31/12/24 TUE COLD
2024年就咁完結啦, 今日係一個冇出街冇去慶祝的除夕, 好似今年咁囉, 平平淡淡咁又過咗! 朝早瞓醒煮早餐食, 然後就開始hea啦, 細佬又要睇埋無用的謊言, 咁就追到好貼了, 連今日嗰集都現場睇埋, 然後仲跟香港時間倒數, 幾得意! 黃昏開始hea到唔想郁, 午餐食咗pizza已經好夠飽, 所以都差不多8點先食飯, 食完繼續睇吓電視咁再沖涼, 睇吓攰唔攰啦, 唔攰就可以等埋倒數的!
30/12/24 MON COLD
今朝要10 點幾去抽血，返嚟食埋早餐hea吓，子元出咗去打羽毛球，唔等佢同啲朋友返嚟，我同老公去睇嘢買嘢先，係叫仲爺唔好迫人地同佢一齊玩，買完嘢好餓，今日好想食麥記，咁就去買啦，但食完晚飯時間就真係好飽，不過今晚簡單食韓式牛肉蓋飯，食完都係沖涼休息啦！
29/12/24 SUN COLD
今日起身就快手食早餐，約咗12點去winnie新屋，先去附近行咗間鋪，等埋janet大家買吓嘢先，然後再去新屋，都係飲飲食食吹吓水，仲爺就最開心又玩足一日，晚餐試咗整黑白大廚的意粉，好好食！飲飽食醉10點幾走啦，啲細路要捉先至肯郁！老公返嚟沖個涼去接埋哥哥返嚟，假期得番一星期，太快了！
28/12/24 SAT COLD
今日冇咩特別，子元全日出咗去玩，仲仲又有啲感冒，都係食藥休息好啲，我地食完早餐出咗去買餸佢就成機睇足全日電視，到我地返嚟，佢又一齊睇無用的謊言，睇到食完飯就快啲沖涼啦，今晚子元朋友嚟sleep over，留番個廳比佢！
27/12/24 FRI COLD
今朝10點幾起身食埋早餐，做埋清潔，因為holly佢地嚟打麻雀，都唔好太dirty，差不多2點時開定枱等佢地嚟，最終打咗5個鐘先打到4圈，咁有初學者係咁上吓，真係好開心，氣氛好正！期間只係食咗燒賣，所以等佢地走咗就快手煮飯！細佬無端端感冒喎，好在佢都開可以食大人藥都簡單啲！
26/12/24 THU COLD
今朝8點多醒咗，但都hea到10點幾起身食早餐，然後就要出市中心，其實都唔係太想出去，個人越來越宅，其實因為出市中心泊車好煩，跟住去睇jellycat其實我冇咩興趣，加上又人迫，我地真係已經唔習慣，果然泊位又出事，個叉電位又唔泊得，頂！我真係好sad，咁都留意唔清楚，都好唔開心！但返到去都要煮飯架啦，唉！
25/12/24 WED COLD
今日瞓到12點幾先起身, 冇法啦琴晚咁夜! 起身食完早餐整埋個豬皮蘿蔔魚蛋就過阿周嗰到開party, 細佬就最開心啦, 可以同katy玩! 我地去到都係吹吓水先啦, 然後都係整嘢食, 跟住食吓嘢傾吓咁, 今次叫埋Barry嚟, 其實對佢嚟講都係有啲挑戰, 因為要睇住個仔唔比佢搗亂, 冇辦法架啦! 咁都到12點先走, 比琴日早架啦!
