1/7/26

 1/7/26     WED     HOT

今日又要自己撘番巴士啦, 唔太早出門口, 早咗返去蝕呀! 今日一般啦, 跟個跛妹, 除咗地下啲課室佢都唔去得其他, 不過就轉咗正常時間放學, 所以最尾嗰堂要有人替我更! 頭兩堂都要去課室上, 還可以啦佢都冇咩搞事, 可能佢知喺我手上搞唔到事掛! 小息後都係喺大房, 我又放吓飯咁, 時間都好快過! 夠鐘我就走人啦, 返到去整嘢食休息吓, 準備5點睇英格蘭, 老公都冇去超市買嘢返嚟睇波緊要啲, 簡單交代就係比人入咗先再反追兩球, 兩次入波時我地都叫得好大聲呢, 應該全個英國都係嗰刻好多人大叫, 最終臨尾都贏到! 咁就要煮埋個飯食, 到9點場波睇咗半場去沖涼再睇埋下半場!