7/9/26

 7/9/26     THU     VERY HOT

今日熱得嚟又激心, 真係唔怕學生煩, 最怕同事蠢, Cover飯更一向都係浮動架啦, 講咗都未必準, 加上你明知你個學生點半走你就唔好咁多聲氣啦, 跟住個學生第二堂唔肯去上堂你咪自己諗掂, 係咁同我講有鬼用, 總之就煩, 但經一次咁我又知好多同事都唔妥佢! 算啦, 唔講佢, 今日真正做Hub原來都唔易, 之前都係執頭執尾, 今次真係要負責有時都會唔知點做, 今日都唔算多事架啦, 但感覺上都好忙咁, 又要send email又要做reg, 仲要做埋飯更, 好在飯後都閒啲, 準時又收工啦, 返屋企都係第一時間冷氣, 沖涼食嘢休息打機等老公煮飯, 冇咩特別咁啦, 哥哥又出咗去同朋友玩, 食飯先返嚟! 今日熱到開住冷氣都唔覺得好涼咁, 呢種天氣仲要維持兩星期, 實在係太攞命! 晚上做八強, 但法國對摩洛哥都係一般, 最終都係法國勝出, 冇咩驚喜!