7/7/26

 7/7/26     TUE     HOT

今日踩車返學都有少少人多, 但遲15分鐘已經係好少少, 仲可以3點就走, OK啦! 同埋感覺上都上番手好多啦! 返到去知道跟盲妹, 都係好事起碼唔會太辛苦, 好就好在佢唔可以立亂派人跟佢, 咁可以跟的人又唔多, 所以我通常都接到呢啲單, 咁就照常咁工作啦, 都要做吓卷咁架, 夠鐘就放飯放工, 返到去仲要倒垃圾, 子元出咗去玩得番隻豬幫手係差啲! 跟住就做埋啲家務, 洗衫摺衫煮嘢食睇吓波咁, 因為今日早場開5點, 佢地全部唔喺屋企, 子元返嚟換啲裝備又出去同朋友玩波, 仲爺就練波啦, 咁我整好啲餸再繼續喺房涼住冷氣咁睇波, 到咁上吓先去煮飯! 啱啱好時間9點開波可以睇住食, 不過半場我又去沖涼啦, 今日踢哂就八強了, 進入白熱化了!