30/6/24

 30/6/24     SUN    WARM

今日子元繼續約朋友玩, 原來朝早要車佢地三條友仔去打羽毛球, 好在10點幾先出門口, 咁老公慢慢仲可以, 佢出咗去我地都起身食早餐, 然後我就做清潔先, 雖然佢地打完波就會返嚟食嘢, 但都要打咗掃先, 仲要去轉超市買pizza佢地食, 嚟到佢地都係打機, 因為兩個男仔住得遠, 3點幾都要走, 咁輕輕清潔多一次我就可以做自己嘢, 反正要交council tax開咗電腦, 就同barry佢地搵吓屋, 佢太被動, send多啲先算啦! 老公今日整咗鴨湯飯, 正! 今日有兩場歐國盃, 英格蘭死好命入到!

29/6/24

 29/6/24     SAT     HOT

今朝要車子元去Holly屋企，佢哋約咗出去玩，本來諗住揍完佢就幫barry去睇樓，但open rent真係唔掂，一路都冇覆，本來又話11點可以，但去到都冇人又冇留聯絡，所以我地就走啦，去龍鳳買餸，買完去埋natural natural，咁就可以食飯團，食完hea到3點幾要郁，的起心肝清潔咗樓梯同前園，門口棵樹破壞力真係好強，啲樹沖汁連迷你花瓣會痴實，我幾經辛苦先清潔到，近日啲鞋都係唔好入屋住搞唔掂！做完都係摺衫同睇電視，到老公沖完涼煮飯先郁吓，今晚食麻婆豆腐，正！睇完波沖涼，老公就去接番子元，今晚兩個男仔嚟sleep over！

28/6/24

 28/6/24      FRI     WARM

今日老2請咗假整後園，不過我都係咁返工返學，今日係小六生去中學適應日，但我照跟條煩友，初初見佢冇返以為甩難，點知佢都係有返，可惡！今日唔係正式上堂理應水飯房係唔洗開工，但佢都可以迫到老師送佢走，好嘢！臨尾返去做吓樣送埋啲學生放學就走人，因為今日要接仲仲放學，返到去仲有好多公務，又因為兩點幾先食飯，都未肚餓就唔食tea住，攤攤抖抖老公又揍咗子元去踢波，咁我同仲仲就喺屋企做蟲蟲，等麥當勞宵夜外賣！

27/6/24

 27/6/24     THU      HOT

今日終於都冇咁熱啦，舒服番好多！如常返到去開工，都估到要跟條麻煩友架啦，本著佢唔煩我，我唔理佢嘅做法，我有我自由自在，總之唔好麻煩到我就得！so far今日都算ok，我都打咗好多盤機，夠3：15我就走人，話知佢幾時行！因為唔想趕就叫咗子元接仲仲，我可以直接返屋企，然後就係食同hea，都有摺埋衫同預備晚餐材料等老公煮！同仲爺繼續爭電視！

26/6/24

 26/6/24      WED     VERY HOT

今日繼續好熱，繼續算係悠閒地開工，只係返工時又比架車片到隻腳眼，真係要搵冰急救吓先掂，今日基本上都輕鬆，只係個學生成日想同我傾偈，但其實佢講嘢啲發音唔太正好難聽哂呢！放工鬆人先去超市，買嘢返去先再去接仲仲after school club，回家後好餓要煮麵食，然後都係預備晚餐同睇慶餘年，今晚又食凍嘢，三文魚沙律意粉，好味！

25/6/24

 25/6/24     TUE     VERY HOT

今日都仲係好熱，再咁熱法都唔知著咩返工！今日繼續輕鬆工作，只係課室又熱，跟住電話同風扇都冇電，返啲返屋企算！接埋細佬返去就倒埋垃圾，煮tea同休息，整定隻雞就今晚食雞絲烏冬，然後都係繼續睇慶餘年，未開始食佢地就返到，踢完波返嚟，咁就一齊食，之後睇英格蘭，和波都出線！

24/6/24

 24/6/24     MON     VERY HOT

今日真係好熱呀，好在今日回復正常的week B，我又可以悠閒番，好似好耐冇試過咁舒服！其他堂都冇咩，最尾PE堂真係頂唔順，好熱又曬喎，所以臨放學要去洗個面加轉水先走，接埋細佬返屋企，等仲仲出去踢波，我又整嘢食同睇慶餘年時摺衫！7點要煮飯，不過咁熱真係唔想食熱嘢，明天都係整吓冷麵！食飯時睇波，意大利臨尾一分鐘入波追和出線，太戲劇性啦！