係到叫, 幾尷尬! 好在係我個學生今日同大姐有meeting, 咁我問佢你地meeting時我可以放飯先嘛, 咁先有得食飯咋, 最尾嗰堂行行企企咁都可以, 但跟EP嗰個同事就冇咁好彩, 又喊住返嚟, 睇埋明天個同事點先, 配合吓我星期四場戲要點演! 因為星期四到我啦, 睇吓有冇咁好彩佢唔返我唔洗跟佢啦! 放學揍咗我仲仲就返嚟倒咗垃圾先, 然後跟吓仲爺同子元啲公務, 又email又message 咁, 仲要對吓仲仲啲數, 原來好多日冇同佢對啦, 改正都有排做! 跟住煮個麵老公返嚟食咗仲仲佢去踢波, 我就準備定晚飯然後去慕道班, 但今晚勁少人囉頂! 終於完得返嚟食晚飯然後快啲洗埋碗沖涼休息啦!