31/7/26 FRI HOT
今日又係熱囉, 朝早煮咗早餐食, 跟住到仲爺學習時間, 之後就係我運動時間, 都做到有啲攰, 今朝阿妹message話近半年阿媽啲記性差咗, 我都一早講咗架啦, 不過帶佢睇醫生都係要等阿妹去做, 我都係只可以同佢打多幾個電話咁解, 所以暑假就打吓電話比佢啦! 老公返嚟本來話出去食晏, 但我要2:30覆診, 所以叫外賣算, 睇完返嚟食, 我啲血壓又係高, 佢又要我過多個星期去多次, 又要驗血驗尿, 成日都驗我啲嘢, 只可以話免費做咁多嘢check住你健康算係咁! 返屋企就食嘢都hea吓, 睇埋spider man啦, 因為想明天去睇呢! 等仲爺出咗去踢波, 我就做清潔啦, 摺衫啦, 又休息吓咁啦, 老公買外賣返嚟食完就沖涼休息!
30/7/26 THU HOT
今朝都9點幾先肯起身去煮早餐, 不過今日比較簡單都係食包咋, 食完就要做嘢, 佢今日有功課要做, 但係history我又係唔識做, 咁就一齊睇youtube啦, 但都係唔多明, 都係要搵中文版, 可惜冇廣東話, 但台灣片都好啦, 起碼我都可以解比佢聽, 然後再靠AI, 咁我就可以做番自己嘢, 先係做運動, 跟住就要煮午餐, 子元一早出咗去做gym, 所以都唔洗咁早煮, 咁又拖慢咗下午的學習進程, 好在今次做數佢都快, 唔知係咪因為我坐咗喺佢隔離所以快咗, 跟住佢又要準備出去跑步! 咁我就休息一吓再煮飯, 一煮飯就好熱, 食飯時都熱, 再洗埋碗仲好攰, 所以快啲沖涼休息!
27/7/26 MON WARM
今朝要去GP睇物理治療師, 遲咗3分鐘到啫, 佢可能已經叫咗名所以又要等到佢9:45先再出嚟叫名, 同佢傾咗幾句, 我忍唔住問佢係咪講廣東話, 果然冇估錯, 咁之後我地都係用廣東話溝通啦, 真係順暢好多, 唔知係因為趕下個客定佢唔太吹水, 都唔算傾咗好多閒話! 睇完就返屋企, 仲爺都食咗早餐, 咁到11點就同佢做功課, 做完就做運動, 然後預備午餐, 今日比較簡單pizza沙律, 食完同佢做埋下半場學習, 又做埋sparx, 佢再打咗陣機又要去踢波, 我就邊打機邊睇電視, 差不多時間就煮飯, 都算啱時間返到嚟就開飯, 食完快啲去沖涼, 又好熱咁啦!
