6/7/26

 6/7/26     MON     HOT

琴晚處於瞓哂又睇吓波的狀態, 其實都睇唔到啲咩, 知道入波囉, 半場有醒又睇咗精華, 但都捱唔到完場, 所以都係朝早先睇番賽果, 都知係贏架啦, 差在贏幾多, 原來英格蘭贏3-2, 夠用啦! 因為今日學校由第二堂先開始上, 可以返10點, 我見捱巴士真係太熱, 襯人少少試吓單車啦, 應該可以的, 慢啲行咪得囉, so far都OK, 同埋今日下午要去照肝, 所以都早走, 基本上兩堂放個飯我就走得, 所以都係一個soft start, 我都攰啦soft吓好! 午飯時間冇得食嘢, 因為照肝要空肚6個鐘, 所以只係去hea吓, 同副校傾埋返放工時間, 有諗過想照舊返放少半個鐘, 但其實如果比佢知道我踩單車又繼續賺一個鐘麻煩, 所以要求早放遲返15分鐘, 好過冇啦! 夠鐘就走人, 返到屋企其實清潔吓個人換過件衫都差不多要出門口去Ealing hospital照嘢, 佢都準時喎, 我個booking 係3:10佢都係咁上吓就有得照, 我仲趕得切回程巴士應該唔洗再比錢! 返到去快啲食嘢先, 不過我都係食咗雞肉粟米同沙律菜, 忍住唔好再食太多! 最後就係洗衫晾衫, 仲爺去咗踢波, 我就預備好晚飯再睇波, 但今日場波勁悶, 好在西班牙最終都贏咗!