15/7/26

 15/7/26     WED     HOT

今日都係繼續咁熱架啦, 只係朝早好少少, 開工跟個麻煩妹, 佢而家照樣去課室上堂, 好在已經係學期尾基本上冇咩書要教, 都係睇吓電影咁, 所以其實都幾hea! 午飯時仲出咗去買雪條食, 好想食甜嘢! 今日基本上冇咩喺大房留過, 同埋嗰個八婆同事放完產假返咗嚟, 感覺不良好! 放工返到去都係沖涼先再食嘢, 跟住摺衫晾衫, 今日老公煮飯, 不過我又想睇吓電視咁所以都冇喺房涼冷氣! 8點開波但都未食得飯, 跟住都係半場就洗個碗, 點知英格蘭入得一球就守, 最終咪比人反及兩球囉, 頂!