8/7/26

 8/7/26     WED     VERY HOT

今日仲係好熱, 都唔知要熱幾耐咁, 一出門口本來感覺都OK, 但一掂到陽光即時熱, 痴線! 返到去原來我今日又係跟盲妹, 仲要係sports day, 仲要佢已經完成咗佢800米項目, 所以我都冇咩做, 先係去佢課室坐, 整吓旗仔, 跟住佢地係田徑項目就全部去哂field嗰邊, 我為咗自己著數都攞埋櫈過去同佢一齊坐, 其實佢都睇唔到啲咩, 所以得閒咪講吓比佢聽佢地做緊咩, 然後差不多完場前我地就走先返大房! 係時候放break! 跟住嗰個半鐘又喺課室吽, 好就好在打機都冇人理, 我又已經攞咗啲紙筆比佢畫吓嘢, 佢又唔係好洗理, 所以我打足全場機, 12點半放之前已經帶佢去reception 等! 然後到我放飯啦! 跟住返大房其實冇咩做, 不過大姐email咗我地話如果嚟緊出年每個LSA都負責一個intervention時大家可以做咩, 就可以寫低email比佢, 咁我除咗做數都冇咩可以做, 所以叫AI整番個plan比我啦, 交埋就差不多收工! 返屋企都係嗰啲嘢, 涼冷氣食嘢睇電視打機, 今日仲要唔洗煮飯添! 不過今日就冇波睇, 唯有睇吓造星啦, 又一日啦!