27/7/26

 27/7/26     MON     WARM

今朝要去GP睇物理治療師, 遲咗3分鐘到啫, 佢可能已經叫咗名所以又要等到佢9:45先再出嚟叫名, 同佢傾咗幾句, 我忍唔住問佢係咪講廣東話, 果然冇估錯, 咁之後我地都係用廣東話溝通啦, 真係順暢好多, 唔知係因為趕下個客定佢唔太吹水, 都唔算傾咗好多閒話! 睇完就返屋企, 仲爺都食咗早餐, 咁到11點就同佢做功課, 做完就做運動, 然後預備午餐, 今日比較簡單pizza沙律, 食完同佢做埋下半場學習, 又做埋sparx, 佢再打咗陣機又要去踢波, 我就邊打機邊睇電視, 差不多時間就煮飯, 都算啱時間返到嚟就開飯, 食完快啲去沖涼, 又好熱咁啦!