31/10/24

 31/10/24     THU     WARM

今朝仲未決定跟唔跟子元去打羽毛球, 咁又一早醒咗就算啦, 跟埋去! 不過太趕出去連咖啡都沖唔切, 所以好辛苦呀, 好在等埋holly佢地嚟到, 開始咗打波就好啲, 仲仲真係未打過, 佢條友以為自己一打就識, 邊有可能呀, 所以都係比佢落場打咗一陣咁大把, 過吓隱就算! 仲爺之後又要打籃球, 咁就打到差不多10點再撘車返去, 因為肚餓就直接食埋午餐, 眼闊肚窄整多咗, 我食唔哂! 同仲爺做埋學習嘢就睇黑白大廚, 然後又要同仲爺打機, 到5點幾6點老公返咗嚟, 啲人又開始萬聖節嚟攞糖, 咁我都同仲爺出去攞糖, 今次踩埋車去遠啲攞, 玩吓玩吓玩咗一個鐘都幾攰! 返到嚟差不多有飯食, 我地仲踩埋去Barry屋企探吓佢呢! 食完飯睇電視到10點幾先沖涼瞓!

30/10/24

 30/10/24     WED     WARM

今朝都係照樣9點幾起身食早餐，然後就同仲仲做埋佢啲練習，跟住就出超市買嘢，唔夠料煮午餐，買完新去打籃球，今日隻腳好番啲，可以陪仲仲打一陣！返到去整咗嘢食就做自己嘢，一路到5點多摺住衫睇住電視，突然聽到有人返，好奇怪，明明話今晚要練波好夜先返，咁就出事啦，我問咗句明天係咪8 點打羽毛球，要幾點出門口，佢就一輪咀又話仲仲實起唔切身等等，都唔比人講，我火起又發晦氣，一發就不可收捨，但又要比人話番轉頭，唔想講啦又傷心過！

29/10/24

 29/10/24     TUE     WARM

又一日假期啦, 7點幾醒咗又瞓唔番, 但都係掛住睇機, 食完早餐同仲仲做埋啲假期練習, 就出去跑步同打波, 比佢打咗半個鐘先回程, 一早煮好咗粥, 可以沖完涼, 等我掉埋垃圾就食, 然後一齊打咗陣機就開始佈置Hallowoon, 今年都整得幾好呀, 多啲款式又用啲廢物利用, 最重要係今年cut到個南瓜, 放埋candle入去就靚哂! 老公返嚟就帶仲仲去練波, 又好夜先食晚飯!

28/10/24

 28/10/24     MON     RAIN

term break開始，目的都係hea吓算，不過都要維持番仲爺學習態度，照舊中英數加跑步啦，佢想做好哂就可以打機，所以食完早餐就開工，跑埋返嚟食完午餐就比佢打機，都係捉埋我陪佢打switch，咁打咗一輪我都要摺衫休息吓，因為老公回來又要煮飯，而家好早天黑，又要習慣番冬眠啦！

27/10/24

 27/10/24     SUN     WARM

今日主要節目係去MK探朋友，不過朝早食完早餐，先幫吓子元考慮的成人足球隊，跟住先出發，先去食吓嘢，試咗介紹的餐，都幾好食嘅，跟住先去朋友屋企，都主要食嘢吹水打邊爐，好早開始打嘛，所以都好早食完，跟住就玩吓牌，啤牌可以千變萬化，玩到11點都要走，老公明天要返工，子元又要去做社會服務！

26/10/24

 26/10/24     SAT     WARM

星期六嘛梗係瞓到自然醒, 10點多起身換埋床單, 老公煮早餐, 食完就出Broadway買番返工對鞋先, 仲有其他嘢啦, 再買埋餸就返屋企, 簡單食餃子咋, 然後佢地又出咗去球場啦, 我就睇電視到4點幾先開始做清潔, 係咁行上行落都好攰, 做到6點幾可以休息啦, 等老公返嚟先煮晚餐, 今晚食意粉, 都好味的! 

25/10/24

 25/10/24     FRI     WARM

返埋今日就放term break啦, 本來今日都好地地, 朝早出門口仲仲又搵唔到件風褸, 應該琴日漏咗喺球場啦, 都冇法...放學先算! 要風褸係因為今日佢地有netball比賽, 要嚟我學校打呢, 都幾期待, 諗住可以去睇吓佢, 但其實都唔係好方便, 不過最終都睇咗一陣, 亦都有過去同佢打招呼! 本來今日只係要做cover, 應該輕輕鬆, 但嗰啲高級少少的又喺到大石X死蟹, 要我跟條EP行咗大半個鐘! 係好唔like, 但又可以點呢, 佢根本唔比你選擇! 放學一收得工就走人, 好在唔洗揍仲仲, 因為突然落大雨, 返到去濕哂! 食完tea就開始hea, 因為仲仲會去練波, 會買麥當勞返嚟食, 咁就好好休息吓!